ອະດີດທີ່ປຶກສາດ້ານຄວາມໝັ້ນຄົງແຫ່ງຊາດຂອງ ປະທານາທິບໍດີສະຫະລັດ ທ່ານ
ດໍໂນລ ທຣໍາ ຄືທ່ານ Michael Flynn ໄດ້ຮັບເອົາເງິນຫລາຍກວ່າ 500,000 ໂດລາ
ຈາກເທີກີ ແລະຫລາຍສິບພັນໂດລາ ຈາກພວກມີສ່ວນໄດ້ ສ່ວນເສຍ ຊາວຣັດເຊຍ
ພາຍຫລັງທີ່ໄດ້ຖືກເຕືອນ ໃນປີ 2014 ເວລາທີ່ທ່ານອອກກິນເບ້ຍບຳນານ ໃນນາມ
ນາຍພົນທະຫານນັ້ນວ່າ ບໍ່ໃຫ້ຮັບເອົາເງິນໃດໆ ຈາກລັດຖະບານຕ່າງປະເທດ ອີງ
ຕາມສຳນວນເອກກະສານຊຸດໃໝ່.
ທ່ານ Elijah Cummings ສະມາຊິກສະພາຕໍ່າ ຂອງພັກເດໂມແຄຣັດ ແລະ ສະມາ
ຊິກພັກເດໂມແຄຣັດຂັ້ນສູງປະຈໍາ ຄະນະກຳມະການຜູ້ແທນສະພາຕໍ່າ ທີ່ກວດກາ
ຄວາມຜິດພາດ ກ່າວໃນວັນພະຫັດວານນີ້ ໃນຂະນະທີ່ທ່ານເປີດເຜີຍເອກກະສານ
ກ່ຽວກັບທ່ານ Flynn ເວົ້າວ່າ "ພວກເຮົາບໍ່ມິີຫລັກຖານ, ບໍ່ມີຫຍັງເລີຍ ທີ່ສະແດງໃຫ້
ເຫັນວ່າ ທ່ານໄດ້ຮັບອະນຸຍາດ ຈາກຜູ້ບັນຊາການ ກອງທັບບົກ ແລະ ຈາກລັດຖະມົນ
ຕີກະຊາວງການຕ່າງປະເທດ ໃຫ້ຮັບເອົາເງິນຄ່າຊຳລະໃດໆ ຈາກລັດຖະບານຕ່າງ
ປະເທດ ຕາມທີ່ກຳນົດໄວ້ໂດຍກົດໝາຍ.”
ເອກກະສານສະບັບນຶ່ງ ສະແດງໃຫ້ເຫັນວ່າ ຫ້ອງການຂອງຫົວໜ້າຜູ້ກວດ ກາໃຫຍ່
ຂອງກະຊວງປ້ອງກັນປະເທດສະຫະລັດ ໄດ້ເປີດການສືບສວນຂອງຕົນຂຶ້ນ ກ່ຽວກັບ
ວ່າ ທ່ານ Flynn ໄດ້ຫາທາງຂໍອະນຸຍາດ ເພື່ອຮັບເອົາການຈ່າຍເງິນຈາກລັດຖະບານ
ຕ່າງປະເທດ ຫຼືບໍ່ ຊຶ່ງເປັນການເພີ້ມເຂົ້າກັບ ການສືບສວນຂອງລັດຖະສະພາ.
ທ່ານ Cumming ກ່າວວ່າ “ເອກກະສານເຫລົ່ານີ້ໄດ້ເຮັດໃຫ້ເກີດມີຄຳຖາມທີ່ເປັນຜົນ
ຮ້າຍແຮງກ່ຽວກັບວ່າ ເປັນຫຍັງ ນາຍພົນ Flynn ໄດ້ປົກປິດການຈ່າຍເງິນ ທີ່ທ່ານໄດ້
ຮັບເອົາຈາກແຫລ່ງຕ່າງໆ ຢູ່ຕ່າງປະເທດ ພາຍຫລັງ ທີ່ທ່ານໄດ້ຖືກເຕືອນໄປແລ້ວຢ່າງແຈ່ມແຈ້ງຈາກທຳນຽບຫ້າແຈ.”
ໂຄສົກທຳນຽບຂາວ ທ່ານ Sean Spicer ໄດ້ກ່າວວ່າ ການສືບສວນຂອງກະຊວງປ້ອງ
ກັນປະເທດ ກ່ຽວກັບທ່ານ Flynn ເປັນທີ່ “ເໝາະສົມ ຖ້າຫາກເຂົາເຈົ້າຄິດວ່າ ມີການ
ກະທຳຜິດ.”
ແຕ່ທ່ານ Spicer ກ່າວອີກວ່າ ລັດຖະບານທ່ານທຣໍາ ບໍ່ໄດ້ທົບທວນເບິ່ງ ການສືບປະ
ຫວັດຂອງທ່ານ Flynn ກ່ອນທີ່ທ່ານໄດ້ຖືກແຕ່ງຕັ້ງໃຫ້ເປັນທີ່ປຶກສາດ້ານຄວາມໝັ້ນ
ຄົງແຫ່ງຊາດ ໂດຍໄດ້ອີງໃສ່ ການຕໍ່ອາຍຸ ການເກັບສືບປະຫວັດຂອງປີ 2016 ທີ່ມີຢູ່
ໃນໄລຍະຂອງລັດຖະບານຂອງ ອະດີດປະທານນາທິບໍດີ Barack Obama ກ່ອນໜ້າ
ທ່ານທຣໍາ ແທນ ຊຶ່ງໄດ້ເກີດຂຶ້ນພາຍຫລັງມີາທ່ານ Flynn ເດີນທາງໄປຣັດເຊຍໃນປີ
2015 ແລ້ວ.
