ພວກຜູ້ຊ່ວຍ ຂອງຜູ້ລົງສະໝັກ ປະທານາທິບໍດີຝຣັ່ງ ທ່ານນາງ Marine Le Pen
ບໍ່ໄດ້ໃຫ້ຄວາມສຳຄັນໃນການຕ້ອງຕິຕໍ່ຄຳຖະແຫຼງຂອງທ່ານນາງທີ່ໄດ້ກ່າວໄປໃນ
ວັນຈັນວານນີ້ ທີ່ໄດ້ຮວມເອົາ ຂໍ້ຄວາມບາງຕອນ ຈາກຄຳຖະແຫຼງ ຂອງຄູ່ແຂ່ງຂັນ
ກ່ອນໜ້ານີ້ ທ່ານ Francois Fillon.
May Day ຫຼືວັນແຮງງານສາກົນ ທີ່ທ່ານນາງ ໄດ້ກ່າວຕໍ່ພວກສະໜັບສະໜຸນທ່ານ
ນາງ ທີ່ກ່າວເຖິງພູມສາດຂອງປະເທດຝຣັ່ງ ແລະ “ເຂດຊາຍແດນທາງນ້ຳ ທີ່ຕິດຕໍ່
ກັບປະເທດອື່ນ 3 ດ້ານ.” ມັນຍັງໄດ້ອ້າງຄຳເວົ້າຂອງອະດີດນາຍົກລັດຖະມົນຕີຄົນ
ກ່ອນ ທ່ານ Georges Clemenceau ທີ່ວ່າ ທ່ານ Fillon ໄດ້ໃຊ້ຄຳເວົ້າ ຕໍ່ຄຳເວົ້າ
ໃນຄຳປາໄສຂອງທ່ານ ໃນເດືອນແລ້ວນີ້.
ທ່ານ Florian Philippot ຮອງຜູ້ນຳ ຂອງພັກແນວໂຮມແຫ່ງຊາດ ຫຼື National
Front ໄດ້ກ່າວວ່າ ຜູ້ສະໝັກຂອງພັກແມ່ນກ່າວເຖິງການເຫັນພ້ອມຫຼືງຶກຫົວກັບ
ຂໍ້ຄວາມທີ່ທ່ານ Fillonໄດ້ກ່າວໄວ້.
ທ່ານນາງ Le Pen ຈະແຂ່ງຂັນ ກັບທ່ານ Emmanuel Macron ໃນຮອບສອງ ຂອງການລົງຄະແນນສຽງເລືອກຕັ້ງປະທານາທິບໍດີຝຣັ່ງ ໃນວັນທີ 7 ພຶດສະພາ.
ທ່ານ Macron ໄດ້ຊະນະທ່ານນາງ Le Pen ດ້ວຍຄະແນນສຽງ 23.8 ເປີເຊັນຕໍ່
21.5 ເປີເຊັນ ໃນຮອບທຳອິດ ຂອງການເລືອກຕັ້ງໃນເດືອນເມສາຜ່ານມານີ້.
