ໄອຍະການ ຂອງແບລຢ້ຽມ ກ່າວວ່າ ຜູ້ຕ້ອງສົງໄສຄົນສຳຄັນ ໃນການໂຈມຕີ ຢູ່ນະຄອນ ຫຼວງປາຣີ ເມື່ອເດືອນພະຈິກປີກາຍນີ້ ສາມາດຖືກສົ່ງໄປຝຣັ່ງໄດ້.
ລັດຖະມົນຕີກະຊວງຍຸຕິທຳຂອງຝຣັ່ງ ທ່ານ Jean-Jacques Urvoas ກ່າວໃນວັນພະ ຫັດວານນີ້ວ່າ ທ່ານຄາດວ່າ ທ້າວ Salah Abdeslam ຈະຖືກສົ່ງໄປປາຣີ ພາຍໃນ 10 ວັນ.
ທະນາຍຄວາມຂອງທ້າວ Abdeslam ທ່ານ Cedric Moisse ກ່າວວ່າ ລູກຄວາມຂອງ ລາວແມ່ນເຫັນພ້ອມ ໃນການທີ່ຈະຖືກສົ່ງໂຕໄປຝຣັ່ງ. ທ່ານກ່າວວ່າ ທ້າວ Abdeslam ຢາກໃຫ້ເປັນທີ່ຮູ້ຈັກກັນວ່າ ລາວຕ້ອງການ ທີ່ຈະໃຫ້ຄວາມຮ່ວມມືແກ່ເຈົ້າໜ້າທີ່ຝຣັ່ງ ມີ ຄວາມເວົ້າຫລາຍຢ່າງທີ່ລາວຕ້ອງການຢາກໃຫ້ຄົນ ຮູ້ຈັກ.
ສ່ວນທະນາຍຄວາມອີກຄົນນຶ່ງຂອງລາວ ກ່າວວ່າ ຫລັງຈາກໄດ້ຖືກຈັບໃນວັນທີ18 ມີນາ ແລ້ວ ທ້າວ Abdeslam ຈະຕໍ່ສູ້ຄະດີໃນການທີ່ຈະຖືກສົ່ງໂຕໄປຝຣັ່ງ. ຍັງບໍ່ທັນເປັນທີ່ຈະ ແຈ້ງເທື່ອວ່າ ເປັນຫຍັງຜູ້ກ່ຽວຈຶ່ງປ່ຽນໃຈກ່ຽວກັບເລື້ອງນີ້.
ທ້າວ Abdeslam ຖືກຫ່າວຫາວ່າ ວາງແຜນໂຈມຕີທີ່ນະຄອນຫຼວງປາຣີ ເມື່ອວັນທີ 13 ພະຈິກຜ່ານມາ ທີ່ໄດ້ສັງຫານ 130 ຄົນ ຢູ່ຕາມສະຖານທີ່ຫຼາຍແຫ່ງພ້ອມໆກັນ. ມີການ ກ່າວຫາວ່າ ລາວໄດ້ເຊົ່າຫ້ອງ ໃຫ້ແກ່ພວກໂຈມຕີດ້ວຍ ລະເບີດສະຫຼະຊີບ ແລະເປັນຜູ້ ຊື້ດິນລະເບີດ.
ໄອຍະການຝຣັ່ງກ່າວວ່າ ທ້າວ Abdeslam ໄດ້ວາງແຜນທີ່ຈະລະເບີດໂຕຜູ້ກ່ຽວເອງ ຢູ່ ນອກເດີ່ນເຕະບານ ແຕ່ໄດ້ປ່ຽນໃຈ.
