ບັນດານັກການທູດພວມເຕົ້າໂຮມກັນຢູ່ທີປະເທດ Qatar
ໃນວັນພຸດມື້ນີ້ ເພື່ອປະສານງານກັນໃນການຮັບມືຂອງ
ນາໆຊາດຕໍ່ວິກິດການໃນລີເບຍນັ້ນ.
ກຸ່ມຕິດຕໍ່ພົວພັນລະຫວ່າງຊາດວ່າດ້ວຍລີເບຍ ທີ່ພົບປະ
ກັນເປັນຄັ້ງທໍາອິດ ຈະນໍາພວກລັດຖະບານຕ່າງໆທັງຈາກ
ປະເທດຕາເວັນຕົກແລະໃນພາກພື້ນ ທີ່ໃຫ້ການສະໜັບ
ສະໜຸນແກ່ພວກຝ່າຍຄ້ານໃນລີເບຍນັ້ນມາເຕົ້າໂຮມກັນ.
ສະພາປົກຄອງແຫ່ງຊາດຊົ່ວຄາວຂອງພວກກະບົດຈະໄປ
ຮ່ວມໃນກອງປະຊຸມດັ່ງກ່າວ ຕະຫລອດທັງທ່ານພັນກິມູນ
ເລຂາທິການໃຫຍ່ສະຫະປະຊາຊາດ.
ທ່ານມຸສສາກູສສາ ອະດີດລັດຖະມົນຕີການຕ່າງປະເທດລີ
ເບຍ ທີ່ໄດ້ໂຕນໜີໄປລີ້ໄພໃນອັງກິດ ຈະໄປຮ່ວມກອງປະ
ຊຸມທີ່ Qatar ເຊ່ນກັນແລະຈະໃຫ້ຄໍາແນະນໍາຕໍ່ກຸມຕິດຕໍ່
ພົວພັນລະຫວ່າງຊາດດັ່ງກ່າວ.
ໂຄສົກປະຈໍາຄະນະຜູ້ຕາງໜ້າຂອງພວກກະບົດ ກ່າວວ່າ ພວກຕົນຈະບໍ່ຮັບເອົາຫຍັງໝົດ
ນອກຈາກຈະປົດທ່ານກາດດາຟີ ຜູ້ນໍາລີເບຍອອກຈາກອໍານາດແລະກຳຈັດກໍາລັງຂອງທ່ານ
ເທົ່ານັ້ນ.
ທ່ານ William Hague ລັດຖະມົນຕີການຕ່າງປະເທດອັງກິດ ກ່າວຢູ່ນອກກອງປະຊຸມວ່າ ຄວາມກົດດັນກໍາລັງເພີ່ມທະວີຂຶ້ນເພື່ອໃຫ້ທ່ານກາດດາຟີລົງຈາກຕໍາແໜ່ງໄປນັ້ນ.
ໃນອັງຄານວານນີ້ ຝຣັ່ງແລະອັງກິດຕ່າງກໍໄດ້ຮຽກຮ້ອງໃຫ້ພັນທະມິດກຸ່ມເນໂຕ້ເພີ່ມທະວີ
ການໂຈມຕີທາງອາກາດຂອງຕົນຕໍ່ພວກກໍາລັງຝ່າຍລັດຖະບານທີ່ພວມທໍາການໂຈມຕີພວກ
ພົນລະເຮືອນຢູ່ໃນເວລານີ້.
ທ່ານ Alain Juppe ລັດຖະມົນຕີການຕ່າງປະເທດຝຣັ່ງກ່າວວ່າ ກຸ່ມເນໂຕ້ບໍ່ໄດ້ດໍາເນີນ
ການພຽງພໍ ເພື່ອຢຸດການໂຈມຕີຂອງພວກກໍາລັງກາດດາຟີທໍາການເຂັ່ນຂ້າພວກພົນລະ
ເຮືອນໃນຂົງເຂດທີ່ຢູ່ພາຍໃຕ້ການຄອບຄອງຂອງຝ່າຍກະບົດນັ້ນ. ທ່ານ Juppe ກ່າວຕໍ່ໄປ
ວ່າ ກຸ່ມເນໂຕ້ຈະຕ້ອງດໍາເນີນການຫລາຍຂຶ້ນເພື່ອທໍາລາຍອາວຸດຂະໜາດໜັກຂອງທ່ານ
ກາດດາຟີ ທີ່ແນເປົ້າໝາຍໃສ່ເມືອງ Misrata ທີ່ຖືກປິດລ້ອມໃນພາກຕາເວັນຕົກຂອງລີເບຍ.
ບັນດາກຸ່ມຊ່ອຍເຫລືອລະຫວ່າງຊາດເຕືອນວ່າ ຈະມີວິກິດການດ້ານມະນຸດສະທໍາເກີດຂຶ້ນ
ໃນເມືອງໃຫຍ່ທີ່ສຸດອັນດັບ 3 ຂອງລີເບຍນັ້ນ.
ທ່ານ Hague ຮຽກຮ້ອງພວກປະເທດສະມາຊິກຂອງກຸ່ມເນໂຕ້ເພີ່ມຈໍານວນເຮືອບິນລົບຂຶ້ນອີກສໍາລັບເຂົ້າພົວພັນໃນການປະຕິບັດງານທາງອາກາດ ເຊ່ນດຽວກັນກັບອັງກິດໄດ້ເຮັດມານັ້ນ.
ກຸ່ມເນໂຕ້ໄດ້ປະຕິເສດຕໍ່ການຕໍາໜິຕິຕຽນຂອງຝຣັ່ງແລະອັງກິດນັ້ນ ຊຶ່ງນາຍພົນຈັດຕະວາ Mark Van Uhm ກ່າວໃນວັນອັງຄານວານນີ້ວ່າກຸ່ມເນໂຕ້ກໍາລັງດໍາເນີນງານຢ່າງດີເລີດ ແລະປົກປ້ອງພວກພົນລະເຮືອນ ດ້ວຍກຳລັງທີ່ພວກຕົນມີຢູ່ນັ້ນ.
