ພະນັກງານ ເກົາຫຼີໃຕ້ ຈຸສຸດທ້າຍ ອອກຈາກ ເຂດ Keasong (ວີດີໂອ)

ພະນັກງານເກົາຫລີ​ໃຕ້ ​ເຈັດ​ຄົນ​ສຸດ​ທ້າຍ ​ໄດ້​ເດີນທາງ​ອອກ​ຈາກ
ເຂດ​ອຸດ​ສາ​ຫະ ກໍາຮ່ວມ Keasong ​ທີ່​ປິດ​ລົງ​ ​ໃນ​ເກົາຫລີ​ເໜືອ ​
ແລະ​ໄປ​ເຖິງ​ເມືອງ Paju ໃນ​ເກົາຫຼີ​ໃຕ້ ໃນ​ວັນ​ສຸກ​ມື້ນີ້ ​ເຮັດ​ໃຫ້
ການ​ຮ່ວມ​ມື​ຢ່າງ​ສັນຕິລະຫວ່າງ​ປະ​ເທດ​ທີ່​ເປັນ​ຄູ່​ປໍ​ລະ​ປັກ​ທັງສອງ
ສິ້ນສຸດ​ລົງ.

​ໃນ​ຂະນະ​ດຽວ​ກັນ ລົດ​ຄັນ​ນຶ່ງ​ທີ່​ບັນ​ຈຸ​ເງິນ​ບໍ່​ຊາບ​ຈໍານວນ ເພື່ອ​
ຈ່າ​ຍຄ່າ​ພາສີແລະ ​ເງິນ​ເດືອນ ​ໃຫ້​ແກ່​ພະນັກງານ​ເກົາຫລີ​ເໜືອ ​ໄດ້ແລ່ນຂ້າມ​ເຂົ້າ​ໄປ ​ໃນເຂດຊາຍ​ແດນຂອງ​ເກົາຫລີ​ເໜືອ.

ພຽງຢາງ ​ໄດ້​ຖອນ​ພະນັກງານຂອງ​ຕົນ 53,000 ຄົນ​ແລະ​ກີດ​ກັ້ນບໍ່​ໃຫ້​ຊາວ​ເກົາ ຫລີ​ໃຕ້ ​ເຂົ້າ​ໄປ​ໃນ​ເຂດ​ອຸດສາ​ຫະກຳ​ຮ່ວມ​ດັງກ່າວ ໃນ​ເດືອນ​ແລ້ວນີ້ ອັນ​ເປັນ​ພາກ​ສ່ວນນຶ່ງ​ຂອງ​ການສະ​ແດງ​ປະຕິກິລິຍາ ​ແບບ​ໂກດ​ແຄ້ນ ​ໃນການ​ຂະຫຍາຍ​ການ​ລົງ​ໂທດ​ຂອງສະຫະ​ປະຊາ​ຊາດ ຕໍ່​ການ​ທົດ​ລອງ​ນິວ​ເຄລຍຄັ້ງຫລ້າ​ສຸດຂອງ​ພຽງຢາງ.
​ໃນ​ເດືອນ​ແລ້ວ​ນີ້ ກຸງ​ໂຊ​ລ ​ໄດ້​ປະກາດ​ວ່າ ຕົນ​ໄດ້​ຖອນ​ປະຊາຊົນຂອງ​ຕົນ​ອອກ​ຈາກ​ເຂດ Keasong ຫລັງ​ຈາກ​ພຽງ​ຢາງ ປະຕິ​ເສດ ຕໍ່ຂໍ້​ສະ​ເໜີ​ການ​ເຈລະຈາ​ເພື່ອ​ເລີ້ມ​ເປີດເຂດ​ອຸດສາຫະກໍາຮ່ວມ​ດັ່ງກ່າວ​ຄືນ​ໃໝ່.