ບໍລິສັດເລີ່ມຕົ້ນໃໝ່ແຫ່ງນຶ່ງ ໃນລັດຄາລິຟໍເນຍ ເວົ້າວ່າ ເຂົາເຈົ້າສາມາດຊ່ວຍອຸດສາຫະກຳການຜະລິດ ໃນໂຮງຈັກໂຮງງານ ຕັດການປ່ອຍອາຍຄາບອນໄດ້ ດ້ວຍການນຳໃຊ້ຖ່ານໄຟແບັດເຕີຣີ ທີ່ເຮັດຈາກດິນດາກ. ແທນທີ່ຈະເກັບກະແສໄຟຟ້າ, ແບັດເຕີຣີດິນດາກທີ່ວ່ານີ້ ຈະເກັບອາຍຮ້ອນ. ແມັດ ດິບໂບ ມີລາຍງານເພີ່ມເຕີມ.
ພະລັງງານທົດແທນແມ່ນກຳລັງມີລາຄາຖືກກວ່ານ້ຳມັນເຊື້ອໄຟຟອສຊິລ, ແຕ່ການຫັນມາໃຊ້ພະລັງງານສະອາດ ແມ່ນໄດ້ຫຼ້າຊ້າໃນພາກສ່ວນທີ່ມັນອາດຊ່ວຍໄດ້ຫຼາຍທີ່ສຸດຄື: ການຜະລິດ.
ອຸດສາຫະກຳການຜະລິດແມ່ນຕ້ອງການອາຍຮ້ອນຢ່າງເປັນປະຈຳ, ໃນບາງກໍລະນີແມ່ນ 24 ຊົ່ວໂມງຕໍ່ມື້.
ທ່ານ ຈອນ ໂອດອນແນລ ຜູ້ບໍລິຫານໃຫຍ່ຂອງບໍລິສັດ Rondo Energy ກ່າວວ່າ “ການເຮັດສິ່ງຂອງຕ່າງໆແມ່ນພາກສ່ວນດຽວທີ່ໃຫຍ່ທີ່ສຸດຂອງການນຳໃຊ້ພະລັງງານໃນໂລກ. ແລະ ອາຍຮ້ອນທີ່ຖືກໃຊ້ໃນການເຮັດສິ່ງຕ່າງໆແມ່ນນຶ່ງສ່ວນສີ່ຂອງຖ່ານຫີນ, ນ້ຳມັນ ແລະ ແກັສທຳມະຊາດທັງໝົດຢູ່ໃນໂລກ.”
ໄຟຟ້າທີ່ບໍ່ສະໝ່ຳສະເໝີຈາກລົມ ແລະ ແສງຕາເວັນໄດ້ກາຍເປັນອາຍຮ້ອນທີ່ສະໝ່ຳສະເໝີໃນສິ່ງທີ່ບໍລິສັດ Rondo Energy ຂອງທ່ານ ໂອດອນແນລ ເອີ້ນວ່າ ແບັດເຕີຣີ ອາຍຮ້ອນ. ມັນປະກອບມີເຄື່ອງຜະລິດຄວາມຮ້ອນ ຄືເຕົາປີ້ງເຂົ້າຈີ່ຝັງຢູ່ໃນວັດຖຸທີ່ລຽບງ່າຍທີ່ສຸດຄື: ດິນຈີ່.
ທ່ານ ໂອດອນແນລ ກ່າວວ່າ “ພວກເຮົາໄດ້ທຳຄວາມກ້າວໜ້ານີ້ ໃນວິທີທີ່ພວກເຮົາສາມາດໃຊ້ວັດຖຸນີ້ ທີ່ໂລກໄດ້ໃຊ້ມາ 200 ປີແລ້ວ ແລະ ເອົາວັດຖຸໃນສັດຕະວັດທີ 19 ນີ້ ມາສ້າງພື້ນຖານໂຄງລ່າງພະລັງງານສຳລັບສັດຕະວັດທີ 21.”
ລວດເຫຼັກຈະຜະລິດອາຍຮ້ອນ, ແລະ ຮູບຮ່າງທີ່ຊັບຊ້ອນຈະເຮັດໃຫ້ດິນຈີ່ຮ້ອນຂຶ້ນຢ່າງສະເໝີກັນ ແລະ ຮັກສາອາຍຮ້ອນໄດ້ຫຼາຍວັນ.
ທ່ານ ຈອນ ໂອດອນແນລ ກ່າວວ່າ “ນັ້ນແມ່ນດິນຈີ່ກ້ອນດຽວ. ມັນຈະເກັບພະລັງງານໄດ້ຫຼາຍເທົ່າກວ່າກ້ອນແບັດເຕີຣີຂອງລົດ Tesla Model X. ພວກເຮົາຢອງມັນຂຶ້ນປະມານ 3,000 ກ້ອນເພື່ອເຮັດແບັດເຕີຣີອາຍຮ້ອນອັນດຽວ.”
ດິນຈີ່ຮ້ອນທີ່ຢອງກັນຂຶ້ນສາມາດເຮັດໃຫ້ອາກາດມີອາຍຮ້ອນສູງກວ່າ 1,000 ອົງສາແຊລຊຽສ ສຳລັບບໍລິສັດຕ່າງໆທີ່ເຮັດອາຫານ, ນ້ຳມັນເຊື້ອໄຟ ແລະ ອື່ນໆອີກ. ແບັດເຕີຣີອາຍຮ້ອນອັນທຳອິດຂອງບໍລິສັດ ຣອນໂດ ໄດ້ຖືກນຳໃຊ້ຢູ່ໂຮງງານເຊື້ອໄຟຊີວະພາບຢູ່ລັດຄາລິຟໍເນຍ ໃນປີ 2023.
ທ່ານ ຈອນ ໂອດອນແນລ ກ່າວວ່າ “ການທົດແທນໃນການເຜົາໄໝ້ດ້ວຍລົມ ແລະ ແສງຕາເວັນ ຈະຕັດການປ່ອຍອາຍຄາບອນ ທີ່ມີຢູ່ໃນການເຮັດພະລັງງານເຊື້ອໄຟຊີວະພາບລົງເປັນເຄິ່ງ.”
ການຜະລິດຂະໜາດໃຫຍ່ຈະເລີ່ມຂຶ້ນຢູ່ໂຮງງານດິນຈີ່ ໃນປະເທດ ໄທ.
ດ້ວຍແຜນການກຳລັງດຳເນີນຢູ່ເພື່ອສ້າງໂຮງງານແບັດເຕີຣີ ທີ່ໃຫຍ່ທີ່ສຸດໃນໂລກ, ແລະ ເຮັດຂໍ້ຕົກລົງກັບຜູ້ຜະລິດພະລັງງານທົດແທນທີ່ນຳໜ້າຄື EDP ເພື່ອສະໜອງອາຍຮ້ອນອຸດສາຫະກຳ ທີ່ບໍ່ມີອາຍຄາບອນ, ດິນຈີ່ທີ່ລຽບງ່າຍຂອງທ່ານ ຣອນໂດ ອາດມີຄວາມພ້ອມແລ້ວ ທີ່ຈະສະແດງຄວາມສາມາດຂອງມັນ.
ອ່ານລາຍງານນີ້ເປັນພາສາອັງກິດ
Renewable energy is becoming cheaper than fossil fuels, but the clean energy transition has lagged in an area where it could help the most: manufacturing.
Manufacturing requires consistent heat, in some cases for 24 hours a day.
“Making stuff is the single biggest part of world energy use. And the heat used in making stuff is one-quarter of all the coal, oil and natural gas in the world.”
Intermittent electricity from wind and solar becomes consistent heat in what O’Donnell’s company, Rondo Energy, calls heat batteries. They contain toaster-like heaters embedded
in the humblest of materials: clay bricks.
“We had this breakthrough in how we could use this material that the world has used for 200 years and take 19th century materials and build the energy infrastructure for the 21st century.”
Iron wire generates heat, and the complex shape allows the bricks to heat evenly and retain that heat for days.
“That’s a single brick. Stores as much energy as a Tesla Model X battery pack. We stack up about 3,000 of those to make a single heat battery.”
Stacks of hot bricks can heat air to over 1,000 degrees Celsius for companies making food, fuel and more. Rondo’s first heat battery went online at a California biofuel plant in 2023. ((end courtesy))
“Replacing combustion with the wind and the sun cuts the carbon emissions
Large scale production takes place at a brick factory in Thailand.
With plans underway to build the world’s largest battery factory,
and a deal with leading renewable energy producer EDP
to provide zero-carbon industrial heat
Rondo’s humble brick may be ready to shine.
ຟໍຣັມສະແດງຄວາມຄິດເຫັນ