ສົບຂອງຊາວໄລບີເຣຍ ອາຍຸ 17 ປີ ໄດ້ກວດພົບວ່າ ຕິດເຊື້ອ
ໄວຣັສອີໂບລາ ຊຶ່ງເປັນລາຍງານກໍລະນີທຳອິດ ຂອງໄລບີ
ເຣຍ ນັບແຕ່ປະເທດດັ່ງກ່າວໄດ້ປະ ກາດໃນວັນທີ 9 ເດືອນພຶດ
ສະພາວ່າ ບໍ່ມີເຊື້ອອີໂບລາແລ້ວ.
ຮອງລັດຖະມົນຕີ ສາທາລະນະສຸກ ໄລບີເຣຍ ທ່ານ Tolbert
Nyenswah ໄດ້ກ່າວເນັ້ນໜັກໃນວັນອັງຄານມື້ນີ້ວ່າ ບໍ່ມີ
ຄວາມຈຳເປັນ ທີ່ຕ້ອງຕື່ນຕົກໃຈ. ທ່ານກ່າວວ່າ ຜູ້ເຄາະຮ້າຍ
ໄດ້ຖືກນຳໄປຝັງຢ່າງປອດໄພ ແລະໜ່ວຍປະຕິບັດງານທີ່
ຕິດຕາມຫາຄົນທີ່ໄດ້ຕິດຕໍ່ກັບຜູ້ເຄາະຮ້າຍ ແມ່ນເລີ້ມຂຶ້ນແລ້ວ.
ອົງການຂ່າວເອພີລາຍງານວ່າ ຜູ້ຊາຍອາຍຸ 17 ປີຄົນນີ້ ໄດ້ເສຍຊີວິດໃນວັນທີ 24 ເດືອນ
ມິຖຸນາຜ່ານມາ.
ຜູ້ເຄາະຮ້າຍອີໂບລາ ໄດ້ເສຍຊີວິດຢູ່ໃນເມືອງ Margibi ຫ່າງໄກຈາກຊາຍແດນ ຂອງ
Guinea ແລະ Sierra Leone ຊຶ່ງຕ່າງກໍໄດ້ຮັບຜົນກະທົບຢ່າງແຮງ ຈາກເຊື້ອໄວຣັສ
ອີໂບລາ. ທ່ານ Nyenswah ກ່າວວ່າ ບັນດາຜູ້ຊ່ຽວຊານ ກຳ ລັງພາກັນຊອກຫາວ່າ ຜູ້
ເຄາະຮ້າຍໄດ້ຕິດພະຍາດ ໃນເວລາທີ່ລາວເດີນທາງຫຼື ບໍ່.
ເມືອງ Margibi ໃກ້ກັບເດີ່ນບິນນາໆຊາດຂອງປະເທດ ປະມານ 50 ກິໂລແມັດ ຢູ່ທາງ
ໃຕ້ຂອງນະຄອນຫລວງ Monrovia.
ອົງການອານະໄມໂລກໄດ້ປະກາດວ່າ ໄລບີເຣຍໄດ້ປອດຈາກເຊື້ອໄວຣັສອີໂບລາ ໃນ
ວັນທີ 9 ເດືອນພຶດສະພາ ຫລັງຈາກ 42 ມື້ທີ່ບໍ່ມີລາຍງານກໍລະນີໃໝ່ເກີດຂື້ນ. ສີ່ສິບ
ສອງມື້ ແມ່ນສອງເທົ່າຂອງລະຍະການຢູ່ໄດ້ຂອງເຊື້ອພະຍາດທີ່ຮ້າຍແຮງດັ່ງກ່າວ.
