ລິ້ງ ສຳຫລັບເຂົ້າຫາ

logo-print

ປະທານທະນາຄານໂລກທ່ານ Robert Zoellick ໄດ້ກ່າວຊົມເຊີຍ ສປປ ລາວ ໃນການ
ເຮັດໃຫ້ເສດຖະກິດເຕີບໃຫຍ່ຂະຫຍາຍໂຕ ແລະຄວາມສຳເລັດ ໃນການເອົາຊະນະຄວາມ ທຸກຍາກ.

ໃນຕົ້ນອາທິດນີ້ທ່ານ Zoellick ໄດ້ສະເໜີໃຫ້ການຊ່ອຍເຫຼືອແກ່ລັດຖະບານລາວເພື່ອສືບ
ຕໍ່ການດຳເນີນພະຍາຍາມທີ່ສຳເລັດຜົນ ຊຶ່ງທ່ານໄດ້ກ່າວອ້າງເຖິງການຫຼຸດຜ່ອນຄວາມ
ທຸກຍາກ ການຂະຫຍາຍໄຟຟ້າໃຫ້ປະຊາຊົນໄດ້ໃຊ້ ແລະການສ້າງສາໂຮງຮຽນ ຕະຫຼອດ
ທັງຖະໜົນຫົນທາງຕາມບ້ານຕ່າງໆ ທີ່ສ່ວນໃຫຍ່ແລ້ວບໍ່ເຄີຍມີສິ່ງເຫຼົ່ານີ້ມາກ່ອນ.

ການໃຫ້ຄວາມເຫັນຂອງທ່ານ Zoellick ມີຂຶ້ນໃນມື້ວັນຈັນຜ່ານມາ ໃນຕອນທ້າຍຂອງການ
ຢ້ຽມຢາມ ສປປ ລາວເປັນເວລາ 2 ມື້ ຊຶ່ງໃນລະຫວ່າງນີ້ ທ່ານໄດ້ພົບປະກັບເຈົ້າໜ້າທີ່ຂັ້ນ
ສູງຂອງລາວ ຮວມທັງທ່ານຈູມມະລີ ໄຊຍະສອນ ປະທານປະເທດ ສປປ ລາວແລະນາຍົກ
ລັດຖະມົນຕີບົວສອນ ບຸບຜາວັນ.

ເສດຖະກິດຂອງລາວ ໄດ້ເຕີບໃຫຍ່ຂະຫຍາຍໂຕສະເລ່ຍແລ້ວ 6.4% ໃນຮອບທົດສະວັດ
ຜ່ານມາແລະລະດັບຄວາມທຸກຍາກໄດ້ຫຼຸດຈາກ 46% ໃນປີ 1993 ລົງມາເປັນ 27% ໃນ
ປີ 2008.

XS
SM
MD
LG