ລິ້ງ ສຳຫລັບເຂົ້າຫາ

ຊາວລາວ ໃນທົ່ວໂລກ ພາກັນ ສະຫຼອງ ບຸນປີໃໝ່ ພ.ສ. 2561


ພິທີແຫ່ພະສົງ ບຸນປີໃໝ່ລາວ ທີ່ວັດລາວພຸດທະວົງ ລັດເວີເຈີເນຍ.

ຊາວລາວຢູ່ໃນທົ່ວໂລກພວມກະກຽມສະເຫຼີມຫຼອງວັນຂຶ້ນປີໃໝ່ ປີ ພ.ສ. 2561 ດ້ວຍຄວາມ
ເບີກບານມ່ວນຊື່ນ.

please wait

No media source currently available

0:00 0:03:08 0:00
ລິງໂດຍກົງ

ໃນ ສປປ ລາວ ຢູ່ຕາມຫົວເມືອງນ້ອຍໃຫຍ່ໃນທົ່ວປະເທດແມ່ນມີການສະຫຼອງກັນຢ່າງ
ຟົດຟື້ນ ແຕ່ຜົ້ງສາລີຫາສີພັນດອນ​ ຕາມປະເພນີໃນທ້ອງຖິ່ນຂອງເຂດໃຜລາວ ແຕ່ແນວ
ໃດກໍຕາມ ວັນທີ່ສຳຄັນ ໃນການສະຫລອງປີນີ້ ກໍຄືວັສັງຂານລ່ວງ ແມ່ນກົງກັບວັນທີ
14 ເມສາ ວັນເນົາ ກົງກັບວັນທີ 15 ແລະວັນສັງຂານຂຶ້ນ ຫຼືວັນຂຶ້ນປີໃໝ່ ແມ່ນວັນ
ທີ 16.

ທີ່ນະຄອນຫຼວງພະບາງ ສາທຸໃຫຍ່ ອ່ອນແກ້ວ ສິດທິວົງ ປະທານ ຄະນະສົງແຂວງຫຼວງ
ພະບາງ ​ກ່າວຫຍໍ້ໆເຖິງຮີດຄອງ ທີ່ເຄີຍປະຕິບັດສືບຕໍ່ກັນມາໃນການສະຫຼອງປີໃໝ່ລາວ
ຢູ່ທີ່ນັ້ນວ່າໃນຕອນເຊົ້າຂອງມື້ສັງຂານລ່ວງພວກອອກຕົນຍາດໂຍມ ກໍຈະມີການອະນາ
ໄມ ສະຖານທີ່ຢ້າວເຮືອນຂອງຕົນ ຕົກຕອນບ່າຍກໍຈະມີການອາຣະທະນາພະພຸດທະຮູບ
ຢູ່ແຖວວັດບ້ານຂອງໃຜບ້ານລາວ ລົງຫົດສົງ ຫຼັງຈາກນັ້ນ ກໍຈະພາກັນໄປຫຼິ້ນດອນຊາຍ
ຕົບພະທາດຊາຍຢູ່ຕາມວັດບ້ານຂອງຕົນເອງ ຕົກຕອນຄໍ່າມາກິນເຂົ້າກິນນ້ຳແລ້ວ ກໍຈະ
ພາກັນແຕ່ງຕົວເພື່ອໄປຮົດສົງພະພຸດທະຮູບຕາມວັດຕ່າງໆ. ສາທຸໃຫຍ່ອ່ອນແກ້ວ ກ່າວ
ຕື່ມວ່າ ສຳລັບໃນມື້ເນົາ​ ທາງເຂດໃຕ້ ກໍຄືເຂດວັດທາດ ໃນຕອນບ່າຍຈະແຫ່ວໍໄປຫາ
ວັດຊຽງທອງເພື່ອໃຫ້ອອກຕົນຍາດໂຍມ ໄດ້ຫົດສົງ ຂະບວນພະສົງສາມະເນນ ແລະຫົດ
ສົງມາຮອດວັດຊຽງທອງແລ້ວ ເພິ່ນກໍເລີກກັນ ແລະຕົກຕອນແລງມາພວກອອກຕົນຍາດ

ພິທີ່ຫົດສົງພະບຸນປີໃໝ່ ທີ່ນະຄອນຫຼວງພະບາງ
ພິທີ່ຫົດສົງພະບຸນປີໃໝ່ ທີ່ນະຄອນຫຼວງພະບາງ

ໂຍມກໍຈະພາກັນໄປຫົດສົງ ພະພຸດທະຮູບຄືເກົ່າ. ສ່ວນໃນ ມື້ທີ ​3 ຊຶ່ງເປັນວັນສັງຂານ
ຂຶ້ນ ພວກອອກຕົນຍາດໂຍມ ກໍຈະພາກັນແຫ່ວໍແຕ່ວັດຊຽງທອງ ກັບຄືນໄປວັດທາດ
ເພື່ອໃຫ້ພວກຍາດໂຍມ ໄດ້ຮົດໄດ້ສົງ ພະສົງອົງຄະເຈົ້າຄະນະເໜືອ ເພື່ອເຮັດໃຫ້ບ້ານ
ເມືອງ ໄດ້ຢູ່ຊຸ່ມກຸ່ມເຢັນ ແລະຕົກຕອນຄ່ຳມາ ອອກຕົນຍາດໂຍມ ກໍໄປຮົດສົງພະພຸດ
ທະຮູບຄືເກົ່າ. ແຕ່ແນວໃດກໍຕາມ ສາທຸໃຫຍ່ອ່ອນແກ້ວ ກ່າວວ່າ ການສະຫຼອງໃນປີນີ້
ແມ່ນມີຄວາມຄຶກຄື້ນເປັນພິ ເສດຍ້ອນມີຈຸດເດັ່ນຢູ່ 3 ປະການ

please wait

No media source currently available

0:00 0:00:14 0:00
ລິງໂດຍກົງ

ນອກນັ້ນ ຊາວລາວ ຢູ່ໃນປະເທດຕ່າງໆ ເຊັ່ນ ຝຣັ່ງ ອັງກິດ ແບລຈ້ຽມ ອອສເຕຣເລຍ
ນິວຊີແລນ ອາເຈັນຕິນາແລະອື່ນໆ ກໍພາກັນສະເຫຼີມສະ ຫຼອງປີໃໝ່ ລາວ ເຊັ່ນດຽວກັນ.
ສ່ວນຢູ່ສະຫະລັດ ຊາວລາວໃນລັດຕ່າງໆ ກໍຈັດພິທີສະຫຼອງວັນຂຶ້ນປີໃໝ່ລາວ ບໍ່ນ້ອຍ
ໜ້າຊາວລາວຢູ່ບ່ອນອື່ນໆເລີຍ. ທີ່ວັດລາວພຸດທະວົງ ໃນເຂດນະຄອນ ຫຼວງວໍຊິງຕັນ
ກໍມີການສະເຫຼີມສະຫຼອງ ຢ່າງຄຶກຄື້ນມະໂຫລານ ຊຶ່ງນອກຈາກພິທີທາງສາສະໜາ
ແລ້ວ ກໍຍັງມີການຄົບງັນ ເປັນເວລາ 2 ວັນ ຄືໃນວັນເສົາແລະວັນອາທິດນີ້ ແລະຄາດ
ວ່າ ຈະມີຫຼາຍພັນຄົນເຂົ້າຮ່ວມ.

ນອກນັ້ນ ຢູ່ຕາມຫົວເມືອງຕ່າງໆ ເຊັ່ນ ນະຄອນແຊນດີເອໂກ ແຊນແຟຣນຊິສໂກ
ຊິຄາໂກ ແລະນິວຢອກ ຕະຫລອດທັງຊຸມຊົນທີ່ມີຄົນລາວອາໄສຢູ່ຢ່າງໜາ ແໜ້ນ
ເຊັ່ນເມືອງຊາກີນໍ ໃນລັດເທັກຊັສ ແລະ ເມືອງນິວໄອບີເຣຍ ໃນລັດຫຼຸຍຊີອານາ ​ກໍ
ຈະມີການສະຫຼອງປີໃໝ່ລາວຢ່າງມ່ວນຊື່ນເຊັ່ນ ດຽວກັນ.

XS
SM
MD
LG