ພວກປະທ້ວງກຸ່ມນຶ່ງພາກັນກາງເຕັ້ນຢູ່ນອກຫ້ອງການຂອງ
ນາຍົກລັດຖະມົນຕີ Najib Mikati ໂດຍສັນຍາວ່າຈະບໍ່ໜີ
ຈາກທີ່ນັ້ນ ຈົນກວ່າທ່ານນາຍົກ ຈະລາອອກຈາກຕໍາແໜ່ງ.
ການນັ່ງປະທ້ວງດັ່ງກ່າວ ໄດ້ເລີ້ມຕົ້ນຂຶ້ນໃນຕອນບ່າຍວັນອາທິດ
ວານນີ້ ຢູ່ນອກຕຶກອາຄານ ຫ້ອງການຢູ່ເຂດໃຈກາງນະຄອນຫຼວງ
Beirut. ໃນຕອນເຊົ້າຂອງວັນດຽວກັນ ກໍາລັງຮັກສາຄວາມປອດ
ໄພໄດ້ຍິງປືນຂຶ້ນເທິງຟ້າ ແລະໃຊ້ລະເບີດນໍ້າຕາເພື່ອເຮັດໃຫ້
ພວກປະທ້ວງທີ່ພະຍາຍາມຖະຫລົ່ມຕຶກອາຄານນັ້ນ ສະຫລາຍ
ຕົວໄປ.
ພວກເດີນຂະບວນປະທ້ວງ ກໍາລັງຮຽກຮ້ອງໃຫ້ທ່ານ Mikati ລາ
ອອກຍ້ອນການ ລອບສັງຫານນາຍພົນຈັດຕະວາ Wissam al-Hassan ຫົວໜ້າໜ່ວຍສືບລັບທີ່ເສຍຊີວິດໄປ ພ້ອມ ກັບອີກ 7 ຄົນໃນເຫດລະເບີດທີ່ຫ້າງ ໃສ່ລົດໃນວັນສຸກຜ່ານມານີ້ ຊຶ່ງຫລາຍຄົນຖິ້ມໂທດ ໃສ່ລັດຖະບານຊີເຣຍທີ່ຢູ່ປະເທດໃກ້ ຄຽງນັ້ນ.
ທ່ານ Hariri ແລະຜູ້ນໍາຝ່າຍຄ້ານຂອງເລບານອນ ທ່ານ Walid Jumblat ຕ່າງກໍໄດ້ ກ່າວຫາປະທານາທິບໍດີຊີເຣຍ ທ່ານ Bashar al-Assad ວ່າ ຢູ່ເບື້ອງຫຼັງເຫດລະເບີດ ດັ່ງກ່າວ. ລັດຖະບານຂອງນາຍົກລັດຖະມົນຕີ Mikati ແມ່ນໄດ້ຮັບການສະໜັບສະໜຸນ ໂດຍກຸ່ມຫົວຮຸນແຮງ Hezbollah ທີ່ນິຍົມລັດຖະບານຊີເຣຍ.
ທ່ານ Hassan ເປັນຫົວໜ້າກຳກັບນຳການສືບສວນເບິ່ງການວາງແຜນກ່ຽວກັບການວາງ ລະເບີດເມື່ອໝໍ່ໆມານີ້ ທີ່ຍັງຜົນໃຫ້ມີການຈັບກຸມນັກການເມືອງເລບານອນ ທີ່ນິຍົມຊີເຣຍ ຄົນນຶ່ງ. ນອກນັ້ນແລ້ວ ທ່ານຍັງເປັນຫົວໜ້າກຳກັບນຳການສືບສວນທີ່ພາດພິງເຖິງຊີເຣຍ ແລະກຸ່ມ Hezbollah ໃນການສັງຫານມື້ລາງນາ ຍົກລັດຖະມົນຕີ Rafik Hariri ໃນປີ 2005.
ສ່ວນຢູ່ນະຄອນປາຣີນັ້ນ, ທ່ານ Laurent Fabius ລັດຖະມົນຕີກະຊວງການຕ່າງປະ ເທດຝຣັ່ງ ກໍໄດ້ຊີ້ໄປໃສ່ລັດຖະບານກຸງດາມາສກັສເຊັ່ນກັນວ່າມີສ່ວນກ່ຽວ ຂ້ອງໂດຍໄດ້ ກ່າວຕໍ່ ໂທລະພາບຝຣັ່ງວ່າ “ພວກເຮົາບໍ່ຮູ້ວ່າແມ່ນໃຜ ຢູ່ເບື້ອງຫລັງ ເຫດການນີ້ແທ້ ແຕ່ວ່າ
ທຸກສິ່ງ ທຸກຢ່າງ ຊໍ່ສະແດງໃຫ້ເຫັນວ່າ ເຫດການນີ້ ແມ່ນສ່ວນນຶ່ງທີ່ຕໍ່ມາຈາກເຫດໂສກ ນາດຕະກໍາໃນຊີເຣຍ.”
ລຸນຫລັງກອງປະຊຸມສຸກເສີນຂອງຄະນະລັດຖະບານໃນວັນເສົາຜ່ານມານີ້ ນາຍົກລັດຖະ
ມົນຕີ Mikati ເວົ້າວ່າ ທ່ານໄດ້ສະເໜີຂໍລາອອກ ຖ້າມກາງເຫດລະເບີດແຕກທີ່ຮ້າຍແຮງ ດັ່ງກ່າວ ແຕ່ວ່າ ປະທານາທິບໍດີເລບານອນ ທ່ານ Michel Suleiman ຂໍຮ້ອງໃຫ້ທ່ານ ສືບຕໍ່ດໍາລົງຕໍາແໜ່ງຕໍ່ໄປ.
ເມື່ອໝໍ່ໆມານີ້ ໄດ້ມີການກໍ່ຄວາມຮຸນແຮງເພີ້ມຂຶ້ນຢູ່ໃນເລບານອນ ຊຶ່ງພົວພັນກັບສົງຄາມ ກາງເມືອງທີ່ນອງເລືອດຢູ່ໃນຊີເຣຍທີ່ໄດ້ເຟືອດຂ້າມຊາຍແດນເຂົ້າໄປໃນເລບານອນນັ້ນ.
ເບິ່ງວີດິໂອກ່ຽວກັບການປະທ້ວງ ແລະເຫດລະເບີດແຕກທີ່ເລບານອນ
![ຊາວມຸສລິມນິກາຍຊຸນນີ ຍົກແຜ່ນຜ້າທີ່ມີຮູບຂອງຫົວໜ້າສືບລັບ ທ່ານ Wissam al-Hassan ຂຶ້ນໃນເມືອງ Tariq al-Jadideh, ນະຄອນຫລວງເບຣຸດ, ໃນວັນທີ 20 ຕຸລາ, 2012.]()
![ພວກປະທ້ວງພາກັນເດີນຂະບວນໄປຕາມຄຸ້ມ Achrafieh ນຶ່ງມື້ລຸນຫລັງ ເກີດເຫດລະເບີດຄັ້ງໃຫຍ່ ທີ່ໄດ້ສັງຫານຊີວິດຂອງນາຍພົນຈັດຕະວາ Wissam al-Hassan ແລະຢ່າງໜ້ອຍ 7 ຄົນ ໃນນະຄອນຫລວງເບຣຸດ, ໃນວັນທີ 20 ຕຸລາ, 2012.]()
![ໃນວັນທີ 20 ຕຸລາ, 2012, ພວກປະທ້ວງພາກັນຫາມເອົາຕີນລົດໄປຕື່ມໃສ່ໄຟ ທີ່ໃຊ້ຕັນທາງ ເພື່ອປະທ້ວງຕໍ່ການເສຍຊີວິດຂອງນາຍພົນຈັດຕະວາ Wissam al-Hassan ໃນການໂຈມຕີດ້ວຍລະເບີດຫ້າງໃສ່ລົດ ທີ່ເມືອງ Sidon ທາງພາກໃຕ້ຂອງເລບານອນ.]()
![ພວກຜູ້ຍິງພາກັນຍ່າງຜ່ານທາງສາຍນຶ່ງ ທີ່ຖືກຕັນໄວ້ດ້ວຍຖັງຂີ້ເຫຍື້ອໝ້ ທີ່ນໍາພາໂດຍພວກປະທ້ວງຊາວ Sunni ທີ່ໂກດແຄ້ນຕໍ່ການຕໍ່ການເສຍຊີວິດຂອງນາຍພົນຈັດຕະວາ Wissam al-Hassan, ທີ່ກຸງເບຣຸດ ຂອງເລບານອນໃນວັນທີ 20 ຕຸລາ, 2012.]()
![ພວກທະຫານເລບານອນ ແລະພະນັກງານຮັກສາຄວາມສະຫງົບ ຍ່າງຜ່ານເສດຫີນ ລຸນຫລັງເກີດລະເບີດ ໃນເຂດໃຈກາງກຸງເບຣຸດ ໃນວັນທີ 19 ຕຸລາ, 2012.]()
![ນັກກູ້ໄພຜູ້ນຶ່ງ (ກາງ) ຊ່ວຍຜູ້ໄດ້ຮັບບາດເຈັບຜູ້ນຶ່ງ ໃນທີ່ເກີດເຫດລະເບີດ ໃນເຂດໃຈກາງກຸງເບຣຸດ ໃນວັນທີ 19 ຕຸລາ, 2012.]()
![ພວກດັບເພີງມອດໄຟ ໃນທີ່ເກີດເຫດລະເບີດ ໃນເຂດໃຈກາງກຸງເບຣຸດ ໃນວັນທີ 19 ຕຸລາ, 2012.]()
![ພວກກູ້ໄພ ແລະພົນລະເຮືອນພາກັນຫາມເອົາຜູ້ໄດ້ຮັບບາດເຈັບຜູ້ນຶ່ງ ອອກຈາກທີ່ເກີດເຫດລະເບີດ ໃນເຂດໃຈກາງກຸງເບຣຸດ ໃນວັນທີ 19 ຕຸລາ, 2012.]()
![ພະນັກງານສະພາກາແດງເລບານອນ ແລະພວກປ້ອງກັນພົນລະເຮືອນ ພາກັນປະຕິບັດງານ ຢູ່ໃນທີ່ເກີດເຫດລະເບີດ ໃນເຂດໃຈກາງກຸງເບຣຸດ ໃນວັນທີ 19 ຕຸລາ, 2012.]()
![ພວກທະຫານເລບານອນກວດກາເບິ່ງ ຕຶກອາຄານທີ່ໄດ້ຮັບຄວາມເສຍຫາຍ ຢູ່ໃນທີ່ເກີດເຫດລະເບີດ ໃນເຂດໃຈກາງກຸງເບຣຸດ ໃນວັນທີ 19 ຕຸລາ, 2012.]()
![ພວກດັບເພີງມອດໄຟໃນຂະນະທີ່ລົດຖືກໄຟໄໝ້ ຢູ່ໃນທີ່ເກີດເຫດລະເບີດ ໃນເຂດໃຈກາງກຸງເບຣຸດ ໃນວັນທີ 19 ຕຸລາ, 2012.]()
ນາຍົກລັດຖະມົນຕີ Najib Mikati ໂດຍສັນຍາວ່າຈະບໍ່ໜີ
ຈາກທີ່ນັ້ນ ຈົນກວ່າທ່ານນາຍົກ ຈະລາອອກຈາກຕໍາແໜ່ງ.
ການນັ່ງປະທ້ວງດັ່ງກ່າວ ໄດ້ເລີ້ມຕົ້ນຂຶ້ນໃນຕອນບ່າຍວັນອາທິດ
ວານນີ້ ຢູ່ນອກຕຶກອາຄານ ຫ້ອງການຢູ່ເຂດໃຈກາງນະຄອນຫຼວງ
Beirut. ໃນຕອນເຊົ້າຂອງວັນດຽວກັນ ກໍາລັງຮັກສາຄວາມປອດ
ໄພໄດ້ຍິງປືນຂຶ້ນເທິງຟ້າ ແລະໃຊ້ລະເບີດນໍ້າຕາເພື່ອເຮັດໃຫ້
ພວກປະທ້ວງທີ່ພະຍາຍາມຖະຫລົ່ມຕຶກອາຄານນັ້ນ ສະຫລາຍ
ຕົວໄປ.
ພວກເດີນຂະບວນປະທ້ວງ ກໍາລັງຮຽກຮ້ອງໃຫ້ທ່ານ Mikati ລາ
ອອກຍ້ອນການ ລອບສັງຫານນາຍພົນຈັດຕະວາ Wissam al-Hassan ຫົວໜ້າໜ່ວຍສືບລັບທີ່ເສຍຊີວິດໄປ ພ້ອມ ກັບອີກ 7 ຄົນໃນເຫດລະເບີດທີ່ຫ້າງ ໃສ່ລົດໃນວັນສຸກຜ່ານມານີ້ ຊຶ່ງຫລາຍຄົນຖິ້ມໂທດ ໃສ່ລັດຖະບານຊີເຣຍທີ່ຢູ່ປະເທດໃກ້ ຄຽງນັ້ນ.
ທ່ານ Hariri ແລະຜູ້ນໍາຝ່າຍຄ້ານຂອງເລບານອນ ທ່ານ Walid Jumblat ຕ່າງກໍໄດ້ ກ່າວຫາປະທານາທິບໍດີຊີເຣຍ ທ່ານ Bashar al-Assad ວ່າ ຢູ່ເບື້ອງຫຼັງເຫດລະເບີດ ດັ່ງກ່າວ. ລັດຖະບານຂອງນາຍົກລັດຖະມົນຕີ Mikati ແມ່ນໄດ້ຮັບການສະໜັບສະໜຸນ ໂດຍກຸ່ມຫົວຮຸນແຮງ Hezbollah ທີ່ນິຍົມລັດຖະບານຊີເຣຍ.
ທ່ານ Hassan ເປັນຫົວໜ້າກຳກັບນຳການສືບສວນເບິ່ງການວາງແຜນກ່ຽວກັບການວາງ ລະເບີດເມື່ອໝໍ່ໆມານີ້ ທີ່ຍັງຜົນໃຫ້ມີການຈັບກຸມນັກການເມືອງເລບານອນ ທີ່ນິຍົມຊີເຣຍ ຄົນນຶ່ງ. ນອກນັ້ນແລ້ວ ທ່ານຍັງເປັນຫົວໜ້າກຳກັບນຳການສືບສວນທີ່ພາດພິງເຖິງຊີເຣຍ ແລະກຸ່ມ Hezbollah ໃນການສັງຫານມື້ລາງນາ ຍົກລັດຖະມົນຕີ Rafik Hariri ໃນປີ 2005.
ສ່ວນຢູ່ນະຄອນປາຣີນັ້ນ, ທ່ານ Laurent Fabius ລັດຖະມົນຕີກະຊວງການຕ່າງປະ ເທດຝຣັ່ງ ກໍໄດ້ຊີ້ໄປໃສ່ລັດຖະບານກຸງດາມາສກັສເຊັ່ນກັນວ່າມີສ່ວນກ່ຽວ ຂ້ອງໂດຍໄດ້ ກ່າວຕໍ່ ໂທລະພາບຝຣັ່ງວ່າ “ພວກເຮົາບໍ່ຮູ້ວ່າແມ່ນໃຜ ຢູ່ເບື້ອງຫລັງ ເຫດການນີ້ແທ້ ແຕ່ວ່າ
ທຸກສິ່ງ ທຸກຢ່າງ ຊໍ່ສະແດງໃຫ້ເຫັນວ່າ ເຫດການນີ້ ແມ່ນສ່ວນນຶ່ງທີ່ຕໍ່ມາຈາກເຫດໂສກ ນາດຕະກໍາໃນຊີເຣຍ.”
ລຸນຫລັງກອງປະຊຸມສຸກເສີນຂອງຄະນະລັດຖະບານໃນວັນເສົາຜ່ານມານີ້ ນາຍົກລັດຖະ
ມົນຕີ Mikati ເວົ້າວ່າ ທ່ານໄດ້ສະເໜີຂໍລາອອກ ຖ້າມກາງເຫດລະເບີດແຕກທີ່ຮ້າຍແຮງ ດັ່ງກ່າວ ແຕ່ວ່າ ປະທານາທິບໍດີເລບານອນ ທ່ານ Michel Suleiman ຂໍຮ້ອງໃຫ້ທ່ານ ສືບຕໍ່ດໍາລົງຕໍາແໜ່ງຕໍ່ໄປ.
ເມື່ອໝໍ່ໆມານີ້ ໄດ້ມີການກໍ່ຄວາມຮຸນແຮງເພີ້ມຂຶ້ນຢູ່ໃນເລບານອນ ຊຶ່ງພົວພັນກັບສົງຄາມ ກາງເມືອງທີ່ນອງເລືອດຢູ່ໃນຊີເຣຍທີ່ໄດ້ເຟືອດຂ້າມຊາຍແດນເຂົ້າໄປໃນເລບານອນນັ້ນ.
ເບິ່ງວີດິໂອກ່ຽວກັບການປະທ້ວງ ແລະເຫດລະເບີດແຕກທີ່ເລບານອນ
ເຫດລະເບີດຄັ້ງໃຫຍ່ ທີ່ນະຄອນເບຣຸດ ຂອງເລບານອນ