ເຮືອບິນລົບຂອງອົງການເນໂຕ້ໄດ້ທຳການໂຈມຕີຢ່າງໜັກ
ຕໍ່ນະຄອນຫຼວງຕຣີໂປລີ ໃນຕອນເຊົ້າຂອງວັນອັງຄານມື້
ນີ້.
ພວກທີ່ເຫັນເຫດການກ່າວວ່າ ຢ່າງນ້ອຍໄດ້ຍິນສຽງລະ
ເບີດແຕກຂຶ້ນ 5 ຄັ້ງທີ່ນະຄອນຫຼວງລີເບຍແລະກໍເຫັນຄວັນ
ໄຟພຸ່ງຂຶ້ນສູ່ທ້ອງຟ້າ.
ເຈົ້າໜ້າທີ່ລັດຖະບານລີເບຍໄດ້ພາພວກນັກຂ່າວໄປເບິ່ງ
ບ່ອນຖືກໂຈມຕີທີ່ໄດ້ຮັບຄວາມເສຍຫາຍຈຳນວນນຶ່ງ.
ການໂຈມຕີທາງອາກາດຂອງ ເນໂຕ້ໄດ້ຖືກໂຮງການພະ
ແນກການນຶ່ງຂອງລັດຖະບານ ທຳລາຍຫໍຄອຍສື່ສານ
ແລະເຮັດໃຫ້ແກ້ວໂຮງໝໍແຫ່ງນຶ່ງແຕກ.
ລາຍງານຂ່າວແຈ້ງວ່າ ບໍລິເວນບ້ານພັກບ່ອນທີ່ຄອບຄົວ
ຂອງຜູ້ນຳລີເບຍທ່ານ Moammar Gadhafi ທີ່ອາໄສຢູ່
ນັ້ນກໍອາດຖືກໂຈມຕີນຳດ້ວຍ.
ການຖິ້ມລະເບີດຢ່າງໜັກຜິດທໍາມະດາໄດ້ມີຂຶ້ນຫລັງຈາກການໂຈມຕີທາງອາກາດຂອງກຸ່ມ
ເນໂຕ້ໃນວັນຈັນວານນີ້ ໃສ່ຄັງອາວຸດຂອງລັດຖະບານໃກ້ໆກັບເມືອງ Zintan ໃນພາກ
ຕາເວັນຕົກຂອງລີເບຍນັ້ນ.
ໃນເມືອງທ່າເຮືອ Misrata ທີ່ຖືກປິດລ້ອມ ພວກນັກຕໍ່ສູ້ຝ່າຍກະບົດກ່າວວ່າ ພວກເຂົາເຈົ້າ
ໄດ້ໂຈມຕີພວກທະຫານຝ່າຍລັດຖະບານໃຫ້ຖອຍອອກໄປຈາກທີ່ໝັ້ນແຫ່ງຕ່າງໆອ້ອມເມືອງ
ດັ່ງກ່າວ. ກໍາປັ່ນລໍານຶ່ງທີ່ຮັບເໝົາໂດຍຄະນະກໍາມາທິການລະຫວ່າງຊາດຂອງສະພາກາແດງ
ໄດ້ແລ່ນໄປຮອດເມືອງ Misrata ໃນວັນຈັນວານນີ້ ໂດຍໄດ້ນໍາພວກອາຫານສໍາລັບພວກ
ທາລົກ 8 ພັນແກ້ວຕະຫລອດທັງອຸບປະກອນສໍາ ລັບໃຊ້ໃນການຜ່າຕັດແລະຜ້າພັນບາດ
ແຜທີ່ຕ້ອງການຢ່າງຮີບດ່ວນນັ້ນ.
