ລະເບີດລູກນຶ່ງໄດ້ແຕກຂຶ້ນຢູ່ຂ້າງນອກຂອງສໍານັກງານຜູ້ຕາງໜ້າສະຫະລັດ ໃນເມືອງ
Benghazi ທາງພາກຕະເວັນອອກຂອງລີເບຍ ຊຶ່ງບໍ່ມີຜູ້ໃດໄດ້ຮັບບາດເຈັບ ແຕ່ກໍໄດ້
ເຮັດໃຫ້ມີຄວາມເປັນຫ່ວງເປັນໃຍເພີ່ມຂຶ້ນກ່ຽວກັບຄວາມບໍ່ທຸ່ນທ່ຽງຂອງປະເທດ
ຂະນະທີ່ລີເບຍພວມວາງແຜນທີ່ຈະຈັດການເລືອກຕັ້ງຄັ້ງປະຫວັດສາດ.
ເຈົ້າໜ້າທີ່ຄົນນຶ່ງຂອງສະຫະລັດໃນລີເບຍ ກ່າວວ່າ ການໂຈມຕີໃນຕອນຄໍ່າຂອງວັນອັງ
ຄານຜ່ານມານີ້ ໄດ້ສ້າງຄວາມເສຍຫາຍໃຫ້ປະຕູດ້ານໜ້າຂອງສໍານັກງານ. ເຈົ້າໜ້າທີ່
ທີ່ຂໍສະຫງວນນາມທ່ານນີ້ ກ່າວຕໍ່ VOA ໃນວັນພຸດວານນີ້ວ່າ ຕຶກອາຄານໃຫຍ່ນັ້ນ
ແມ່ນບໍ່ໄດ້ຮັບຜົນກະທົບແຕ່ຢ່າງໃດ.
ເຫດລະເບີດໃນເມືອງ Benghazi ມີຂຶ້ນ 2 ອາທິດ ກ່ອນລີເບຍມີກໍານົດຈັດການເລືອກ
ຕັ້ງແບບເສລີໃນທົ່ວປະເທດຂຶ້ນ ຫຼັງຈາກອະດີດຜູ້ນໍາ ທ່ານ Moammar Gadhafi ທີ່ໄດ້
ເຂົ້າຢຶດອຳນາດໃນການກໍ່ລັດຖະປະຫານໃນປີ 1969 ນັ້ນ ໄດ້ຖືກສັງຫານໃນປີກາຍນີ້
ທ່າມກາງການລຸກຮືຂຶ້ນຂອງປະຊາຊົນນັ້ນ.
ຄວາມເຄັ່ງຕຶງພວມເພີ່ມທະວີຂຶ້ນ ກ່ອນການປ່ອນບັດໃນວັນທີ 19 ມິຖຸນານີ້ ເພື່ອເລືອກ
ເອົາສະມາຊິກ 200 ຄົນ ເຂົ້ານັ່ງໃນສະພາ ທີ່ຈະຮ່າງລັດຖະທໍາມະນູນສະບັບໃໝ່ ແລະ
ຈັດຕັ້ງຄະນະລັດຖະບານບໍລິຫານປະເທດ.
ທ່າມກາງການຮຸນແຮງລະຫວ່າງພັກຝ່າຍຕ່າງໆຂອງພວກຊົນເຜົ່າແລະຄະນະລັດຖະບານ
ທີ່ຮັກສາການຊົ່ວຄາວ ກໍໄດ້ມີລາຍງານວ່າ ການເລືອກຕັ້ງຈະຕ້ອງຖືກເລື່ອນເວລາອອກໄປ.
ເບິ່ງວີດີໂອ ຍັງມີປະທະກັນ ລະຫວ່າງກຸ່ມທະຫານບ້ານ ທີ່ເປັນປໍລະປັກ
