ທ່ານ ຈູມມະລີ ໄຊຍະສອນ
ປະທານປະເທດລາວ ໄດ້
ຖະແຫຼງຢືນຢັນໃນໂອກາດ
ການສະເຫຼີມສະຫຼອງສາຍ
ພົວພັນມິດຕະພາບແບບພິ
ເສດແລະການຮ່ວມມືຮອບ
ດ້ານລະຫວ່າງລາວກັບ
ຫວຽດນາມຄົບຮອບ 35 ປີ
ທີ່ໄດ້ຈັດຂຶ້ນຢ່າງເປັນທາງ
ການຢູ່ຫໍວັດທະນະທໍາແຫ່ງ
ຊາດໃນນະຄອນວຽງຈັນ
ເມື່ອວັນທີ່ 18 ເດືອນກໍລະ
ກົດນີ້ວ່າສາຍພົວພັນມິດ
ຕະພາບແບບພິເສດແລະການຮ່ວມມືຮອບດ້ານລະຫວ່າງລາວກັບຫວຽດນາມ ຈະໄດ້ຮັບ
ການເສີມສ້າງໃຫ້ແຂງແຮງຕໍ່ໄປຢ່າງບໍ່ຢຸດຍັ້ງ.
ຍິ່ງໄປກວ່ານັ້ນ ດ້ວຍການເສີມຂະຫຍາຍການຮ່ວມມືຮອບດ້ານພາຍໃຕ້ການນໍາພາຂອງ
ພັກປະຊາຊົນປະຕິວັດລາວແລະພັກຄອມມີວນີສຫວຽດນາມ ທີ່ມີເປົ້າໝາຍຈະນໍາພາປະ
ເທດຊາດໄປສູ່ສັງຄົມນິຍົມຢ່າງສົມບູນໃຫ້ໄດ້ຢ່າງແທ້ຈິງນັ້ນ ກໍນັບເປັນປັດໄຈສໍາຄັນທີ່
ຊ່ວຍຊຸກຍູ້ໃຫ້ສາຍພົວພັນແບບພິເສດ ແລະການຮ່ວມມືຮອບດ້ານລະຫວ່າງສອງປະເທດ
ຈະຍັງຄົງສືບຕໍໄປຢ່າງຍືນຍົງຕະຫຼອດໄປ ໂດຍສະເພາະແມ່ນສໍາລັບທາງການລາວແລ້ວ
ຖືວ່າເປົ້າໝາຍດັ່ງກ່າວນີ້ ຄືພາລະກິດສໍາຄັນທີ່ສຸດ ດັ່ງທີ່ທ່ານຈູມມະລີ ໄດ້ຖະແຫຼງຢືນຢັນ
ໃນການສະເຫຼີມສະຫຼອງຄັ້ງນີ້ວ່າ:
“ມິດຕະພາບອັນຍິງໃຫຍ່
ຄວາມສາມັກຄີພິເສດ
ແລະການຮ່ວມມືຮອບ
ດ້ານອັນເປັນມູນເຊື້ອ
ລະຫວ່າງພັກປະຊາຊົນ
ປະຕິວັດລາວກັບພັກ
ຄອມມີວນີສຫວຽດນາມ
ລະຫວ່າງ ສປປ ລາວ
ກັບ ສສ ຫວຽດນາມ
ລະຫວ່າງປະຊາຊົນລາວ
ປະຊາຊົນຫວຽດນາມ
ອ້າຍນ້ອງໝັ້ນຍືນ”
ສາຍພົວພັນຮ່ວມມືແບບພິເສດດັ່ງກ່າວນີ້ ບໍ່ພຽງແຕ່ຈະເຮັດໃຫ້ລາວກັບຫວຽດນາມມີເປົ້າ
ໝາຍທາງການເມືອງຄືກັນເທົ່ານັ້ນ. ຫາກແຕ່ຍັງຖືເປັນເງື່ອນໄຂສໍາຄັນທີ່ເຮັດໃຫ້ຫວຽດ
ນາມກາຍເປັນກຸ່ມລົງທຶນ ລາຍໃຫຍ່ທີ່ສຸດໃນລາວອີກດ້ວຍ ໂດຍກະຊວງແຜນການແລະ
ການລົງທຶນຂອງລາວໄດ້ສະເໜີລາຍງານວ່ານັບແຕປີ 1993 ເປັນຕົ້ນມາ ຈົນເຖິງປັດຈຸ
ບັນນີ້ ມີບໍລິສັດຂອງຫວຽດນາມເຂົ້າມາລົງທຶນຢູ່ໃນລາວ 432 ໂຄງການ ຄິດເປັນມູນຄ່າ
ການລົງທຶນລວມຫຼາຍກວ່າ 5,100 ລ້ານໂດລາ.
ການລົງທຶນຂອງບັນດາບໍລິ
ສັດຈາກຫວຽດນາມໃນລາວ
ດັ່ງກ່າວນີ້ ໄດ້ເນັ້ນການບໍລິ
ການໜັກທັງໃນດ້ານການ
ຂຸດຄົ້ນບໍ່ແຮ່ ດ້ານພະລັງງານ
ໄຟຟ້າ ດ້ານການບໍລິການ
ແລະດ້ານກະສິກໍາ-ປ່າໄມ້
ໂດຍສະເພາະແມ່ນໃນດ້ານ
ພະລັງງານໄຟຟ້າ ກໍປາກົດ
ວ່າບໍລິສັດຫວຽດນາມ 7
ລາຍ ທີ່ໄດ້ລົງທຶນກໍ່ສ້າງ
ເຂື່ອນ 15 ໂຄງການ ຢູ່ໃນລາວດ້ວຍເປົ້າໝາຍທີ່ຈະສົ່ງກະແສໄຟຟ້າທີ່ຜະລິດໄດ້ກັບ
ໄປຫວຽດນາມບໍ່ໜ້ອຍກວ່າ 3,357 ເມກາວັດ ນັບຈາກທ້າຍປີ 2015 ເປັນຕົ້ນໄປ.
ການລົງທຶນຂອງຫວຽດນາມໃນການກໍ່ສ້າງເຂື່ອນໃນລາວດັ່ງກາວນີ້ ຖືເປັນສ່ວນນຶ່ງຂອງ
ການລົງທຶນທີ່ເພີ່ມຂຶ້ນນັບມື້ ຊຶ່ງກໍປາກົດວ່າຫວຽດນາມມີມູນຄ່າລົງທຶນສະສົມໃນລາວ
ແຊງໜ້າຈີນ ແລະໄທຂື້ນມາເປັນອັນດັບ 1 ແລ້ວ ໃນປັດຈຸບັນນີ້.
ສໍາລັບເຂດທີ່ພາກທຸລະກິດຂອງຫວຽດນາມໄດ້ລົງທຶນຫຼາຍທີ່ສຸດໃນລາວນັ້ນ ກໍຄື
ເຂດນະຄອນວຽງຈັນ ຊຶ່ງຄິດເປັນ 52% ຂອງມູນຄ່າການລົງທຶນຂອງຫວຽດນາມ
ໃນລາວ ສ່ວນທີ່ເຂດແຂວງຊາຍແດນ ທີ່ພາກທຸລະກິດຂອງຫວຽດນາມໄດ້ເຂົ້າມາ
ລົງທຶນຫຼາຍທີ່ສຸດກໍແມ່ນແຂວງເຊກອງ ຕິດຕາມດ້ວຍແຂວງຈໍາປາສັກ ແລະອັດຕະ
ປື ຕາມລໍາດັບ.
ນອກຈາກນີ້ ການທີ່ທັງສອງປະເທດໄດ້ເປີດກວ້າງການຮ່ວມມືທາງເສດຖະກິດລະ
ຫວ່າງກັນນັບແຕ່ປີ 1993 ແລະໄດ້ຕົກລົງໃນສັນຍາວ່າດ້ວຍການສົ່ງເສີມ ແລະປົກ
ປ້ອງການລົງທຶນລະຫວ່າງກັນນັບຕັ້ງແຕ່ປີ 1996 ເປັນຕົ້ນມາ.
ໃນປັດຈຸບັນ ທາງການທັງສອງຝ່າຍກໍກໍາລັງຮ່ວມກັນປັບປຸງສັນຍາວ່າດ້ວຍການສົ່ງ
ເສີມ ແລະການປົກປ້ອງການລົງທຶນດັ່ງກ່າວໃຫ້ທັນສະໄໝອີກດ້ວຍແລ້ວ ກໍຍິ່ງເຮັດ
ໃຫ້ຫວຽດນາມເຂົ້າມາລົງທຶນໃນລາວເພີ່ມຂຶ້ນຢ່າງຕັ້ງໜ້າອີກດ້ວຍ.
ແຕ່ຢ່າງໃດກໍຕາມ ກໍລະນີທີ່ຖືວ່າເປັນຜົນປະໂຍດທີ່ຂັດແຍ້ງກັນລະຫວ່າງລາວກັບ
ຫວຽດນາມທີ່ເກີດຂຶ້ນໃນເວລານີ້ ກໍຄືການທີ່ທາງການຫວຽດນາມໄດ້ສະແດງການ
ຄັດຄ້ານຕໍ່ໂຄງການເຂື່ອນໄຊຍະບູລີຂອງລາວ ເນື່ອງຈາກຢ້ານວ່າຈະສົ່ງຜົນກະທົບ
ຕໍ່ການກະເສດໃນເຂດສາມຫຼ່ຽມປາກແມ່ນໍ້າຂອງໃນພາກໃຕ້ຂອງຫວຽດນາມ. ໃນ
ຂະນະທີ່ທາງການລາວກໍຖືວ່າ ໂຄງການເຂື່ອນໄຊຍະບູລີ ເປັນສ່ວນນຶ່ງໃນແຜນ
ການພັດທະນາລາວໃຫ້ເປັນໝໍ້ໄຟຂອງເອເຊຍນັ້ນເອງ.