ກຸ່ມທຸລະກິດຈີນລົງທຶນ 9,000 ລ້ານໂດລາ ເພື່ອພັດທະນາເຂດເສດຖະກິດໃໝ່
ສີທັນດອນ-ຄອນພະເພັງ ທີ່ເມືອງໂຂງ ໂດຍເມືອງໃໝ່ແຫ່ງນີ້ ຈະຮອງຮັບພົນລະ
ເມືອງໄດ້ເຖິງ 8 ແສນຄົນ ກັບນັກທ່ອງທ່ຽວອີກ 1 ລ້ານ 2 ແສນ ຄົນ ຊົງຣິດ
ໂພນເງິນມີລາຍງານຈາກບາງກອກ.
ບໍລິສັດລາວ ມະຫານະທີສີທັນດອນແລະ ການລົງທຶນຈຳກັດ ຈາກຮົງກົງ ປະເທດຈີນ
ຊຶ່ງເປັນຜູ້ລົງທຶນໃນເຂດພັດທະນາເສດຖະກິດໃໝ່ສີທັນດອນ-ຄອນພະເພັງ ທີ່ເມືອງ
ໂຂງໃນແຂວງຈຳປາສັກ ສະເໜີລາຍງານຄວາມຄືບໜ້າຂອງໂຄງການວ່າໄດ້ທຳການ
ສຳຫຼວດ-ອອກແບບການກໍ່ສ້າງສຳເລັດທັງໂຄງການແລ້ວ ຊຶ່ງປະກອບດ້ວຍ ພື້ນຖານ
ໂຄງຮ່າງຕ່າງໆ ເພື່ອຮອງຮັບພາກທຸລະກິດແລະບໍລິການຢ່າງຄົບວົງຈອນ ເຊັ່ນເຂດ
ອຸດສາຫະກຳ Electronic ແລະເທັກໂນໂລຈີ ດ້ານຂໍ້ມູນ-ຂ່າວສານ ເຂດແປຮູບສິນ
ຄ້າກະສິກຳແລະຫັດຖະກຳ ເຂດການຄ້າເສລີ-ປອດພາສີ ເຂດບໍລິການຢ່າງຄົບວົງ
ຈອນ ເຂດພັດທະນາກະສິກຳ ແລະປະມົງປອດໄພ ສານພິດ ເປັນຕົ້ນ.
ທັງນີ້ ໂດຍກຸ່ມທຸລະກິດຈີນ ຈະໃຊ້ເງິນລົງທຶນຮວມເຖິງ 9,000 ລ້ານໂດລາ ສຳລັບ
ດຳເນີນການກໍ່ສ້າງສູນການຄ້າປອດພາສີ ໂຮງແຮມ-ຣີສອຕ໌ ທະນາຄານແລະປະກັນ
ໄພສູນບໍລິການດ້ານສຸຂະພາບແລະຄວາມງາມ ໂຮງຮຽນນາໆຊາດ ສະຖານບັນເທີງ
ຄົບວົງຈອນ ສວນສະນຸກ ສະຖານີຂົນສົ່ງ ຕະຫຼາດກາງຄືນ Night Plaza ອຸດທະຍານ
ທຳມະຊາດນ້ຳຂອງ ໂດຍເມືອງໃໝ່ສີທັນດອນ ຈະຮອງຮັບພົນລະເມືອງໄດ້ເຖິງ 8 ແສນ
ຄົນ ກັບນັກທ່ອງທ່ຽວອີກ 1 ລ້ານ 2 ແສນຄົນ ໃນແຕ່ລະປີ ຊຶ່ງສ່ວນໃຫຍ່ ກໍຄືຊາວຈີນ
ນັ້ນເອງ.
ເຂດພັດທະນາເສດຖະກິດໃໝ່ສີທັນດອນ ມີອາຍຸສຳປະທານ 50 ປີ ໃນພື້ນທີ່ຮວມ
9,846 ເຮັກຕາ ໃນເຂດເມືອງໂຂງແລະເມື່ອຄົບກຳໜົດ ກໍຍັງສາມາດທີ່ຈະຕໍ່ອາຍຸ
ສຳປະທານໄດ້ອີກ 50 ປີ ໂດຍ ໃນໄລຍະ 5 ປີທຳອິດ ກຸ່ມທຸລະກິດຈີນ ຈະໃຊ້ເງິນລົງທຸນ
ໃນມູນຄ່າ 1 ພັນ 3 ຮ້ອຍ ລ້ານໂດລາ ສ່ວນທີ່ເຫຼືອອີກ 7 ພັນ 7 ຮ້ອຍ ລ້ານໂດລານັ້ນ
ກໍຈະລະດົມຈາກບັນດາວິສາຫະກິດເອກກະຊົນຈີນ ທີ່ຈະເຂົ້າມາປະກອບສ່ວນລົງທຶນ
ໃນພາກການຜະລິດສິນຄ້າແລະບໍລິການຕ່າງໆ ຢ່າງຄົບວົງຈອນ ດັ່ງກ່າວ ແລະຖ້າຫາກ
ການດຳເນີນງານເປັນໄປຕາມເປົ້າໝາຍທີ່ວາງໄວ້ ກໍຄາດໝາຍວ່າ ຈະມີເງິນຕາຕ່າງ
ປະເທດເຂົ້າມາໝູນວຽນໃນເຂດພັດທະນາເສດຖະກິດໃໝ່ສີທັນດອນແຫ່ງນີ້ຫຼາຍກວ່າ
1,000 ລ້ານໂດລາ ໃນແຕ່ລະປີ ນັບແຕ່ປີ 2025 ເປັນຕົ້ນໄປ ສ່ວນປະຊາຊົນລາວທີ່
ຖືກເວນຄືນທີ່ດິນນັ້ນ ກໍຈະໄດ້ຮັບການຊົດເຊີຍ ໃນມູນຄ່າຮວມທັງໝົດ 6 ລ້ານ
5 ແສນໂດລາ.
ທາງດ້ານທ່ານສົມດີ ຮອງນາຍົກລັດຖະມົນຕີແລະລັດຖະມົນຕີ ວ່າການກະຊວງ
ການເງິນ ຢືນຢັນວ່າ ລັດຖະບານລາວ ໄດ້ພັດທະນາປັບປຸງ ລະບຽບກົດໝາຍຕ່າງໆ
ເພື່ອອຳນວຍຄວາມສະດວກ ໃຫ້ແກ່ການລົງທຶນຂອງຕ່າງປະເທດໃນລາວ ໄດ້ເພີ້ມຂຶ້ນ
ນັບມື້ ໂດຍສະເພາະແມ່ນການລົງທຶນຂອງກຸ່ມທຸລະກິດຈາກຈີນນັ້ນ ຖືເປັນເປົ້າໝາຍ
ບຸມະສິດ ທີ່ລັດຖະບານລາວ ຢາກໃຫ້ເຂົ້າມາລົງທຶນໃນລາວ ໃຫ້ຫຼາຍຂຶ້ນ ຢ່າງຕໍ່ເນື່ອງ
ດັ່ງທີ່ ທ່ານສົມດີ ໄດ້ຢືນຢັນໃນໂອກາດເຂົ້າຮ່ວມງານວາງສະແດງສິນຄ້າຈີນ-ອາຊຽນ
ຄັ້ງທີ 15 ຢູ່ເມືອງໜານໜິງ ແຂວງກວາງສີ ເມື່ອເດືອນກັນຍາ 2018 ທີ່ຜ່ານມາວ່າ
“ປັດຈຸບັນ ໄດ້ມີການລົງທຸນຂອງນັກລົງທຶນຈີນຢູ່ ສປປ ລາວ ຫຼາຍສົມຄວນ ເຖິງວ່າ
ປະເທດພວກເຮົາ ຍັງມີລະບຽບກົດໝາຍກົດໝາຍ ບໍ່ທັນຄົບຖ້ວນ ການບໍລິການ
ຫຼາຍອັນ ຍັງຂາດຕົກກບ່ອງພ່ອງ ລັດຖະບານລາວພວກຂ້າພະເຈົ້າມີຄວາມພະຍາ
|ຍາມທີ່ຈະສ້າງ ຄວາມເຊື່ອໝັ້ນ ອຳນວຍຄວາມສະດວກ ໃຫ້ແກ່ນັກລົງທຶນ ມີການ
ສະດວກວ່ອງໄວ ແລະເປັນລະບຽບຮຽບຮ້ອຍກວ່າເກົ່າ ຂ້າພະເຈົ້າຫວັງຢ່າງຍິ່ງວ່າ
ນັກທຸລະກິດຈາກ ສປ ຈີນ ຈະເຂົ້າມາລົງທຶນແລະຊ່ອຍຊຸກຍູ້ ການພັດທະນາເສດ
ຖະກິດຂອງ ສປປ ລາວ.”
ໂດຍໃນປັດຈຸບັນ ຈີນມີມູນຄ່າການລົງທຶນໃນລາວ ເກີນກວ່າ 10,000 ລ້ານໂດລາ
ຖືເປັນຜູ້ລົງທຶນອັນດັບ 1 ໃນລາວ ທີ່ມີຈຳນວນ 700 ກວ່າໂຄງການ ຊຶ່ງຍັງບໍ່ທັນຮວມ
ເຖິງການລົງທຶນໃນເຂດພັດທະນາເສດຖະກິດໃໝ່ສີທັນດອນ ຂອງບໍລິສັດລາວ ມະຫາ
ນະທີສີທັນດອນ ແລະການລົງທຶນຈຳກັດ ດັ່ງກ່າວແຕ່ຢ່າງໃດ.
ແຕ່ຢ່າງໃດ ກໍຕາມ ກະຊວງການເງິນຂອງສະຫະລັດອາເມຣິກາ ກໍໄດ້ປະກາດຂຶ້ນບັນຊີ
ດຳແລະໃຫ້ຖືວ່າ ທ້າວຈ້າວ ເຫຍ່ຍ ປະທານບໍລິສັດດອກງິ້ວ ຄຳຈາກຈີນ ຜູ້ລົງທຶນພັດ
ທະນາເຂດເສດຖະກິດພິເສດສາມຫຼຽມຄຳທີ່ເມືອງຕົ້ນເຜິ້ງ ແຂວງບໍ່ແກ້ວນັ້ນເປັນອາຊະ
ຍາກອນ ຜູ້ທີ່ມີສ່ວນກ່ຽວຂ້ອງໃນການຄ້າຢາເສບຕິດ ການຄ້າມະນຸດ ການຟອກເງິນ
ການໃຫ້ສິນບົນ ແລະການຄ້າສັດປ່າຂ້າມຊາດ ໃນເດືອນກັງກອນ 2018 ທີ່ຜ່ານມາ.
ຫາກແຕ່ ທ້າວຈ້າວ ເຫຍ່ຍ ກໍໄດ້ໃຫ້ການປະຕິເສດ ຕໍ່ຂໍ້ກ່າວຫາຂອງທາງການສະຫະ
ລັດ ທັງຍັງເນັ້ນໜັກ ດ້ວຍວ່າ ການປະກາດດັ່ງກ່າວຂອງສະຫະລັດເປັນການປະກາດ
ຝ່າຍດຽວທີ່ບໍ່ຍຸຕິທຳ ແລະບໍ່ສົ່ງຜົນກະທົບຕໍ່ແຜນການລົງທຶນພັດທະນາເຂດເສດຖະກິດ
ພິເສດສາມຫຼ່ຽມຄຳໃນລາວ ອີກດ້ວຍ ເພາະເປັນການລົງທຶນທີ່ຖືກຕ້ອງຕາມລະບຽບ
ກົດໝາຍຂອງ ສປປ ລາວ ໃນທຸກດ້ານນັ້ນເອງ.
