ເກີດຄວາມວຸ້ນວາຍຂຶ້ນໃນວັງອັງຄານມື້ນີ້ໃນພາກເໜືອ
ຂອງເລບານອນ ໃນຂະນະທີ່ພວກສະໜັບສະໜຸນທ່ານ
Saad Hariri ນາຍົກລັດຖະມຸນຕີພາງ ຫລາຍພັນຄົນ
ພາກັນໂຮມຊຸມນຸມ ທີ່ກຸງ Tripoli ສໍາລັບອັນທີ່ເຂົາເຈົ້າ
ເອີ້ນວ່າ ມື້ແຫ່ງການປະທ້ວງສະແດງຄວາມໂກດແຄ້ນ ຢ່າງສັນຕິນັ້ນ.
ພວກເດີນຂະບວນປະທ້ວງໄດ້ທໍາການໂຈມຕີເອົາໄຟຈູດລົດລົດບັນທຸກຄັນນຶ່ງ ຊຶ່ງເປັນ
ຂອງຊ່ອງຂ່າວ Al Jazeera. ນອກນັ້ນ ພວກປະທ້ວງຍັງໄດ້ເອົາໄຟຈູດຮູບພາບຂອງ
ອະດີດນາຍົກລັດຖະມຸນຕີ Najib Mikati ຊຶ່ງເປັນຜູ້ສະໝັກເລືອກຕັ້ງທີ່ໄດ້ຮັບການ
ໜຸນຫລັງຈາກກຸ່ມ Hezbollah ຊຶ່ງກໍານົດຈະຖືກແຕ່ງຕັ້ງໃນວັນອັງຄານມື້ນີ້ ໃຫ້ຂຶ້ນດໍາ
ລົງຕໍາແໜ່ງແທນທ່ານ Hariri ນັ້ນ.
ທ່ານ Mikati ປາກົດວ່າໄດ້ຮັບການໜຸນຫລັງຈາກພວກສະມາຊິກ 68 ຄົນຂອງສະພານິ
ຕິບັນຍັດ ທີ່ມີບ່ອນນັ່ງທັງໝົດ 128 ບ່ອນນັ້ນ ຫລັງຈາກກຸມຫົວຮຸນແຮງນິກາຍ Shi’ite ໄດ້ໃຫ້ການສະໜັບສະໜຸນທ່ານ.
ໃນວັນຈັນວານນີ້ ພວກສະມາຊິກສະພາ ນິກາຍ Sunni ໄດ້ກ່າວຫາກຸ່ມ Hezbollahວ່າ
ທໍາການກໍ່ລັດຖະປະຫານຂຶ້ນ ທີ່ມີວັດຖຸປະສົງເພື່ອບັງຄັບໃຫ້ຈັດຕັ້ງລັດຖະບານສາສະໜາ ໃນຮູບແບບດຽວກັນກັບຂອງອິຣ່ານນັ້ນ ຂຶ້ນມາປົກຄອງປະຊາຊົນເລບານອນ.
