ລິ້ງ ສຳຫລັບເຂົ້າຫາ

ວັນພຸດ, ໒໒ ພຶດສະພາ ໒໐໒໔

ຄະນະລັດຖະບານ ເລບານອນ ໄຂປະຊຸມ ສຸກເສີນ


ທະຫານແລະເຈັ້າໜ້າທີ່ຮັກສາຄວາມສະຫງົບຂອງເລບານອນ ຢູ່ບ່ອນເກີດເຫດລະເບີດ ທີ່ຄຸ້ມ Ashrafiyeh ໃນເຂດໃຈກາງ ນະຄອນຫຼວງເບຣຸ (19 ຕຸລາ 2012)
ທະຫານແລະເຈັ້າໜ້າທີ່ຮັກສາຄວາມສະຫງົບຂອງເລບານອນ ຢູ່ບ່ອນເກີດເຫດລະເບີດ ທີ່ຄຸ້ມ Ashrafiyeh ໃນເຂດໃຈກາງ ນະຄອນຫຼວງເບຣຸ (19 ຕຸລາ 2012)
ຄະນະລັດຖະບານຂອງເລບານອນພວມເປີດປະຊຸມສຸກເສີນ
ໃນວັນເສົາມື້ນີ້ ນຶ່ງມື້ ຫຼັງຈາກເຫດລະເບີດລົດຂະໜາດແຮງ
ໄດ້ສັງຫານຜູ້ບັນຊາການໜ່ວຍສືບລັບຕຳຫຼວດຂອງປະເທດ.

ມີຜູ້ເສຍຊີວິດ ທັງໝົດ 8 ຄົນ ແລະ ອີກ 80 ກວ່າຄົນ ໄດ້ຮັບ
ບາດເຈັບຍ້ອນເຫດລະເບີດ ໃນວັນສຸກວານນີ້. ລັດຖະບານ ເລບານອນໄດ້ປະກາດໃຫ້ວັນເສົາມື້ນີ້ ເປັນວັນໄວ້ທຸກແຫ່ງ
ຊາດ.

ພວກເດີນຂະບວນໄດ້ປິດຖະໜົນຫົນທາງສາຍຕ່າງໆໃນທົ່ວ
ປະເທດເພື່ອປະທ້ວງ ການວາງລະເບີດໃນຄັ້ງນີ້.

ສື່ມວນຊົນຂອງເລບານອນ ລາຍງານວ່າ ທ່ານ Wissam al-
Hassan ຫົວໜ້າໜ່ວຍສືບລັບຕຳຫຼວດແມ່ນເປົ້າໝາຍໃນການໂຈມຕີດ້ວຍລະເບີດລົດ ມື້ວານນີ້.

ທ່ານ Hassan ເປັນຫົວໜ້າກຳກັບນຳການສືບສວນເບິ່ງການວາງແຜນກ່ຽວກັບການວາງ ລະເບີດເມື່ອໄວໆມານີ້ ທີ່ຍັງຜົນໃຫ້ມີການຈັບກຸມນັກການເມືອງເລບານອນທີ່ນິຍົມຊີເຣຍ ຄົນນຶ່ງ. ນອກນັ້ນແລ້ວ ທ່ານຍັງເປັນຫົວໜ້າກຳກັບ ນຳການສືບສວນທີ່ພາດພິງເຖິງຊີເຣຍ ແລະກຸ່ມ Hezbollah ໃນການສັງຫານມື້ລາງນາຍົກລັດຖະມົນຕີ Rafik Hariri.

ຍັງບໍ່ທັນມີກຸ່ມໃດ ອ້າງເອົາຄວາມຮັບຜິດຊອບ ໃນການໂຈມຕີໃນວັນສຸກວານນີ້ເທື່ອ. ເຈົ້າ ໜ້າທີ່ເລບານອນບາງຄົນໄດ້ຖິ້ມໂທດໃສ່ປະທານາທິບໍດີຊີເຣຍທ່ານ Bashar al-Assad ໃນອັນທີ່ພວກທ່ານເອີ້ນ ການຄາດຕະກຳທ່ານ Hassan ນັ້ນ.

ເມື່ອໄວໆມານີ້ ໄດ້ມີການກໍ່ຄວາມຮຸນແຮງເພີ້ມຂຶ້ນຢູ່ໃນເລບານອນຊຶ່ງພົວພັນກັບສົງຄາມ ກາງເມືອງທີ່ນອງເລືອດຢູ່ໃນຊີເຣຍທີ່ໄດ້ເຟືອດຂ້າມຊາຍແດນເຂົ້າໄປໃນເລບານອນນັ້ນ.

ກ່ຽວຂ້ອງກັນ

XS
SM
MD
LG