ລິ້ງ ສຳຫລັບເຂົ້າຫາ

ວັນອາທິດ, ໒໑ ກໍລະກົດ ໒໐໒໔

ລັດຖະບານລາວ ສາມາດຈັດຕັ້ງປະຕິບັດ ແລະ ບັນລຸໄດ້ພຽງ 2 ໃນ 19 ເປົ້າໝາຍການພັດທະນາ ເພື່ອຍົກລະດັບຄຸນນະພາບຊີວິດ ແລະ ສະຫວັດດີການຂອງແມ່ຍິງ ແລະ ເດັກນ້ອຍ


ພາບນີ້ຖ່າຍໃນວັນທີ 10 ມີນາ 2011 ສະແດງໃຫ້ເຫັນແມ່ຍິງ ແລະ ລູກນ້ອຍ ຢູ່ໜ້າເຮືອນຫຼັງນຶ່ງໃນໝູ່ບ້ານຂອງຊົນເຜົ່າ ກຶມມຸ, ແຂວງຫຼວງນໍ້າທາ.
ພາບນີ້ຖ່າຍໃນວັນທີ 10 ມີນາ 2011 ສະແດງໃຫ້ເຫັນແມ່ຍິງ ແລະ ລູກນ້ອຍ ຢູ່ໜ້າເຮືອນຫຼັງນຶ່ງໃນໝູ່ບ້ານຂອງຊົນເຜົ່າ ກຶມມຸ, ແຂວງຫຼວງນໍ້າທາ.

ລັດຖະບານລາວ ສາມາດຈັດຕັ້ງປະຕິບັດ ແລະ ບັນລຸໄດ້ພຽງ 2 ໃນ 19 ເປົ້າໝາຍການພັດທະນາ ເພື່ອຍົກລະດັບຄຸນນະພາບຊີວິດ ແລະ ສະຫວັດດີການຂອງແມ່ຍິງ ແລະ ເດັກນ້ອຍໃນລາວ.

ຜູ້ປະສານງານອົງການພັດທະນາສັງຄົມໃນລາວ ເປີດເຜີຍວ່າ ການຂາດເຂີນງົບປະມານຢ່າງໜັກໜ່ວງ ໄດ້ເຮັດໃຫ້ລັດຖະບານລາວ ປະຕິບັດໄດ້ພຽງ 2 ໃນ 19 ເປົ້າໝາຍການພັດທະນາ ເພື່ອປັບປຸງຄຸນນະພາບຊີວິດ ແລະສະຫວັດດີການຂອງແມ່ຍິງ ແລະເດັກນ້ອຍໃນລາວ ລວມທັງການເຂົ້າຮຽນຊັ້ນປະຖົມສຶກສາ ແລະ​ມັດທະຍົມຕົ້ນ​.

ສໍາລັບ 17 ເປົ້າຫມາຍທີ່ບໍ່ໄດ້ບັນລຸ ສ່ວນຫຼາຍ ແມ່ນການພັດທະນາສຸຂະພາບອະນາໄມ ແລະ ໂພຊະນາການຂອງແມ່, ແມ່ຍິງ ແລະ ເດັກນ້ອຍ ແມ່ນຍັງຢູ່ໃນເກນມາດຕະຖານ. ດັງທີ່ຜູ້ປະສານງານ ຢືນຢັນວ່າ:

“ຄວາມຄືບໜ້າໃນການຈັດຕັ້ງປະຕິບັດວຽກງານສົ່ງເສີມໂພຊະນາການຂອງແມ່ຍິງ, ແອນ້ອຍ ແລະ ເດັກນ້ອຍ ພົບວ່າ 44.9 ເປີເຊັນ ຂອງເດັກເກີດໃໝ່ໄດ້ກິນນົມແມ່ພາຍໃນຊົ່ວໂມງທຳອິດຫຼັງເກີດ, ແຕ່ທຽບໃສ່ເປົ້າໝາຍ, ພວກເຮົາກໍຍັງບໍ່ທັນບັນລຸໄດ້ 55.6 ເປີເຊັນ ຂອງເດັກນ້ອຍອາຍຸ 6 ເດືອນໄດ້ຮັບນົມແມ່ພຽງຢ່າງດຽວ. ແລ້ວກໍມີການເພີ່ມຂຶ້ນເຖິງ 10.6 ເປີເຊັນ, ແຕ່ພວກເຮົາກໍຍັງບໍ່ບັນລຸເປົ້າຫມາຍ 89.8 ເປີເຊັນຂອງແມ່ຍິງໄດ້ຮັບການບໍລິການຝາກທ້ອງຈາກພະນັກງານທີ່ມີຄວາມຊໍານານ. ແຕ່ພວກເຮົາກໍຍັງບໍ່ສາມາດບັນລຸໄດ້."

ຟໍຣັມສະແດງຄວາມຄິດເຫັນ

XS
SM
MD
LG