ກອງກໍາລັງຂອງພວກທີ່ຈົງຮັກພັກດີຕໍ່ຜູ້ນໍາ Libya
ທ່ານ Moammar Gadhafi ໄດ້ທໍາການໂຈມຕີທາງອາ
ກາດ ອີກເທື່ອນຶ່ງ ຕໍ່ເມືອງ Ajdabiya ທີ່ພວກຕໍ່ຕ້ານລັດ
ຖະບານຄວບ ຄຸມຢູ່ໃນພາກຕາເວັນອອກຂອງປະເທດນັ້ນ
ຊຶ່ງເປັນການຫຍັບເຂົ້າໄປໃກ້ເມືອງ Benghazi ທີ່ໝັ້ນ
ແຫ່ງສໍາຄັນຂອງຝ່າຍຕໍ່ຕ້ານນັ້ນຫລາຍຂຶ້ນ.
ພວກເຫັນເຫດການກ່າວວ່າ ການຖີ້ມລະເບີດໃນວັນອັງຄານ
ມື້ນີ້ ໄດ້ຕົກຖືກບໍລິເວນແຄມເມືອງທາງກໍ້າຕາເວັນຕົກ.
ອົງການຂ່າວຝຣັ່ງກ່າວວ່າມີນັກລົບຂອງຝ່າຍຕໍ່ຕ້ານເສຍຊີວິດຢ່າງນ້ອຍ ນຶ່ງຄົນ.
ຝ່າຍກໍາລັງທີ່ນິຍົມກາດດາຟີ ໄດ້ທໍາການຖີ້ມລະເບີດໃສ່
ເມືອງ Ajdabiya ໃນວັນຈັນວານນີ້ໃນຂະນະດຽວກັນ
ກໍທໍາການໂຈມຕີເມືອງ Zuwarah ໄປພ້ອມ.
ເມືອງດັ່ງກ່າວ ທີ່ຕັ້ງຢູ່ແຄມຝັ່ງທະເລ ປະມານ 120 Kilometers ຫ່າງຈາກນະຄອນຫຼວງ
Tripoli ແມ່ນຮວມຢູ່ໃນຈຳນວນບໍ່ເທົ່າໃດເມືອງທາງພາກຕາເວັນຕົກຂອງປະເທດ ທີ່ພວກຕໍ່
ຕ້ານລັດຖະບານສາມາດຢຶດໄດ້ ເວລາການລຸກຮືຂຶ້ນຕໍ່ຕ້ານລັດຖະບານເລີ່ມຂຶ້ນ ໃນເດືອນ
ແລ້ວນີ້.
