ອົງການອະນາໄມໂລກ ຫຼື WHO ກ່າວວ່າ ໄນຈີເຣຍແມ່ນປອດ
ຈາກ ອີໂບລາແລ້ວ ຫຼັງຈາກ 42 ມື້ໄດ້ຜ່ານພົ້ນໄປ ໂດຍບໍ່ມີລາຍ
ງານວ່າ ໄດ້ມີກໍລະນີຕິດເຊື້ອໃໝ່ອີກ.
ຜູ້ຕາງໜ້າ WHO ທ່ານ Rui Gama ກ່າວໃນວັນຈັນມື້ນີ້ວ່າ
ຄວາມກ້າວໜ້າດັ່ງກ່າວ ແມ່ນ “ເປັນເລື້ອງລາວຂອງຄວາມ
ສຳເລັດທີ່ໂດດເດັ່ນ.”
ໄນຈີເຣຍ ໄດ້ມີຜູ້ຕິດເຊື້ອອີໂບລາ 20 ກໍລະນີ ແລະ 8 ຄົນເສຍ
ຊີວິດ ເຊິ່ງເປັນສ່ວນນຶ່ງຂອງເຂດທີ່ຕົກຢູ່ໃຕ້ ການລະບາດທີ່ຮ້າຍ
ແຮງບໍ່ເຄີຍມີມາກ່ອນ ຂອງໄວຣັສດັ່ງກ່າວ.
ເມື່ອອາທິດແລ້ວນີ້ ອົງການ WHO ກໍໄດ້ປະກາດວ່າ ປະເທດເຊເນກາລ ປອດຈາກອີໂບລາແລ້ວເຊັ່ນກັນ.
ນາງພະຍາບານ ນີນ່າ ຟາມ ຖືກຍ້າຍມາປິ່ນປົວ ຢູ່ NIH
ໃນຂະນະດຽວກັນ ປະທານາທິບໍດີໄລບີເຣຍ ທ່ານນາງ Ellen Johnson Sirleaf ກໍ
ກຳລັງຮຽກຮ້ອງຄວາມສົນໃຈ ໄປໃສ່ຄວາມຕ້ອງການສຳຫລັບການລົງທຶນອັນຍາວນານ
ໃສ່ພື້ນຖານໂຄງລ່າງຂອງການບໍລິການທາງດ້ານສາທາລະນະສຸກ ເພື່ອປ້ອງກັນການກັບ
ຄືນມາ ຂອງການລະບາດຂອງອີໂບລາ ທີ່ໄດ້ເອົາຊີວິດໄປ ຫຼາຍກວ່າ 4,500 ຄົນແລ້ວນັ້ນ.
ຢູ່ໃນບົດຄວາມເຫັນທີ່ຂຽນລົງໃນໜັງສືພິມ Washington Post ປະທານາທິບໍດີ Sirleaf ກ່າວວ່າ ປະຕິກິລິຍາຕອບຂອງນາໆຊາດ ແມ່ນລ່າຊ້າ ເຮັດໃຫ້ພະຍາດອີໂບລາ
ແຜ່ລະບາດຢູ່ໃນປະເທດຂອງທ່ານນາງຢ່າງຮ້າຍແຮງ ເກີນກ່ວາທີ່ລະບົບສາທາລະນະສຸກ ຂອງປະເທດ ຈະຮັບມືໄດ້.
ທ່ານນາງກ່າວອີກວ່າ ກຳລັງມີການເອົາຫຼາຍໆບາດກ້າວໃນເວລານີ້ ເຊັ່ນວ່າ ບັນດາ
ທະຫານສະຫະລັດກຳລັງຊ່ວຍເຫຼືອຈັດຕັ້ງສູນຮັກສານັ້ນ ຊຶ່ງຈະບໍ່ມີຄວາມຕ້ອງການເລີຍ
ຖ້າຫາກວ່າ ລະບົບບໍລິການດ້ານສາທາລະນະສຸກຂອງໄລບີເຣຍ ສາມາດທີ່ຈະຮັບມືກັບ
ການລະບາດໃນເບື້ອງຕົ້ນນັ້ນ ໄດ້ຢ່າງວ່ອງໄວແລະມີປະສິດທິພາບ.
