ພັນລະຍາຂອງທ່ານສົມບັດ ສົມພອນ ນັກພັດທະນາຊຸມ
ຊົນ ແລະນັກເຄື່ອນໄຫວເພື່ອສິດທິພົນລະເມືອງລາວ ທີ່
ຫາຍສາບສູນໄປ ທ່ານນາງ Shui Meng Ng ເດີນທາງ
ມາສະຫະລັດ ເພື່ອຮ້ອງຂໍຄວາມເຫັນໃຈ ຈາກທາງການ
ສະຫະລັດ ໃຫ້ຊ່ວຍຊອກຫາ ຂ່າວຄາວຂອງສາມີຂອງ
ທ່ານນາງ ທີ່ຫາຍຕົວໄປ ເມື່ອເກືອບປີເຄິ່ງຜ່ານມາແລ້ວ
ຄືຕັ້ງແຕ່ກາງເດືອນທັນວາ ປີ 2012 ໂດຍທີ່ບໍ່ໄດ້ຮັບຂ່າວຄືບໜ້າຫຍັງເລີຍ
ຈາກທາງການລາວ.
ທ່ານນາງ Shui Meng ກ່າວກັບ ວີໂອເອ ວ່າ:
"ຈຸດປະສົງກໍແມ່ນຊອກຫາສົມບັດເນາະ. ຕອນຢູ່ວຽງຈັນ ກໍພະຍາຍາມສຸດຂີດ
ຮ້ອງຂໍລັດຖະບານແລະຂັ້ນເທິງ ສົ່ງຂ່າວແນ່ວ່າ ສົມບັດຢູ່ໃສ ສົມບັດຫາຍຕົວ
ແລ້ວ. ມື້ນີ້ ຄົບຮອບ 500 ວັນ ຮອດປັດຈຸບັນ ບໍ່ມີຂ່າວຫຍັງເລີຍ ບໍ່ຮູ້ເພິ່ນຢູ່ໃສ?
ບໍ່ຮູ້ວ່າຍັງຫລືບໍ່ຍັງ. ຂ້າພະເຈົ້າຢາກໄດ້ຂ່າວວ່າ ເພິ່ນຢູ່ໃສ ເພິ່ນຍັງຢູ່ບໍ? ກໍ
ເທົ່ານັ້ນ. ມາຫາສະຫະລັດນີ້ ກໍຢາກໃຫ້ສະຫະລັດເຂົ້າໃຈ ກໍລະນີສົມບັດຫາຍ
ຕົວ. ຮ້ອງຂໍລັດຖະບານສະຫະລັດ ຖ້າວ່າຊ່ວຍໄດ້ ກໍໃຫ້ຊ່ວຍພັກດັນໃຫ້ລາວ
ເນາະ ຊອກຫາສົມບັດ ໃຫ້ເພິ່ນກັບຄືນສູ່ຄອບຄົວ ດ້ວຍຄວາມປອດໄພ.”
ທ່ານນາງ Shui Meng ກ່າວເຊັ່ນນັ້ນ ໃນລະຫວ່າງໃຫ້ສຳພາດກັບນັກຂ່າວ ຫລັງຈາກ
ໄດ້ເລົ່າເລື້ອງລາວ ກ່ຽວກັບການຫາຍໂຕໄປ ຂອງສາມີຂອງທ່ານນາງ ຢູ່ໃນລາຍການ
ສົນທະນາ ໃນຫົວຂໍ້ເລື້ອງ “ການລັກພາໂຕໃນປະເທດລາວ” ທີ່ທາງສະຖາບັນເພື່ອ
ການສຶກສານະໂຍບາຍ ຈັດຂຶ້ນ ຮ່ວມກັບ ສະຖາບັນການສຶກສາຍຸທະສາດ ແລະນາໆ
ຊາດ ຢູ່ນະຄອນຫຼວງວໍຊິງຕັນ ເມື່ອວັນອັງຄານວານນີ້ ຊຶ່ງມີເຈົ້າໜ້າທີ່ກະຊວງການ ຕ່າງປະເທດສະຫະລັດ ແລະແຂກເຂົ້າຮັບຟັງ ຫລາຍສິບຄົນ.
ທ່ານສົມບັດ ສົມພອນ ທີ່ຫາຍສາບສູນໄປ ໃນວັນທີ 15 ທັນວາ 2012
ຢູ່ນະຄອນຫຼວງວໍຊິງຕັນນີ້ ທ່ານນາງ Shui Meng ມີກຳນົດ
ຈະໄປພົບປະສົນທະນາ ກັບບັນດາສະມາຊິກ ລັດຖະສະພາ
ແລະບຸກຄົນສຳຄັນຫຼາຍໆທ່ານ ຂອງລັດຖະບານສະຫະລັດ
ເພື່ອປຸກລະດົມເອົາການຊ່ວຍເຫຼືອ ໃຫ້ໄດ້ຮັບຂ່າວຄາວແລະ
ໄດ້ຕົວຂອງສາມີ ຂອງທ່ານນາງກັບຄືນມາ.
ເຮົາຍັງຈະມີ ລາຍງານເພີ້ມຕື່ມ ກ່ຽວກັບການຢ້ຽມຢາມຂອງ
ທ່ານນາງ Shui Meng ມາສະເໜີທ່ານອີກ ໃນມື້ໜ້າ. ໂປດ
ຕິດຕາມຟັງ.
ຊົນ ແລະນັກເຄື່ອນໄຫວເພື່ອສິດທິພົນລະເມືອງລາວ ທີ່
ຫາຍສາບສູນໄປ ທ່ານນາງ Shui Meng Ng ເດີນທາງ
ມາສະຫະລັດ ເພື່ອຮ້ອງຂໍຄວາມເຫັນໃຈ ຈາກທາງການ
ສະຫະລັດ ໃຫ້ຊ່ວຍຊອກຫາ ຂ່າວຄາວຂອງສາມີຂອງ
ທ່ານນາງ ທີ່ຫາຍຕົວໄປ ເມື່ອເກືອບປີເຄິ່ງຜ່ານມາແລ້ວ
ຄືຕັ້ງແຕ່ກາງເດືອນທັນວາ ປີ 2012 ໂດຍທີ່ບໍ່ໄດ້ຮັບຂ່າວຄືບໜ້າຫຍັງເລີຍ
ຈາກທາງການລາວ.
ທ່ານນາງ Shui Meng ກ່າວກັບ ວີໂອເອ ວ່າ:
"ຈຸດປະສົງກໍແມ່ນຊອກຫາສົມບັດເນາະ. ຕອນຢູ່ວຽງຈັນ ກໍພະຍາຍາມສຸດຂີດ
ຮ້ອງຂໍລັດຖະບານແລະຂັ້ນເທິງ ສົ່ງຂ່າວແນ່ວ່າ ສົມບັດຢູ່ໃສ ສົມບັດຫາຍຕົວ
ແລ້ວ. ມື້ນີ້ ຄົບຮອບ 500 ວັນ ຮອດປັດຈຸບັນ ບໍ່ມີຂ່າວຫຍັງເລີຍ ບໍ່ຮູ້ເພິ່ນຢູ່ໃສ?
ບໍ່ຮູ້ວ່າຍັງຫລືບໍ່ຍັງ. ຂ້າພະເຈົ້າຢາກໄດ້ຂ່າວວ່າ ເພິ່ນຢູ່ໃສ ເພິ່ນຍັງຢູ່ບໍ? ກໍ
ເທົ່ານັ້ນ. ມາຫາສະຫະລັດນີ້ ກໍຢາກໃຫ້ສະຫະລັດເຂົ້າໃຈ ກໍລະນີສົມບັດຫາຍ
ຕົວ. ຮ້ອງຂໍລັດຖະບານສະຫະລັດ ຖ້າວ່າຊ່ວຍໄດ້ ກໍໃຫ້ຊ່ວຍພັກດັນໃຫ້ລາວ
ເນາະ ຊອກຫາສົມບັດ ໃຫ້ເພິ່ນກັບຄືນສູ່ຄອບຄົວ ດ້ວຍຄວາມປອດໄພ.”
ທ່ານນາງ Shui Meng ກ່າວເຊັ່ນນັ້ນ ໃນລະຫວ່າງໃຫ້ສຳພາດກັບນັກຂ່າວ ຫລັງຈາກ
ໄດ້ເລົ່າເລື້ອງລາວ ກ່ຽວກັບການຫາຍໂຕໄປ ຂອງສາມີຂອງທ່ານນາງ ຢູ່ໃນລາຍການ
ສົນທະນາ ໃນຫົວຂໍ້ເລື້ອງ “ການລັກພາໂຕໃນປະເທດລາວ” ທີ່ທາງສະຖາບັນເພື່ອ
ການສຶກສານະໂຍບາຍ ຈັດຂຶ້ນ ຮ່ວມກັບ ສະຖາບັນການສຶກສາຍຸທະສາດ ແລະນາໆ
ຊາດ ຢູ່ນະຄອນຫຼວງວໍຊິງຕັນ ເມື່ອວັນອັງຄານວານນີ້ ຊຶ່ງມີເຈົ້າໜ້າທີ່ກະຊວງການ ຕ່າງປະເທດສະຫະລັດ ແລະແຂກເຂົ້າຮັບຟັງ ຫລາຍສິບຄົນ.
ຢູ່ນະຄອນຫຼວງວໍຊິງຕັນນີ້ ທ່ານນາງ Shui Meng ມີກຳນົດ
ຈະໄປພົບປະສົນທະນາ ກັບບັນດາສະມາຊິກ ລັດຖະສະພາ
ແລະບຸກຄົນສຳຄັນຫຼາຍໆທ່ານ ຂອງລັດຖະບານສະຫະລັດ
ເພື່ອປຸກລະດົມເອົາການຊ່ວຍເຫຼືອ ໃຫ້ໄດ້ຮັບຂ່າວຄາວແລະ
ໄດ້ຕົວຂອງສາມີ ຂອງທ່ານນາງກັບຄືນມາ.
ເຮົາຍັງຈະມີ ລາຍງານເພີ້ມຕື່ມ ກ່ຽວກັບການຢ້ຽມຢາມຂອງ
ທ່ານນາງ Shui Meng ມາສະເໜີທ່ານອີກ ໃນມື້ໜ້າ. ໂປດ
ຕິດຕາມຟັງ.
