ລິ້ງ ສຳຫລັບເຂົ້າຫາ

ວັນເສົາ, ໒໒ ມິຖຸນາ ໒໐໒໔

ຢູເຄຣນ ກ່າວວ່າ ພວກກະບົດ ຍັງສືບຕໍ່ ທຳການໂຈມຕີ ທັງໆທີ່ມີການຢຸດຍິງແລ້ວ


ພວກກະບົດແບ່ງແຍກດິນແດນ ຍ່າງເຂົ້າໄປໃນ ເມືອງ Debaltseve ທາງພາກຕາເວັນອອກຂອງຢູເຄຣນ, ວັນທີ 19 ກຸມພາ 2015.
ພວກກະບົດແບ່ງແຍກດິນແດນ ຍ່າງເຂົ້າໄປໃນ ເມືອງ Debaltseve ທາງພາກຕາເວັນອອກຂອງຢູເຄຣນ, ວັນທີ 19 ກຸມພາ 2015.

ໂຄສົກຄົນນຶ່ງຂອງກອງທັບຢູເຄຣນກ່າວວ່າ ພວກກະບົດ
ແບ່ງແຍກດິນແດນ ນິຍົມຣັດເຊຍ ໄດ້ຍິງໂຈມຕີທີ່ໝັ້ນຂອງ
ທະຫານຢູເຄຣນຊ້ຳແລ້ວຊ້ຳອີກ ເປັນເວລາຫຼາຍໆຊົ່ວໂມງ
ໃນຄືນແລ້ວນີ້ ທັງໆທີ່ການຢຸດຍິງ ເລີ້ມມີຜົນບັງຄັບໃຊ້ ມາໄດ້
5 ມື້ແລ້ວ.

ທ່ານ Anatoliy Stelmakh ກ່າວ​ໃນ​ວັນ​ສຸກມື້ນີ້​ວ່າ ພວກ​ກະບົດ
ໄດ້ສຸມການໂຈມຕີໃສ່ບໍລິເວນອ້ອມແອ້ມເມືອງ Donetsk ໂດຍ
ໄດ້ຍິງຖະຫລົ່ມບ້ານ Kurakhove ທີ່ຢູ່ທາງກ້ຳຕາເວັນຕົກ. ທ່ານ
ຍັງເວົ້າວ່າ ບ້ານ Bernadyansk ​ໃກ້​ກັບ​ເມືອງ​ທ່າ Mariupol ກໍ
ໄດ້ຖືກຍິງໂຈມຕີ ໂດຍປືນໃຫຍ່ ແລະ ປືນຄົກ ໃນຄືນແລ້ວນີ້.
ນອກນັ້ນແລ້ວໃນວັນພະຫັດວານນີ້ ກໍມີການສູ້ລົບກັນອີກຕ່າງຫາກ ໃກ້ ກັບເມືອງທ່າ Mariupol ໂດຍທີ່ພວກກະບົດໄດ້ຍິງໂຈມຕີບ້ານ Shyrokyne.

ພວກແບ່ງແຍກດິນແດນ ນິຍົມຣັດເຊຍສອບຖາມ ຜູ້ຊາຍຄົນນຶ່ງ ຢູ່ເມືອງ Uglegorsk ທາງພາກຕາເວັນອອກ ຫ່າງຈາກເມືອງ Debaltseve ກ້ຳຕາເວັນຕົກສຽງໃຕ້ 6 ກິໂລແມັດ ເມື່ອວັນທີ 19 ກຸມພາ 2015.
ພວກແບ່ງແຍກດິນແດນ ນິຍົມຣັດເຊຍສອບຖາມ ຜູ້ຊາຍຄົນນຶ່ງ ຢູ່ເມືອງ Uglegorsk ທາງພາກຕາເວັນອອກ ຫ່າງຈາກເມືອງ Debaltseve ກ້ຳຕາເວັນຕົກສຽງໃຕ້ 6 ກິໂລແມັດ ເມື່ອວັນທີ 19 ກຸມພາ 2015.

ເມືອງ​ Mariupol ຊຶ່ງເປັນເມືອງທ່າ​ທີ່​ສຳຄັນສຸດ ​ໃນ​ພາກ​ຕາ​ເວັນ
​ອອກ​ຂອງຢູ​ເຄຣນ ​ໄດ້ເກີດການສູ້ລົບກັນ​ຢ່າງ​ດຸ​ເດືອດ​ເມື່ອ​ປີ​
ກາຍນີ້ ກ່ອນ​ໜ້າ​ກອງ​ກຳລັງ​ຂອງ​ຢູ​ເຄຣນ ​ເຂົ້າຢຶດ​ເມືອງ​ດັ່ງກ່າວ​.

ໃນວັນພະຫັດວານນີ້ ບັນດາ​ຜູ້ນຳ​ຂອງ​ຢູ​ເຄຣນ ຣັດ​ເຊຍ ຝຣັ່ງ ​
ແລະ ​ເຢຍຣະມັນ ​ໄດ້​ໃຫ້​ຄຳ​ໝັ້ນສັນ​ຍາອີກ​ເທື່ອ​ໃໝ່ ​ວ່າຈະ​ສະໜັບ
ສະໜຸນຂໍ້​ຕົກລົງ​ຢຸດ​ຍິງຢູ່​ພາກ​ຕາ​ເວັນ​ອອກ​ຂອງ​ຢູ​ເຄຣນຕໍ່​ໄປ.
ພວກຜູ້ນຳທັງ 4 ທີ່ໄດ້ເຈລະຈາຂໍ້ຕົກລົງຢຸດຍິງນັ້ນ ໄດ້​ປະນາມ
​ການ​ສູ້ລົບ​ດັ່ງກ່າວ ​ແລະ​ຮຽກຮ້ອງ​ໃຫ້​ທັງ​ສອງ​ຝ່າຍ​ເຄົາລົບການ​
ຢຸດ​ຍິງ ຊຶ່ງ​ໄດ້​ສັງເກດເຫັນ​ວ່າ ​ມີ​ການລ່ວງລະ​ເມີດ​ເກີດ​ຂຶ້ນເປັນ
ລຳດັບມາ​ແລ້ວ.

​ພວກ​ກະບົດແບ່ງ​ແຍກ​ດິນ​ແດນ​ນິຍົມຣັດ​ເຊຍ ຫາກໍ​ໄດ້​ຮັບໄຊຊະນະ​ແບບສົດໆຮ້ອນໆ
ຕໍ່ກອງກຳລັງຂອງ​ຢູ​ເຄຣນ​ທີ່​ເມືອງ Debaltseve ​ຊຶ່ງ ເປັນສູນກາງທາງລົດໄຟ ໃນພາກ
ຕາເວັນອອກຂອງຢູເຄຣນ.

UKRAINE CEASE FIRE VIDEO
please wait

No media source currently available

0:00 0:01:38 0:00

XS
SM
MD
LG