ການສູ້ລົບທີ່ມີຜູ້ຄົນເສຍຊີວິດ ໄດ້ດຳເນີນສືບຕໍ່ມາໃນວັນພຸດ
ມື້ນີ້ ທີ່ຢູເຄຣນ ໃນຂະນະພວກຜູ້ນຳປະເທດຢູເຄຣນ ຣັດເຊຍ
ຝຣັ່ງແລະເຢຍຣະມັນໄດ້ກະກຽມເພື່ອພົບປະຂັ້ນສຸດຍອດກັນ
ກ່ຽວວິກິດການໃນຢູເຄຣນ ທີ່ໄດ້ເອົາຊີວິດປະຊາຊົນໄປແລ້ວ
ຫຼາຍກວ່າ 5300 ຄົນ ນັບແຕ່ ເດືອນເມສາປີແລ້ວນີ້ເປັນຕົ້ນມາ.
ອີງຕາມບັນດາເຈົ້າໜ້າທີ່ຝ່າຍກະບົດແລະພະນັກງານຮັບມືກັບ
ເຫດການ ສຸກເສີນກໍແມ່ນວ່າ ຢ່າງໜ້ອຍປະຊາຊົນ 2 ຄົນເສຍ
ຊີວິດທີ່ເມືອງ Donetsk ທີ່ຄວບຄຸມໂດຍພວກກະບົດ ໃນພາກ
ຕາເວັນອອກຂອງຢູເຄຣນ ເວລາລູກປືນໃຫຍ່ລູກນຶ່ງ ຕົກໃສ່ຄິວ
ລົດບັສແຫ່ງນຶ່ງ. ບັນດາເຈົ້າໜ້າທີ່ກອງທັບ ກ່າວເຊັ່ນກັນວ່າ ການ
ໂຈມຕີຂອງພວກກະບົດໃກ້ກັບເມືອງ Debaltseve ໄດ້ສັງຫານພວກທະຫານໄປຢ່າງນ້ອຍ 19 ຄົນ ແລະໄດ້ຮັບບາດເຈັບຕື່ມອີກ78 ຄົນ.
ການເຈລະຈາ ສັນຕິພາບ ຢູ່ນະຄອນມິງສ໌
ກ່ອນໜ້າການພົບປະເຈລະຈາກັນທີ່ Belarus ໃນວັນພຸດມື້ນີ້ ປະທານາທິບໍດີ Petro Poroshenko ແຫ່ງຢູເຄຣນ ບັນລະຍາຍການພົບປະຂັ້ນສຸດຍອດຂອງ 4 ປະເທດວ່າ
ເປັນນຶ່ງໃນໂອກາດບັ້ນສຸດທ້າຍ ເພື່ອຍຸດຕິການສູ້ລົບກັນລະຫວ່າງກຳລັງຂອງປະເທດຂອງ
ທ່ານ ແລະພວກຫົວແບ່ງແຍກນິຍົມຣັດເຊຍ.
ທຳນຽບຂາວ ກ່າວວ່າ ປະທານາທິບໍດີ ບາຣັກ ໂອບາມາ ໄດ້ໂອ້ລົມກັນ ທາງໂທລະສັບ
ກັບປະທານາທິບໍດີ Vladimir Putin ແຫ່ງຣັດເຊຍແລະຮຽກຮ້ອງໃຫ້ທ່ານພູຕິນສະໜັບ
ສະໜຸນຂໍ້ຕົກລົງສັນຕິພາບສຳລັບຢູເຄຣນນັ້ນ.
