ລິ້ງ ສຳຫລັບເຂົ້າຫາ

logo-print

ກໍລະນີການຕິດເຊື້ອ HIV- AIDS ໃນລາວ ເພີ້ມຂຶ້ນ ຫຼາຍກວ່າ 1,000 ຄົນ ໃນປີກາຍ


ທາງ​ການ​ລາວ ກວດ​ພົບ​ວ່າ​ມີ​ປະຊາຊົນ​ລາວ​ຕິດ​ເຊື້ອ​ HIV -AIDS ​ເພີ້​ມຂຶ້ນ​ອີກ​ຫຼາຍ​ກວ່າ 1,000 ຄົນ ​ແລະ​ເສຍ​ຊີວິດ​ຍ້ອນ​ໂຣກ AIDS ອີກ 130 ຄົນ​ໃນ​ປີ 2015 ​ໂດຍ​ກຸ່ມ​ຮັກ​ຮ່ວມ​ເພດ​ມີ​ຄວາມ​ສຽງ​ສູງ​ທີ່​ສຸດ. ຊົງຣິດ ໂພນເງິນ ມີລາຍງານຈາກບາງກອກ.

ທ່ານສີສະ​ຫວາດ ສຸດ​ທາ​ນິລະ​ໄຊ ຮອງ​ຫົວໜ້າ ກົມ​ຄວບ​ຄຸມພະຍາດ​ຕິດ​ຕໍ່ ກະຊວງ​ສາທາ ລະນະ​ສຸກ​ ຖະ​ແຫຼງຢືນຢັນ​ວ່າ​ໃນ​ຮອບ​ປີ 2015 ທີ່​ຜ່ານ​ມາ​ໃຫ້​ກວດ​ພົບ​ຜູ້​ຕິດ​ເຊື້ອ HIV - AIDS ລາຍ​ໃໝ່​ເພີ້​ມຂຶ້ນ​ຫຼາຍ​ກວ່າ 1,000 ຄົນ ​ແລະ​ໃນ​ນີ້ ກໍ​ໄດ້​ເສຍ​ຊີວິດ​ຍ້ອນ​ໂຣກ AIDS ​ ​ໄປແລ້ວເຖິງ 130 ຄົນ ອັນ​ເປັນ​ສະພາບ​ການ​ທີ່​ຮຸນແຮງ​ກວ່າ​ປີ 2014 ທີ່​ກວດ​ພົບ​ ຜູ້​ຕິດ​ເຊື້ອ HIV-AIDS ລາຍ​ໃໝ່ 830 ກວ່າ​ຄົນ​ແລະ​ເສຍ​ຊີວິດ 107 ຄົນ.

​ໂດຍ​ເຖິງ​ແມ່ນ​ແຕ່​ວ່າ​ເປົ້າ​ໝາຍ​ສຳຄັນ​ທີ່​ສຸດ​ຊອງ​ການ​ຕ້ານ AIDS ​ໃນ​ລາວ ກໍ​ແມ່ນ​ການ​ປ້ອງ​ກັນ​ການລະບາດ​ຂອງ​ເຊື້ອ​ໂຣກ​ໃຫ້​ໄດ້​ຕາມ​ເປົ້າ​ໝາຍ​ສະຫັດ​ສະ​ວັດ ກໍ​ຄື​ການ​ຄວບ​ຄຸມ​ການ​ຕິດ​ເຊື້ອ​ໂຣກ AIDS ຂອງ​ປະຊາຊົນລາວ​ໃຫ້​ຕ່ຳ​ກວ່າ 1 ​ເປີ​ເຊັນ ຂອງ​ປະຊາຊົນ​ທັງ​ໝົດ ​ແລະ​ທີ່​ຜ່ານ​ມາ ກໍ​ສາມາດ​ຄວບ​ຄຸມ​ໄດ້​ດີ ພໍ​ສົມຄວນ​ກໍ​ຕາມ ຫາກ​ແຕ່​ກໍ​ຍັງ​ປະກົດ​ວ່າ ມີ​ປະຊາຊົນ​ລາວ​ຕິດ​ ​ເຊື້ອ AIDS ​ເພີ້​ມຂຶ້ນ​ນັບ​ມື້.

ທ່ານສີສະ​ຫວາດ ຢືນຢັນ​ວ່າ ​ໃນ​ຊ່ວງ​ປີ 1990-2015 ​ໄດ້​ກວດ​ພົບ​ຜູ້​ທີ່​ຕິດ​ເຊື້ອ AIDS ຢ່າງ​ສົມບູນ​ແລ້ວ ທັງ​ກໍ​ຍັງ​ມີ​ເຖິງ 1,789 ຄົນ ທີ່​ເສຍ​ຊີວິດ​ຍ້ອນ​ໂຮ​ກ AIDS ​ໃນ​ຊ່ວງ​ດັງ​ກ່າວ ​ໂດຍກຸ່ມ​ປະຊາຊົນລາວ​ທີ່​ມີ​ປັດ​ໄຈ​ສ່ຽງ​ແລະ​ຕິດ​ເຊື້ອ HIV - AIDS ຫຼາຍ​ທີ່​ສຸດ ກໍ​ຄື​ກຸ່ມ​ຮັກ​ຮ່ວມ​ເພດ​ແລະ​ກຸ່ມ​ແຮງ​ງານ​ເຄື່ອນ​ຍ້າຍ ຮວມ​ເຖິງ​ປະຊາຊົນ​ໃນ​ເຂດ​ຊົນນະບົດ​ທີ່​ຂາດ ຄວາມ​ ຮູ້​ຄວາມ​ເຂົ້າ​ໃຈ​ໃນ​ການ​ປ້ອງ​ກັນ​ໂຣ​ກ HIV - AIDS ສ່ວນ​ການ​ໂຄ​ສະ​ນາ​ຕ້ານ AIDS ຂອງ​ລັດຖະບານ​ລາວ ກໍ​ຍັງ​ດຳ​ເນີນ​ການ​ໄດ້​ບໍ່​ກ້ວາງ​ຂວາງອີກ​ດ້ວຍ.

​ແຕ່​ຢ່າງ​ໃດ​ກໍ​ຕາມ​ສູນ​ຕ້ານ​ໂຣ​ກ HIV - AIDS ​ແລະ​ພະຍາດ​ຕິດ​ຕໍ່​ໃນ​ລາວ ກໍ​ລາຍ​ງານ​ວ່າ​ໃນ​ປັດ​ຈຸ​ບັນ​ມີ​ປະຊາຊົນ​ລາວ 3 ກຸ່ມ ດ້ວຍ​ກັນ ທີ່​ຖື​ວ່າ ​ເປັນ​ກຸ່ມ​ປະຊາຊົນ ທີ່​ມີ​ຕວາ​ມສ່ຽງ​ສູງ​ທີ່​ຈະ​ຕິດ​ເຊື້ອ​ໂຣ​ກ HIV - AIDS ​ເພີ້​ມຂຶ້ນ​ຢ່າງ​ຕໍ່​ເນື່ອງ ຊຶ່ງ​ປະກອບ​ດ້ວຍ​ກຸ່ມ​ແມ່ນ​ຍິງ​ລາວ​ທີ່​ຂາຍ​ບໍ​ລິ​ການ​ທາງ​ເພດ ກຸ່ມ​ຮັກ​ຮ່ວມ​ເພດ​ດຽວ​ກັນ ​ແລະ​ກຸ່ມ​ທີ່​ຊົມ​ໃຊ້​ຢາ​ເສບ​ຕິດ​ດ້ວຍ​ການ​ຊີດ​ເຂົ້າ​ເສັ້ນ​ເລືອດ ຕາມ​ລຳດັບ.

ທັງ​ນີ້ໂດຍ​ຈາກ​ການ​ເກັບ​ກຳກັບ​ຂໍ້​ມູນ​ໃນ​ຂັ້ນ​ເບື້ອງ​ຕົ້ນ​ ເມື່ອ​ບໍ່​ນານ​ມາ​ນີ້ ກໍ​ເຮັດ​ໃຫ້ທາງ​ການ​ລາວ​ໄດ້​ປະ​ເມີນ​ສະພາບ​ການ​ວ່າ ​ມີ​ແມ່ນ​ຍິງ​ລາວ​ຫຼາຍ​ກວ່າ 11 ພັນ ຄົນ​ທີ່​ຂາຍ​ບໍລິການ​ທາງເພດ​ເປັນ​ອາຊີບ ​ໃນ​ຂະນະ​ດຽວ​ກັນ ກໍ​ມີ​ຜູ້​ຊາຍ​ກວ່າ 50 ພັນ ຄົນ​ທີ່​ຮັກ​ຮ່ວມ​ເພດ​ດຽວ​ກັນ ​ແລະ​ອີກ​ຫຼາຍ​ກວ່າ 50 ພັນ ຄົນ ກໍ​ຢູ່​ໃນ​ກຸ່ມ​ທີ່​ຊົມ​ໃຊ້​ຍາ​ເສບ​ຕິດ​ເປັນ​ປະຈຳ ​ໂດຍ​ສະ​ເພາະກຸ່ມທີ່​ຊົມ​ໃຊ້​ຍາ​ເສບ​ຕິດ ດ້ວຍ​ການ​ຊີດ​ເຂົ້າ​ເສັ້ນ​ເລືອດ​ນັ້ນ ກໍ​ນັບ​ມື້​ນັບ​ເປັນ​ກຸ່ມ​ປະຊາ ກອນ​ທີ່​ຕິດ​ເຊື້ອ HIV - AIDS ​ເພີ້​ມຂຶ້ນ​ຢ່າງ​ວ່ອງ​ໄວ​ອີກ​ດ້ວຍ.

ຊຶ່ງ​ດ້ວຍ​ສະພາບ​ການ​ດັ່ງກ່າວ​ນີ້ ຈຶ່ງ​ເຮັດ​ໃຫ້​ສູນຕ້ານ​ໂຣກ HIV - AIDS ​ແລະ​ພະຍາດ​ຕິດ​ຕໍ່​ໃນ​ສັງກັດ ກະຊວງ​ສາທາລະນະ​ສຸກ​ຂອງ​ລາວ ​ໄດ້​ໃຫ້​ຄວາມ​ສຳ​ຄັນ​ເປັນ​ພິ​ເສດ​ທີ່​ຈະ​ດຳ​ເນີນ ​ໃນ​ທຸກ​ມາດ​ຕະການ​ເພື່ອ​ລົດ​ຈຳນວນ​ຜູ້​ຕິດ​ເຊື້ອ HIV - AIDS ​ທັ້ງ ​3 ກຸ່ມດັ່ງກ່າວນີ້​ໃຫ້​ມີ ປະສິດທິພາບທີ່​ສູງ​ຂຶ້ນ ດັ່ງ​ທີ່​ເຈົ້າ​ໜ້າ​ທີ່​ຂັ້ນ​ສູງ ​ໃນ​ສູນ​ຕ້ານ HIV - AIDS ​ແລະ​ພະຍາດ​ຕິດ​ຕໍ່​ໃນ​ລາວ ​ໄດ້​ໃຫ້ການ​ຢືນຢັນ​ວ່າ “ທີ່​ໜ້າ​ເປັນ​ຫ່ວງອີກ​ອັນ​ນຶ່ງ​ເນາະ ​ໃນ​ການ​ຕິດເຊື້ອງ​ໂຣກ AIDS ຢູ່​ປະ​ເທ​ດລາວ​ພວກເຮົານີ້ ສ່ວນ​ຫຼາຍ​ກໍ​ແມ່ນ​ເກີດ​ກັບ​ຜູ້​ຊາຍ​ທີ່​ມີ​ການ​ເຄື່ອນ​ຍ້າຍ ​ໂດຍ​ສະ​ເພາະ​ກໍ​ແມ່ນ​ການ​ເຄື່ອນຍ້າຍ​ເພື່ອ​ການ​ຫາ​ວຽກ​ເຮັດ​ງານ​ທຳ ​ແຕ່​ວ່າ​ແນວ​ໃດ​ກໍ​ຕາມ​ສຳ​ຫຼັບ​ນະ​ໂຍບາຍ​ທາງ​ດ້ານ​ແຮງ​ງານ​ນັ້ນ ບໍ່​ທັນ​ໄດ້​ມີ​ການ​ກຳໜົດ​ລະອຽດ ​ແລະ​ກະ​ຊັດ​ເຈນ​ກ່ຽວ​ກັບ​ການ​ປ້ອງ​ກັນ​ຫຼື​ວ່າ ການ​ຕ້ານ​ການ​ແຜ່​ລະບາດ​ຂອງ​ເຊື້ອ​ໂຣ​ກ AIDS ຢູ່​ໃນ​ສະຖານ​ທີ່​ເຮັດ​ວຽກ.”

​ໂດຍ​ຕໍ່​ກໍລະນີ​ດຽວ​ກັນນີ້ ທ່ານ​ພອນ​ເທບ ພົນ​ເສນາ ອະດີດ​ສະພາ​ແຫ່ງ​ຊາດ​ລາວ ກໍ​ໄດ້​ໃຫ້​ຄວາມ​ຄິດ​ເຫັນ​ວ່າ ​ເຖິງ​ແມ່ນ​ວ່າ ອັດຕາ​ການ​ຕິດ​ເຊື້ອ HIV- AIDS ​ໃນ​ລາວ​ຈະ​ຍັງ​ຄົງ​ຢູ່​ໃນ​ລະດັບ​ທີ່​ຕ່ຳ​ກໍ​ຕາມ ຫາກ​ແຕ່​ສະຖານະ​ການ​ທີ່​ໜ້າ​ເປັນ​ຫ່ວງ​ຢ່າງ​ຍິ່ງ ກໍ​ຄື​ລະບົບ​ໃຫ້​ບໍລິການ​ດ້ານ​ການ​ປິ່ນປົວ​ແລະ​ການ​ຮັກສາ​ສຸກຂະພາບ​ຂອງ​ລັດຖະບານ​ລາວ​ຍັງ​ບໍ່​ສາມາດ​ທີ່​ຈະ​ໃຫ້ ການ​ເບິ່ງ​ແຍງ​ບັນດາ​ຄົນ​ລາວ​ທີ່​ຕິດ​ເຊື້ອໂຣ​ກດັ່ງກ່າວ​ນີ້ ​ໄດ້​ຢ່າ​ງທົ່ວ​ເຖິງ​ແລະ​ພຽງພໍ​ກັບ​ສະພາບ​ບັນ​ຫາ​ທີ່​ເປັນ​ຈິງ.

​ໂດຍ​ຈາກ ລາຍ​ງານ​ຂອງ​ສູນ ຕ້ານ​ໂຣກ AIDS ລະບຸ​ວ່າ​ມີ​ຜູ້ຕິດ​ເຊື້ອ HIV- AIDS ທີ່​ເຂົ້າ​ເຖິງ​ບໍລິ​ການ​ຂອງ​ລັດ ​ໃນ​ການ​ປິ່ນປົວ​ຂອງ​ໂຣກ AIDS ພຽງ​ແຕ່ 2 ພັນ ກວ່າ​ຄົນ​ເທົ່າ​ນັ້ນ ຈາກ​ຈຳນວນ​ຜູ້​ຕິດ​ເຊື້ອ HIV- AIDS ຫຼາຍ​ກວ່າ 6 ພັນ 300 ຄົນ ​ໃນ​ທົ່ວ​ປະ​ເທດ​ໃນ​ປະ​ຈຸ​ບັນ​ນີ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG