ເຈົ້າໜ້າທີ່ລາວລາຍງານວ່າມີການຕອບຮັບຢ່າງກະຕືລືລົ້ນ
ຕໍ່ການສະເໜີຂາຍຮຸ້ນ ຊຸດທຳອິດ ໃຫ້ປະຊາຊາຊົນຢູ່ໃນ
ສປປ ລາວ.
ພວກນາຍໜ້າກ່າວວ່າ ການສະເໜີຂາຍຮຸ້ນຂັ້ນທຳອິດໃຫ້
ປະຊາຊົນຂອງບໍລິສັດຜະລິດໄຟຟ້າ EDL-Generation
ທີ່ໄດ້ແຍກອອກມາຈາກບໍລິສັດລັດວິສາຫະກິດໄຟຟ້າລາວ
ໃນຕົ້ນເດືອນນີ້ໄດ້ອັດລົງແລ້ວ ໃນມື້ວັນຈັນວານນີ້. ສ່ວນ
ການສະເໜີຂາຍຮຸ້ນຂອງທະນາຄານການຄ້າຕ່າງປະເທດ
ຊຶ່ງເປັນທະນາຄານລັດວິສາຫະກິດນັ້ນໄດ້ອັດລົງໃນສັບປະ
ດາແລ້ວ.
ອົງການຂ່າວຝຣັ່ງ ໄດ້ອ້າງຄຳເວົ້າຂອງນາຍໜ້າຄົນນຶ່ງທີ່ກ່າວວ່າ ປະຊາຊົນໄດ້ພາກັນເຂົ້າ
ແຖວຈົດຊື່ ຂໍຊື້ຮຸ້ນຂອງບໍລິສັດຜະລິດໄຟຟ້າ EDL-Generation ຊຶ່ງຂາຍກັນໃນລາຄາປະ
ມານຮຸ້ນລະ 4,000 ກວ່າກີບຫຼື 53 ເຊັນ. ການຊື້ຂາຍຮຸ້ນຂອງບໍລິສັດທັງສອງຈະເລີ້ມຂຶ້ນ ເວລາຕະຫຼາດຮຸ້ນຂອງລາວ ເລີ້ມເປີດກິດຈະການ ທີ່ນະຄອນຫຼວງວຽງຈັນ ໃນວັນທີ 11
ມັງກອນ ປີ 2011 ຈະມາ.
ການສະເໜີຂາຍຮຸ້ນທີ່ວ່ານີ້ ແມ່ນຂີດໝາຍເທື່ອທຳອິດທີ່ປະຊາຊົນລາວຈະໄດ້ມີໂອກາດຖື
ຮຸ້ນຢູ່ໃນບໍລິສັດຕ່າງໆ. ທັງຈີນແລະຫວຽດນາມໄດ້ເປີດເສລີເສດຖະກິດຂອງພວກເຂົາເຈົ້າ ອະນຸຍາດໃຫ້ມີການຖືຮຸ້ນຢູ່ໃນບໍລິສັດມາໄດ້ຫຼາຍປີແລ້ວ.