ພວກຜູ້ນໍາລັດຖະບານຊົ່ວຄາວຂອງລີເບຍ ໄດ້ຮຽກຮ້ອງໃຫ້ອົງການເນໂຕ້ສືບຕໍ່ການ ປະຕິບັດງານຂອງຕົນຢູ່ໃນລີເບຍ ໄປຈົນເຖິງຢ່າງໜ້ອຍທ້າຍປີນີ້.
ທ່ານ Mustafa Abdel Jalil ຜູ້ນໍາສະພາໄລບະຂ້າມຜ່ານແຫ່ງຊາດລີເບຍຫລື NTC
ກ່າວເມື່ອວັນພຸດມື້ນີ້ວ່າ ການເຄຶ່ອນໄຫວດັ່ງກ່າວນີ້ ຈະຊ່ວຍປ້ອງກັນບໍ່ໃຫ້ພວກຈົ່ງຮັກ
ພັກດີ ຕໍ່ກາດດາຟີທີ່ຍັງຫລົງເຫລືອ ໄດ້ລວມກຸ່ມກັນຂຶ້ນມາໃໝ່ແລະກາຍເປັນໄພຂົ່ມຂູ່.
ທ່ານມູສຕາຟາ ໄດ້ອອກຄໍາຂໍຮ້ອງນີ້ທີ່ປະເທດຄາຕາ ທີ່ກອງປະຊຸມການວາງແຜນການ ຂອງນານາຊາດເທື່ອທໍາອິດສໍາລັບລີເບຍ ນັບຕັ້ງແຕ່ການເສຍຊີວິດຂອງກາດດາຟີ ໃນ
ອາທິດຜ່ານມານີ້.
ແລະໃນອີກດ້ານນຶ່ງນັ້ນ ພວກເອກອັກຄະລັດຖະທູດຂອງອົງການເນໂຕ້ ກໍາລັງປະຊຸມ
ກັນ ທີ່ນະຄອນຫລວງ Brussels ປະເທດເບລຢ້ຽມ ໃນວັນພຸດມື້ນີ້ ເພື່ອພິດຈາລະ ນາຫາທາງຍຸຕິການປະຕິບັດງານໂຈມຕີທາງ ອາກາດເປັນເວລາເຈັດເດືອນຢູ່ໃນລີເບຍ
ຂອງພວກປະເທດພັນທະມິດ. ພວກທ່ານໄດ້ເລື່ອນເວລາກ່ຽວກັບການຕັດສິນໃຈຢ່າງ
ເປັນທາງການໄປໃສ່ມື້ວັນສຸກ ເພື່ອໃຫ້ເວລາເພີ່ມຕື່ມໃນການປຶກສາຫາລືກັບພວກຜູ້ນຳ
ຂອງລັດຖະບານຊົ່ວຄາວລີເບຍ.
ເມື່ອອາທິດຜ່ານມານີ້ ກຸ່ມເນໂຕ້ໄດ້ທໍາການຕັດສິນໃຈໃນເບຶ້ອງຕົ້ນເພື່ອຍຸຕິການປະຕິ
ບັດງານຂອງຕົນລົງໃນວັນທີ່ 31 ເດືອນຕຸລານີ້
ສົບຂອງອະດີດຜູ້ນໍາລີເບຍ ມວມມາ ກາດດາຟີ ໄດ້ຖືກນຳໄປຝັງຢູ່ສະຖານທີ່ລັບໃນທະ
ເລຊາຍແຫ່ງນຶ່ງ. ທ່ານມວມມາ ກາດດາຟີ ຖືກຍິງ ແລະເສຍຊີວິດ ເມື່ອວັນພະຫັດຜ່ານ
ມາເວລາກໍາລັງຂອງລັດຖະບານ ຊົ່ວຄາວລີເບຍໄດ້ບຸກລຸກໂຈມຕີເມືອງ Sirte ບ້ານເກີດ
ຂອງທ່ານກາດ ດາຟີນັ້ນ.
ສະພາ NTC ໄດ້ຮັບຄວາມກົດດັນຈາກນານາຊາດຢ່າງຂຸ້ນຂ້ຽວເພື່ອສືບສວນສອບສວນ
ສາເຫດການຕາຍຂອງກາດດາຟີ. ຈາກຮູບຖ່າຍວີດີໂອທາງໂທລະສັບມືຖືນັ້ນສະແດງໃຫ້
ເຫັນວ່າ ພວກນັກລົບລັດຖະບານຊົ່ວຄາວທຸບຕີກາດດາຟີທີ່ບາດເຈັບຢູ່ແລ້ວ ບໍ່ດົນກ່ອນ
ຈະເສຍຊີວິດ.
ພວກເຈົ້າໜ້າທີ່ລີເບຍກ່າວວ່າ ອະດີດຜູ້ນໍາລີເບຍຖືກຍິງ ໃນລະຫວ່າງການຍິງຕໍ່ສູ້ກັນ ລະຫວ່າງພວກຈົ່ງຮັກພັກດີຕໍ່ທ່ານກາດດາຟີ ແລະກໍາລັງຂອງລັດຖະບານຊົ່ວຄາວ. ພວກນັກລົບທີ່ຢູ່ໃນສະຖານທີ່ເກີດເຫດຍອມຮັບວ່າ ໄດ້ມີການທຸບຕີອະດີດຜູ້ນໍາທີ່ຖືກ
ໂຄ່ນລົ້ມແທ້ ຫລັງຈາກຜູ້ກ່ຽວຖືກຈັບໄດ້.
ເບິ່ງວີດີໂອລາຍງານ ກ່ຽວກັບເນໂຕຕັດສິນໃຈຍຸດຕິການປະຕິບັດງານຢູ່ລີເບຍ
