ລິ້ງ ສຳຫລັບເຂົ້າຫາ

ລາວໄດ້ອັນດັບ 5 ຂອງ ກິລາມະຫາວິທະຍາໄລ ອາຊ່ຽນ ຄັ້ງທີ 16


ສ່ວນນຶ່ງຂອງນັກກິລາລາວ ທີ່ໄດ້ຮັບຫລຽນຄໍາ ໃນການແຂ່ງຂັນ ກິລາມະຫາວິທະຍາໄລອາຊ່ຽນ ຄັ້ງທີ 16 ທີ່ ສປປ ລາວ ເປັນເຈົ້າພາບຈັດການແຂ່ງຂັນ ຢູ່ນະຄອນຫລວງວຽງຈັນ ໃນລະຫວ່າງວັນທີ 13-19 ທັນວາ 2012.
ຄະນະນັກກິລາທີມຊາດລາວຍາດໄດ້ຫຼຽນຄໍາເປັນອັນດັບທີ 5
ຂອງຕາຕະລາງ ໃນການແຂ່ງຂັນກິລາມະຫາວິທະຍາໄລອາຊ່ຽນ
ຄັ້ງທີ 16 ທີ່ລາວເປັນເຈົ້າພາບຈັດການແຂ່ງຂັນຢູ່ນະຄອນວຽງຈັນ.

ການແຂ່ງຂັນກິລາມະຫາວິທະຍາໄລອາຊ່ຽນຄັ້ງທີ 16 ທີ່ທາງການ
ລາວເປັນເຈົ້າພາບຈັດການແຂ່ງຂັນໃນລະຫວ່າງວັນທີ 13-19
ທັນວາທີ່ຜ່ານມາຢູ່ສະໜາມກິລາແຫ່ງຊາດໃນນະຄອນວຽງຈັນ
ໄດ້ສິ້ນສຸດລົງດ້ວຍການທີ່ຄະນະນັກກິລາທີມຊາດລາວສາມາດ
ຍາດເອົາຫຼຽນຄໍາມາເປັນອັບທີ່ 5 ຈາກທັງໝົດ 11 ປະເທດທີ່ ເຂົ້າຮ່ວມການແຂ່ງຂັນໃນຄັ້ງນີ້.

ຊຶ່ງກໍຄືໃນຂະນະທີ່ທີມຊາດລາວໄດ້ຕັ້ງເປົ້າໝາຍໄວ້ກ່ອນໜ້ານີ້
ວ່າ ຈະສາມາດໃຫ້ໄດ້ບໍ່ ໜ້ອຍກວ່າ 10 ຫຼຽນຄໍານັ້ນ ກັບປາກົດ
ວ່າ ທີມຊາດລາວສາມາດ ຍາດມາໄດ້ເຖິງ 32 ຫຼຽນ ຄໍາກັບ 35
ຫຼຽນເງິນ ແລະ 46 ຫຼຽນ ທອງແດງ ຫຼື ຄິດລວມກັນ ໄດ້ເຖິງ 113 ຫຼຽນລາງວັນ ໂດຍຫຼຽນ
ລາງວັນສ່ວນໃຫຍ່ ກໍໄດ້ມາຈາກກິລາປະເພດສິນ ລະປະການປ້ອງກັນຕົວ ຈາກການແຂ່ງ
ຂັນທັງໝົດ 17 ປະ ເພດກິລາ ຊຶ່ງກໍເຮັດໃຫ້ທາງ ການລາວມອງເຫັນວ່າ ເປັນພື້ນຖານທີ່ດີ
ສໍາລັບການພັດທະນາຄວາມສາມາດ ທາງດ້ານການກິລາຂອງທັງລາວ ແລະອາຊ່ຽນ ໃນ
ໄລຍະຕໍ່ໄປ ດັ່ງທີ່ທ່ານພັນຄໍາ ວິພາວັນ ລັດຖະມົນຕີກະຊວງສຶກສາທິການແລະກິລາ ໃນ
ຖານະປະທານຈັດການແຂ່ງຂັນໃນຄັ້ງນີ້ ໄດ້ຖະແຫຼງຢືນຢັນວ່າ:
ການແຂ່ງຂັນກິລາມະຫາວິທະຍາໄລອາຊ່ຽນຄັ້ງທີ 16
ການແຂ່ງຂັນກິລາມະຫາວິທະຍາໄລອາຊ່ຽນຄັ້ງທີ 16

ນັບຕັ້ງແຕ່ມື້ໄດ້ສ້າງຕັ້ງຈົນມາຮອດປັດຈຸບັນງານມະຫາກໍາ
ກິລາມະຫາວິທະຍາໄລອາຊ່ຽນໄດ້ກາຍເປັນບຸນມະໂຫລານ
ທີ່ຄຶກຄື້ນ ແລະມີຄວາມສໍາຄັນ ທັງຍັງເປັນການສ້າງຂະບວນ
ການສໍາລັບຊາວໜຸ່ມນັກສຶກສາເປັນການພັດທະນາບຸກຄະ
ລາກອນ ເພື່ອສືບທອດອະນາຄົດດ້ານການກິລາຂອງບັນດາ
ມະຫາວິທະຍາໄລໃນພາກພື້ນ ອາຊ່ຽນ.”


ສໍາລັບປະເທດທີ່ໄດ້ອັນດັບທີ 1 ນັ້ນກໍແມ່ນຄະນະນັກກິລາທີມ
ຊາດມາເລເຊຍ ທີ່ຍາດໄດ້ 60 ຫຼຽນຄໍາ 48 ຫຼຽນເງິນ ກັບ 72 ຫຼຽນທອງແດງ ຕິດຕາມ ດ້ວຍທີມຊາດຫວຽດນາມທີ່ຍາດໄດ້ 56 ຫຼຽນຄໍາ 35 ຫຼຽນເງິນກັບ
28 ຫຼຽນທອງແດງ ສ່ວນທີມຊາດໄທກໍຕາມມາໃນອັນດັບທີ່ 3 ໂດຍຍາດໄດ້ 45 ຫຼຽນຄໍາ 52 ຫຼຽນເງິນ ກັບ 56 ຫຼຽນທອງແດງ ແລະອັນດັບທີ 4 ກໍ ແມ່ນທີມຊາດອິນໂດເນເຊຍ ທີ່ຍາດ
ໄດ້ 41 ຫຼຽນຄໍາ 52 ຫຼຽນເງິນ ກັບ 61 ຫຼຽນທອງແດງ.

ສໍາລັບອັນດັບທີ່ 6 ກໍຄືຄະນະທີມຊາດສິງຄະໂປທີ່ຍາດໄດ້ 3 ຫຼຽນຄໍາ 6 ຫຼຽນເງິນ 23 ຫຼຽນ
ທອງແດງ ແລະກໍຕິດຕາມມາດ້ວຍທີມຊາດຟິລິບປິນທີ່ຍາດໄດ້ 2 ຫຼຽນຄໍາ 12 ຫຼຽນ ເງິນ 16 ຫຼຽນທອງແດງ ສ່ວນທີມຊາດມຽນມາທີ່ໄດ້ອັນດັບທີ່ 8 ນັ້ນ ກໍຍາດໄດ້ພຽງແຕ່ 1 ຫຼຽນ ຄໍາກັບ
2 ຫຼຽນທອງແດງເທົ່ານັ້ນ.

ສ່ວນອີກ 3 ປະເທດທີ່ເຫຼືອກໍຄືກໍາປູເຈຍ ບຣູໄນ ແລະຕິມໍຕາເວັນອອກນັ້ນ ກໍໄດ້ອັນດັບທີ່ 9, 10 ແລະ 11 ຕາມລໍາດັບ ຫາກແຕ່ວ່າທີມຊາດຂອງທັງ 3 ປະເທດດັ່ງກ່າວນີ້ ກໍບໍ່ສາມາດ
ຍາດໄດ້ຫຼຽນຄໍາຈາກການແຂ່ງຂັນກິລາມະຫາວິທະຍາໄລແຫ່ງອາຊ່ຽນຄັ້ງນີ້ ໄດ້ແຕ່ຢ່າງໃດ ໂດຍຍາດໄດ້ພຽງຫຼຽນເງິນ ແລະຫຼຽນທອງແດງເທົ່ານັ້ນ.

ການແຂ່ງຂັນກິລາມະຫາວິທະຍາໄລແຫ່ງອາຊ່ຽນໄດ້ຈັດຂຶ້ນເປັນຄັ້ງທໍາອິດໃນ ປີ 1981 ໂດຍທາງການລາວກໍໄດ້ສົ່ງຄະນະນັກກິລາເຂົ້າຮ່ວມແຂ່ງຂັນເປັນ ຄັ້ງທໍາອິດໃນປີ 1998 ຢູ່ທີ່ປະເທດຟິລິບປິນ ສ່ວນການແຂ່ງຂັນຄັ້ງຕໍ່ໄປຈະຈັດຂຶ້ນໃນປີ 2014 ຢູ່ປະເທດອິນໂດ
ເນເຊຍ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG