ລາຍງານຈາກ ທິເບດ ກ່າວວ່າ ຜູ້ປະທ້ວງອີກຄົນນຶ່ງ ທີ່ຮຽກ
ຮ້ອງເອົາອິດສະລະ ພາບໃຫ້ຊາວທິເບດ ໄດ້ເຜົາໂຕເອງຕາຍ
ຊຶ່ງເຮັດໃຫ້ໂຕເລກຂອງ ຊາວທິເບດ ທີ່ຮູ້ວ່າໄດ້ເຜົາໂຕຕາຍ
ນັ້ນ ເພີ່ມຂື້ນມາເປັນ 54 ຄົນ.
ແຫລ່ງຂ່າວ ທິເບດ ກ່າວວ່າ ຊາຍຄົນດັ່ງກ່າວ ທີ່ມີ ອາຍຸ 27 ປີ ແລະມີລູກສອງຄົນນັ້ນ ຊື່ວ່າ Sangay Gyatso ໄດ້ເຜົາໂຕເອງ ໃນວັນເສົາວານນີ້ ຢູ່ພາກຕາເວັນອອກຂອງທິເບດ ໃກ້ກັບວັດ Dokar. ເປັນທີ່ເຊື່ອກັນວ່າ ຜູ້ກ່ຽວ ໄດ້ເສຍຊີວິດໄປແລ້ວ.
ໃນວັນພະຫັດອາທິດແລ້ວນີ້ ນັກປະພັນທິເບດ ຄົນນຶ່ງຊື່ວ່າ Gudrup ກໍໄດ້ເສຍຊີວິດ ຍ້ອນເຜົາໂຕເອງ ທີ່ເມືອງ Nagchu.
ແລະໃນມື້ວັນສຸກ ຜູ້ນໍາຂອງລັດຖະບານຜັດຖິ່ນທິເບດ ນາຍົກລັດຖະມົນຕີ Lobsang Sangay ກ່າວວ່າ ລັດຖະບານຂອງທ່ານ ເຕັມໃຈທີ່ຈະທໍາການເຈລະຈາກັບລັດຖະບານຈີນ ກ່ຽວກັບເລື້ອງການປົກຄອງຕົນເອງຂອງຊາວທິເບດນັ້ນ ທຸກເວລາ. ແຕ່ທ່ານກໍກ່າວຕື່ມວ່າ ທ່ານບໍ່ຄາດວ່າ ຈະມີຮ່ອງຮອຍທີ່ແຈ້ງຂາວໃດໆ ປາກົດອອກມາໃຫ້ເຫັນວ່າ ຈີນຈະຈັດການ
ແນວໃດກັບເລື້ອງທິເບດນັ້ນ ຈົນກວ່າຫລັງຈາກມີການປ່ຽນແປງຄະນະນໍາພາຈີນ ໃນທ້າຍປີນີ້.
ຮ້ອງເອົາອິດສະລະ ພາບໃຫ້ຊາວທິເບດ ໄດ້ເຜົາໂຕເອງຕາຍ
ຊຶ່ງເຮັດໃຫ້ໂຕເລກຂອງ ຊາວທິເບດ ທີ່ຮູ້ວ່າໄດ້ເຜົາໂຕຕາຍ
ນັ້ນ ເພີ່ມຂື້ນມາເປັນ 54 ຄົນ.
ແຫລ່ງຂ່າວ ທິເບດ ກ່າວວ່າ ຊາຍຄົນດັ່ງກ່າວ ທີ່ມີ ອາຍຸ 27 ປີ ແລະມີລູກສອງຄົນນັ້ນ ຊື່ວ່າ Sangay Gyatso ໄດ້ເຜົາໂຕເອງ ໃນວັນເສົາວານນີ້ ຢູ່ພາກຕາເວັນອອກຂອງທິເບດ ໃກ້ກັບວັດ Dokar. ເປັນທີ່ເຊື່ອກັນວ່າ ຜູ້ກ່ຽວ ໄດ້ເສຍຊີວິດໄປແລ້ວ.
ໃນວັນພະຫັດອາທິດແລ້ວນີ້ ນັກປະພັນທິເບດ ຄົນນຶ່ງຊື່ວ່າ Gudrup ກໍໄດ້ເສຍຊີວິດ ຍ້ອນເຜົາໂຕເອງ ທີ່ເມືອງ Nagchu.
ແລະໃນມື້ວັນສຸກ ຜູ້ນໍາຂອງລັດຖະບານຜັດຖິ່ນທິເບດ ນາຍົກລັດຖະມົນຕີ Lobsang Sangay ກ່າວວ່າ ລັດຖະບານຂອງທ່ານ ເຕັມໃຈທີ່ຈະທໍາການເຈລະຈາກັບລັດຖະບານຈີນ ກ່ຽວກັບເລື້ອງການປົກຄອງຕົນເອງຂອງຊາວທິເບດນັ້ນ ທຸກເວລາ. ແຕ່ທ່ານກໍກ່າວຕື່ມວ່າ ທ່ານບໍ່ຄາດວ່າ ຈະມີຮ່ອງຮອຍທີ່ແຈ້ງຂາວໃດໆ ປາກົດອອກມາໃຫ້ເຫັນວ່າ ຈີນຈະຈັດການ
ແນວໃດກັບເລື້ອງທິເບດນັ້ນ ຈົນກວ່າຫລັງຈາກມີການປ່ຽນແປງຄະນະນໍາພາຈີນ ໃນທ້າຍປີນີ້.
