Lauren Bacall ນັກສະແດງອາເມຣິກັນທີ່ມີຊື່ສຽງໂດ່ງດັງ
ເປັນທີ່ກ່າວຂານ ຊຶ່ງຄັ້ງນຶ່ງ ເຄີຍເປັນນາງແບບ ທີ່ໄດ້ກາຍ
ເປັນດາຣາຮູບເງົາ ໃນເວລາຂ້າມຄືນ ທີ່ໄດ້ສະແດງຄູ່ກັບ
ພະເອກຊື່ດັງ Humphrey Bogart ນັ້ນ ໄດ້ເສຍຊີວິດແລ້ວ
ຮວມອາຍຸໄດ້ 89 ປີ.
ຄອບຄົວຂອງນາງ ກ່າວວ່າ Lauren Bacall ເສຍຊີວິດ
ຫຼັງຈາກໄດ້ເປັນລົມສາລະບາດ ຫຼື stroke ຮ້າຍແຮງ ຢູ່ທີ່
ເຮືອນຂອງນາງເອງ ໃນນະຄອນ New York ເມື່ອຕອນເຊົ້າ
ຂອງວັນອັງຄານວານນີ້.
Lauren Bacall ໄດ້ສ້າງຄວາມຫລົງໄຫລ ໃຫ້ແກ່ພວກຜູ້ຊົມ ເມື່ອຕອນທີ່ນາງໄດ້ເຂົ້າ
ມາເປັນນັກສະແດງຮູບເງົາໃນຊຸມປີ 1940 ດ້ວຍ ນ້ຳສຽງທີ່ແຫບແຫ້ງອັນເປັນທີ່ໂດດ
ເດັ່ນ ແລະຮູບຊົງທີ່ຮ້ອນແຮງຫຼາຍ. ລາວມີອາຍຸພຽງ 20 ປີເທົ່ານັ້ນ ໃນເວລາ ທີ່ລາວ
ໄດ້ສະແດງຄູ່ກັບ Humphrey Bogart ໃນຮູບເງົາເລື້ອງ To Have and Have Not.
ຄວາມຮັກຂອງພວກເຂົາທັງສອງ ຢູ່ໃນເລື້ອງນັ້ນ ໄດ້ອອກຈາກຮູບເງົາມາເປັນເລື້ອງ
ຊີວິດຈິງ ເຖິງແມ່ນວ່າ ພະເອກມີອາຍຸ 25 ປີແກ່ກວ່ານາງເອງກໍຕາມ ແລະ ໄດ້ແຕ່ງງານ
ກັນໃນເວລານັ້ນ.
ດາລາຊື່ດັງໃນອະດີດ Lauren Bacall ເສຍຊີວິດ 1924-2014
Lauren Bacall ແລະ Humphrey Bogart ໄດ້ແຕ່ງງານກັນໃນປີຕໍ່ມາ ແລະທັງສອງ
ໄດ້ສະແດງຮ່ວມກັນໃນຮູບເງົາຫຼາຍເລື້ອງ ລວມມີ The Big Sleep, Dark Passage
and Key Largo. ນາງໄດ້ມີບົດບາດໃນຮູບເງົາອື່ນໆອີກ ຫຼາຍກວ່າ 30 ເລື້ອງ ລວມທັງ
How to Marry a Millionaire ທີ່ມີນາງ Marilyn Monroe ສະແດງນຳດ້ວຍ.
ໃນປີ 1999 ສະຖາບັນຮູບເງົາອາເມຣິກັນ ໄດ້ຈັດຊື່ Lauren Bacall ໃຫ້ຢູ່ອັນດັບທີ 20
ຂອງບັນດານັກສະແດງຍິງ ທີ່ດີເດັ່ນສຸດຍອດ ຕະ ຫຼອດເວລາ 25 ຄົນ.
