ລິ້ງ ສຳຫລັບເຂົ້າຫາ

ພວກກະບົດລີເບຍຍຶດ​ເອົາ ​ເມືອງທ່າ Brega ໄດ້ ໃນວັນເສົາວານນີ້

  • ທອງປານ ເທບວົງສາ

ພວກກະບົດລີເບຍ

ພວກກະບົດລີເບຍໄດ້ບຸກຄືບ​ໜ້​າເລິກເຂົ້າໄປໃນພາກ ຕາເວັນຕົກຂອງປະເທດ ​ໃນວັນເສົາວານນີ້ ພຽງມື້ນຶ່ງ ຫລັງຈາກຍຶດໄດ້ເມືອງສໍາຄັນສອງເມືອງລຸນຫລັງຈາກ ການໂຈມຕີທາງອາກາດຂອງກໍາລັງປະສົມ​ເປັນ​ເວລານຶ່ງ​ອາທິດ ທີ່ປາກົດວ່າໄດ້ບັງຄັບໃຫ້ກໍາລັງຂອງຝ່າຍລັດຖະ ບານຕ້ອງລ່າຖອຍໄປ.

ພວກກະບົດກ່າວວ່າ ພວກເຂົາເຈົ້າໄດ້ຍຶດ​ເອົາ​ເມືອງທ່າ ນໍ້າມັນ Brega ເມືອວັນເສົາວານນີ້ ບໍ່ເທົ່າໃດຊົ່ວໂມງ ຫລັງຈາກຍຶດເອົາເມືອງ Ajdabiya ທີ່ຢູ່​ໃກ້ກັນນັ້ນຄືນໄດ້ ພວກກະບົດກ່າວອີກວ່າ ກໍາລັງທີ່ຈົ່ງຮັກພັກດີຕໍ່ຜູ້ ນໍາລີເບຍ ທ່ານ ມວມມາ ກາດດາຟີ ແມ່ນຖືກຂັບໄລ່​ອອກຈາກ​ໄປທັງສອງເຂດດັ່ງກ່າວ.

ພວກກະບົດໄດ້ສູນເສຍການຄອບຄອງເມືອງ Ajdabiya
ໄປເມື່ອນຶ່ງອາທິດ ກ່ວາ​ໆຜ່ານມາ ແຕ່ການໂຈມຕີທາງອາ
ກາດຫລາຍໆບັ້ນຂອງຝ່າຍກໍາລັງ ປະສົມຕໍ່ກໍາລັງຂອງຝ່າຍລັດຖະບານກາດດາຟີນັ້ນ ​ໄດ້ຊ່ວຍໃຫ້ພວກກະບົດຍຶດເອົາເມືອງດັ່ງກ່າວຄືນມາໄດ້.

ພວກເຫັນເຫດການລາຍງານວ່າ ໄດ້ເຫັນຊາກສົບຂອງພວກທະຫານລັດຖະບານ ສິບ ກວ່າສົບ ໃນເມືອງ Ajdabiya ປະມານ 160 ຫລັກກິໂລແມັດທາງທິດໃຕ້ຂອງ Benghazi ເມືອງທີ່ໝັ້ນຂອງພວກກະບົດ.

XS
SM
MD
LG