ລິ້ງ ສຳຫລັບເຂົ້າຫາ

ບັນດາ ຜູ້ນໍາປະເທດ ທີ່ນັບຖື ສາສະໜາ ອິສລາມ ປະຊຸມກັນ ທີ່ອີຈິບ (ສະໄລດ໌)


ບັນດາ​ຜູ້​ນໍາ​ຈາກ​ປະ​ເທດທີ່​ນັບຖື​ສາສະໜາ​ອິສລາມ ພາກັນ​​ເຕົ້າ​ໂຮ​ມ ປະຊຸມສຸດຍອດ ​ທີ່ປະ​ເທດອີ​ຈິບ
ບັນດາ​ຜູ້​ນໍາ​ຈາກ​ປະ​ເທດທີ່​ນັບຖື​ສາສະໜາ​ອິສລາມ ພາກັນໄປ
ເຕົ້າ​ໂຮ​ມ ກັນ​ທີ່ປະ​ເທດອີ​ຈິບ ​ເພື່ອ​ສົນທະນາຫາລືເປັນ​ເວລາ​
ສອງ​ມື້ ​ທີ່ຄາ​ດຄະ​ເນ​ວ່າ ​ຈະ​ເພັ່ງ​ເລັງ​ໃສ່ຫາ​ທາງ​ແກ້​ໄຂວິ​ກິດ​
ການ ​ໃນ​ຊີ​ເຣຍແລະມາລີພ້ອມ​ ທັງ​ຄວາມສໍາພັນ​ລະຫວ່າງ
ອິສຣາ​ແອລ ​ແລະປາ​ແລ​ສຕາ​ຍ.

ສະມາຊິກ 56 ປະ​ເທດ​ຂອງ​ອົງການ​ບັນດາ​ປະ​ເທດທີ່​ນັບຖື​ສາສະໜາ ອິສລາມ ​ເປີດ​ກອງ​ປະຊຸມ​ສຸດ​ຍອດທີ່ກຸງໄຄ​ໂຣ ​ໃນ​ວັນ​ພຸດ​ມື້​ນີ້ ຫຼັງຈາກ ​ໄດ້​ມີ​ການປະຊຸມ​ຂັ້ນ​ຕົ້ນ ​ໃນ​ອາທິດ​ນີ້ ​ໂດຍ​ບັນດາລັດຖະມົນ​ຕີ​ຕ່າງປະ​ເທດ.


ຮ່າງ​ຖະ​ແຫລ​ງການທີ່​ຕຽມຈະ​ນໍາ​ສະ​ເໜີ​ຕໍ່ບັນດາ​ຜູ້​ນໍາ​ທີ່​ກອງປະຊຸ​ມສຸດ​ຍອດ ສ່ວຍ​ໃຫຍ່​ແລ້ວ​ແມ່ນ​ຕິຕຽນລັດຖະບານ​ຂອງ ປະທານາທິບໍດີຊີ​ເຣຍ ທ່ານ Bashar al-Assad ​ໃນ​ການ​ນອງ​ເລືອດ​ທີ່​ດຳ​ເນີນມາ​ເປັນ​ເວລາ​ເກືອ​ບສອງ​ປີຢູ່ໃນ​ປະ​ເທດ​ດັ່ງກ່າວ. ນອກ​ນັ້ນຖະ​ແຫຼງການ​ຍັງໄດ້​ຮຽກຮ້ອງ​ໃຫ້ເປີດ​ການ​ເຈລະຈາດ້ານ​ການ​ເມືອງ​ ​ແລະ​ຢຸດເຊົາການ​ສູ້​ລົບ​ກັນໂດຍ​ທັນ​ທີ ຊຶ່ງ​ໄດ້​ເຮັດ​ໃຫ້​ມີ​ຜູ້​ເສຍ​ຊີວິດ​ໄປ​ແລ້ວ 60,000 ຄົນ.

ອົງການປະ​ເທດທີ່​ນັບຖື​ສາສະໜາອິສລາມ ​ໄດ້ໂຈະ​ການ​ເປັນ​ສະ​ມາ​ຊິກ ຂອງຊີ​ເຣຍ ​ໃນ​ເດືອນ​ສິງຫາ​ແລ້ວ​ນີ້ ​ໂດຍໄດ້ອອກຖະ​ແຫລ​ງການ ປະ ນາມທ່ານ Assad ​ທີ່​ໄດ້​ໃຊ້​ກໍາລັງ​ຮຸນ​ແຮງ​ຕໍ່ປະຊາຊົນ​ຂອງ​ຕົນ.

ບັນ​ດາ​ຜູ້​ນໍາ​ທີ່​ກອງ​ປະຊຸ​ມສຸດ​ຍອດ ຍັງ​ມີ​ແຜນທີ່​ຈະ​ສົນທະນາ​ກັນກ່ຽວ​ກັບ​ບັນຫາ​ດ້ານເສດ
ຖະກິດ ສັງຄົມ ​ແລະ​ວັດທະນາ​ທໍາ ​ໂດຍຈະເນັ້ນ​ໜັກ​ໃສ່​ການ​ແກ້​ໄຂ​ຄວາມທຸກ​ຍາກ ​ແລະ​ການ​ເລັ່ງລັດ​ການພັດທະນາ ​ໃນ​ບັນດາປະ​ເທດ​ຂອງ​ເຂົາ​ເຈົ້າ.
XS
SM
MD
LG