ພວກເຈົ້າໜ້າທີ່ລັດຖະບານຊົ່ວຄາວໃນລີເບຍກ່າວວ່າ ກໍາລັງທະຫານຂອງ ຕົນໄດ້ເຂົ້າຍຶດ
ຄອງເມືອງທະເລຊາຍ Sabha ທາງຕອນໃຕ້ຂອງປະເທດໄດ້ແລ້ວ ຊຶ່ງເປັນນຶ່ງໃນທີ່ໝັ້ນ ແຫ່ງສຸດທ້າຍຂອງອະດີດຜູ້ນໍາລີເບຍ ມວມມາ ກາດດາຟີ.
ພວກເຈົ້າໜ້າທີ່ສະພາໄລຍະຂ້າມຜ່ານແຫ່ງຊາດລີເບຍ ຫລື NTC ກ່າວ ເມື່ອວັນພຸດມື້ນີ້ ວ່າ ພວກນັກຕໍ່ສູ້ຕໍ່ຕ້ານກາດດາຟີ ຍັງປະເຊີນກັບການ ຕ້ານຢັນຢູ່ໃນບາງແຫ່ງແຕ່ກໍ ສາມາດເຂົ້າຄວບຄຸມຕົວເມືອງສ່ວນໃຫຍ່ໄວ້ໄດ້.
ໃນຂະນະທີ່ກໍາລັງຂອງລັດຖະບານຊົ່ວຄາວ ພວມດິ້ນຮົນຫາທາງຂັບໄລ່ ພວກຈົງຮັກພັກດີ ຕໍ່ກາດດາຟີ ອອກຈາກເມືອງ Bani Walid ແລະເມືອງ Sirte ນັ້ນ ນາຍົກລັດຖະມົນຕີ ຊົ່ວຄາວຂອງລີເບຍກາວວ່າ ຂະນະນີ້ອຳ ນາດການປົກຄອງຂອງທ່ານກໍາລັງດຳເນີນງານ ເພື່ອຈັດຕັ້ງລັດຖະບານຊຸດໃໝ່.
ທ່ານ Mahmoud Jibril ບອກພວກຜູ້ສື່ຂ່າວເມື່ອວັນອັງຄານວານນີ້ທີ່ ນະຄອນນີວຢ໊ອກ ວ່າ ການເຄຶ່ອນໄຫວທີ່ວ່ານີ້ຈະມີຂຶ້ນພາຍໃນເຈັດຫາສິບວັນຕໍ່ໜ້ານີ້. ທ່ານກ່າວວ່າ NTC ກໍາລັງຕັດສິນໃຈຂັ້ນສຸດທ້າຍກ່ຽວກັບຈໍາ ນວນແນ່ນອນຂອງກະຊວງຕ່າງໆ ແລະວ່າ ທັງໝົດນີ້ຈະຕັ້ງຢູ່ໃນນະຄອນຫລວງ Tripoli ຫລືຖືກແບ່ງກັນຢູ່ລະຫວ່າງ ພາກຕາເວັນອອກ ແລະພາກຕາເວັນຕົກຂອງລີເບຍນັ້ນຫລືບໍ່.
ສະພາໄລຍະຂ້າມຜ່ານແຫ່ງຊາດລີເບຍ ຫລື NTC ມີຖານປະຕິບັດງານຕັ້ງຢູ່ເມືອງ Banghazi ໃນພາກຕາເວັນອອກຂອງລີເບຍ ໃນລະຫວ່າງສ່ວນໃຫຍ່ຂອງສົງຄາມກາງເມືອງທີ່ດໍາເນີນມາຢູ່ໃນລີເບຍນັ້ນ.
ທຸງຊາດໃໝ່ຂອງລີເບຍ ໄດ້ປິວສະບັດຢູ່ທີ່ອົງການສະຫະປະຊາຊາດເປັນເທື່ອທໍາອິດໃນວັນ ອັງຄານວານນີ້ ນັບຕັ້ງແຕ່ການໂຄ່ນລົ້ມອະດີດຜູ້ນໍາລີເບີຍມວມມາ ກາດດາຟີ ທ່ານ ພັນ ຄີມູນ ເລຂາທິການໃຫຍ່ອົງການສະຫະປະຊາຊາດ ໄດ້ສະແດງຄວາມຍິນດີຕໍ່ພວກຜູ້ນໍາໃໝ່ຂອງລີເບຍສູ່ປະຊາຄົມນານາຊາດ ໂດຍກ່າວວ່າສະພາຄວາມໝັ້ນຄົງອົງການສະຫະປະຊາຊາດໄດ້ປະຕິບັດການເພື່ອພິທັກປົກປ້ອງປະຊາຊົນລີເບຍອອກຈາກການກໍ່ຄວາມຮຸນແຮງ.
ກຸ່ມສິດທິມະນຸດວ່າ ຢູໂຣບບໍ່ຊ່ວຍພວກອົບພະຍົບລີເບຍ. ເບິ່ງວີດີໂອລາຍງານພາສາອັງກິດ:
