ເພງ "ຄິດຮອດຄວາມຮັກ" ໂດຍ ຈັນທະຣາ ອຸເທນສັກດາ
ເພງທີ່ຈົບລົງໄປນັ້ນເປັນເພງດັງໃນອະດີດມີຊື່ວ່າ "ຄິດຮອດຄວາມຮັກ" ທີ່ຂັບຮ້ອງໂດຍ
ຈັນທະຣາ ອຸເທນສັກດາ ຈັດໃຫ້ຕາມຄໍາຂໍຂອງຜູ້ຟັງທີ່ໜ້າຮັກຍາລຸງ ບົວຫອມ ດໍາຣົງ ເປັນແຟນລາຍການສະຖານນີວິທະຍຸ VOA ຢ່າງສະເໝີຕົ້ນສະເໝີປາຍ ຕິດຕາມຮັບຟັງມາຕັ້ງແຕ່ເລີ່ມຕົ້ນ ກ່ອນວັນນະສອນເກີດດ້ວຍຊໍ້າ ວັນນະສອນດີໃຈທີ່ໄດ້ຮັບຈ.ມ. ຂອງຍາລຸງອີກຄັ້ງ ຫຼັງຈາກທີ່ຫາຍປວຍແລ້ວ ຊຶ່ງເປັນເວລານານພໍສົມຄວນ ເພງນົກເຂົາລືມຄອນ ເປັນອີກເພງນຶ່ງທີ່ຍາລຸງຂໍຟັງມາ ວັນນະສອນກໍເລີຍຕັ້ງໃຈຈັດໃຫ້ຍາລຸງຂຶ້ນ ບົວຫອມ ໂດຍສະເພາະຢາກໃຫ້ຫາຍດີແລະລຸກຂຶ້ນມາຮ່ວມຟັງເພງຂອງຜູ້ຊາຍທີ່ຂັບຮ້ອງໂດຍ ກ. ວິເສດ ແລະວັນນະສອນວ່າ ສຽງຫວານໃສຂອງແສງຈັນ ນະຄອນທັບ ກໍມ່ວນໄປອີກແບບ. ເອົາໄປຟັງພ້ອມໆກັນເລີຍດີກວ່າ ວ່າທັງທ່ານຜູ້ຟັງຈະເຫັນດີຢ່າງທີ່ວັນນະສອນໄດ້ກ່າວໄວ້ຫຼືບໍ່?
ເພງ "ນົກເຂົາລືມຄອນ" ໂດຍ ແສງຈັນ ນະຄອນທັບ
ສ່ວນເພງ ກຸຫຼາບປາກຊັນ ນີ້ ຈັດໃຫ້ຜູ້ຟັງນາມແຝງ ສີຂາວ ທີ່ຂຽນຂໍ້ຄວາມຝາກໄວ້ໃນ VOA Website ຊຶ່ງວັນນະສອນ ຕັດສິນໃຈລໍາບາກ ເພາະບໍ່ໄດ້ເນັ້ນວ່າ ເປັນຂອງສິນລະປິນທ່ານໃດ ກໍເລີຍຂໍຈັດເພງຂອງນໍ້າເຜິ້ງ ໃຫ້ຟັງກ່ອນແລ້ວຕັ້ງຕໍ່ໄປກໍຈະຈັດໃຫ້ເປັນຂອງສິນລະປິນ ທ່ານອື່ນໆ ຂໍໃຫ້ແຟນລາຍການຂຽນເຂົ້າມາຂໍຟັງເພງແບບນີ້ລະ ຍິ່ງດີເພາະບາງທີ່ກໍບໍ່ຮູ້ຈະຈັດເພງໃດໃຫ້ຖືກໃຈ ຂຽນມາຕິຊົມຫຼືຂຽນມາລົມກັນແບບສະບາຍໆກໍໄດ້ຂໍໃຫ້ທຸກໆທ່ານນອນຫຼັບຝັນດີແລະພົບກັນໃໝ່ໃນສັບປະດາໜ້າ
ເພງ: "ກຸຫຼາບປາກຊັນ " ໂດຍ ນໍ້າເຜິ້ງ
