ນາຍົກລັດຖະມົນຕີລາວ ຍອມຮັບວ່າ ການເກັບກູ້ລະເບີດບໍ່ທັນ
ແຕກ (UXO) ໃຫ້ໝົດໄປຈາກດິນລາວ ຕ້ອງໃຊ້ເວລາຍາວນານ
ກວ່າ 1 ສັດຕະວັດ ຖ້າຫາກວ່າການຊ່ວຍເຫຼືອຈາກຕ່າງປະເທດ
ຍັງຕໍ່າ ຄືໃນປັດຈຸບັນນີ້.
ທ່ານທອງສິງ ທໍາມະວົງ ນາຍົກລັດຖະມົນຕີລາວ ໄດ້ຖະແຫຼງ
ຍອມຮັບວ່າ ບັນຫານຶ່ງທີ່ ເປັນອຸບປະສັກ ຕໍ່ການພັດທະນາເພື່ອລົບລ້າງບັນຫາຄວາມຍາກຈົນຂອງປະຊາຊົນລາວບັນດາເຜົ່າ ແລະການນໍາພາປະເທດລາວໃຫ້ຫຼຸດພົ້ນຈາກສະພາບດ້ອຍພັດທະນາ ໃຫ້ໄດ້ຢ່າງແທ້ຈິງພາຍ ໃນປີ 2020 ນັ້ນ ກໍແມ່ນການທີ່ດິນລາວຍັງມີລະເບີດບໍ່ທັນແຕກ ຫຼື UXO ຕົກຄ້າງຢູ່ຢ່າງຫຼວງຫຼາຍ.
ຍິ່ງໄປກວ່ານັ້ນ ຖ້າຫາກພິຈາລະນາຈາກລະດັບຄວາມອາດສາມາດ ໃນການເກັບກູ້ລະ ເບີດ UXO ທີ່ເປັນຈິງໃນລາວ ຊຶ່ງກໍເປັນຜົນຕໍ່ເນື່ອງມາຈາກການທີ່ລັດຖະບານລາວຍັງ ໄດ້ຮັບການຊ່ວຍເຫຼືອ ດ້ານງົບປະມານຈາກຕ່າງປະເທດຢ່າງຈໍາກັດ ແລະບໍ່ພຽງພໍກັບ ຄວາມຕ້ອງການທີ່ເປັນຈິງນັ້ນ ຈຶ່ງເຮັດໃຫ້ສາມາດຈະຄາດໝາຍໄດ້ວ່າການເກັບກູ້ລະ ເບີດ UXO ໃຫ້ໝົດໄປຈາກດິນລາວໄດ້ນັ້ນ ຈະຕ້ອງໃຊ້ເວລາອີກຍາວນານກວ່າຮ້ອຍ ປີ ຢ່າງແນ່ນອນ ດັ່ງທີ່ທ່ານ ທອງສິງ ໄດ້ໃຫ້ການຢືນຢັນວ່າ:
“ການຫຼຸດຜ່ອນຜົນກະທົບຈາກລະເບີດບໍ່ທັນແຕກ ຖ້າວ່າເຮົາມາໄລ່ໃສ່ສະພາບ
ປັດຈຸບັນນີ້ໃນເນື້ອທີ່ຂອງປະເທດລາວນີ້ ທີ່ຖືກລະເບີດ ແລະລະເບີດກໍຍັງຝັງດິນ
ຢູ່ໃນເນື້ອທີ່ດຽວນີ້ຍັງຫຼາຍ ຄັນແຕ່ວ່າແກ້ໃນຈັງຫວະຄືສູ່ມື້ນີ້ ເປັນຮ້ອຍປີຮ້ອຍຫ້າ
ສິບປີ ກະຍັງບໍ່ທັນແລ້ວ ເວັ້ນແຕ່ວ່າຕ່າງປະເທດສຸມໃສ່ຊ່ວຍເຫຼືອພວກເຮົາໃຫ້ມີ
ທຶນຮອນຢ່າງພຽງພໍ.”
ທາງດ້ານທ່ານບຸນເຮືອງ ດວງພະຈັນ ປະທານຄະນະກໍາມະການຄຸ້ມຄອງແຫ່ງຊາດເພື່ອການແກ້ໄຂ ບັນຫາລະເບີດບໍ່ທັນແຕກທີ່ຕົກຄ້າງຢູ່ໃນລາວ ກໍຖະແຫຼງຍອມຮັບວ່າ
ການເກັບກູ້ລະເບີດ UXO ໃນຊ່ວງທີ່ຜ່ານມາ ຂອງແຜນການປະຕິບັດງານໃນຊ່ວງປີ 2011-2015 ຍັງບໍ່ສາມາດປະຕິບັດໄດ້ຕາມເປົ້າໝາຍທີ່ວາງເອົາໄວ້ ເຖິງ 70% ຂອງ
ແຜນການທັງໝົດ.
ກໍຄືໃນຂະນະທີ່ແຜນການ 5 ປີ ໄດ້ວາງເປົ້າໝາຍ ຈະເກັບກູ້ລະເບີດ UXO ໃຫ້ໄດ້ໃນ
ພື້ນທີ່ລວມບໍ່ໜ້ອຍກວ່າ 1 ແສນເຮັກຕ້າ ຫາກແຕ່ການປະຕິບັດຕົວຈິງໃນໄລຍະທີ່ຜ່ານ
ມາຈົນເຖິງ ປັດຈຸບັນ ກັບສາມາດເກັບກູ້ໄດ້ໃນພື້ນທີ່ລວມພຽງແຕ່ 30,000 ເຮັກຕ້າ ຫຼືຄິດເປັນ 30% ຂອງແຜນການທີ່ວາງໄວ້ເທົ່ານັ້ນ ດ້ວຍເຫດນີ້ຈຶ່ງເຮັດໃຫ້ເປັນການຍາກ
ທີ່ຈະສາມາດບັນລຸຕາມ ເປົ້າໝາຍທີ່ວາງໄວ້ເມື່ອເຖິງປີ 2015 ດັ່ງກ່າວ.
Switzerland ມອບເງິນຊ່ວຍເຫຼືອເກັບກູ້ລະເບີດ UXO ແກ່ລາວ
ທາງການລາວໄດ້ໃຫ້ການອະທິບາຍວ່າ ສາເຫດສໍາຄັນທີ່ເຮັດ
ໃຫ້ການເກັບກູ້ລະເບີດ UXO ບໍ່ສາມາດ ທີ່ຈະບັນລຸເປົ້າໝາຍ
ທີ່ວາງໄວ້ດັ່ງກ່າວ ກໍຄືຂໍ້ຈໍາກັດທາງດ້ານງົບປະມານ ທັງນີ້ໂດຍ
ເຖິງແມ່ນວ່າ ທາງການລາວຈະໄດ້ຮັບການຊ່ວຍເຫຼືອຈາກຕ່າງ
ປະເທດເຖິງ 30 ລ້ານໂດລ່າ ໃນປີ 2012 ທີ່ຜ່ານມາກໍຕາມ
ຫາກແຕ່ວ່າ 40% ຂອງເງິນຊ່ວຍເຫຼືອດັງກ່າວ ກໍຕ້ອງໃຊ້ຈ່າຍ
ເປັນເງິນເດືອນຂອງພະນັກງງານແລະການບໍລິການ ຊຶ່ງກໍໝາຍ
ຄວາມວ່າ ຈະມີເງິນຊ່ວຍເຫຼືອພຽງ 60% ເທົ່ານັ້ນ ສໍາລັບນໍາໃຊ້
ໃນການເກັບກູ້ລະເບີດໂດຍກົງ.
ແຕ່ຢາງໃດກໍຕາມ ຄະນະກໍາມະການຄຸ້ມຄອງແຫ່ງຊາດເພື່ອການແກ້ໄຂບັນຫາລະເບີດບໍ່ທັນແຕກຕົກຄ້າງຢູ່ໃນລາວ ກໍໄດ້ຕັ້ງຄວາມຫວັງໄວ້ວ່າ ຕ່າງປະເທດຈະໃຫ້ການຊ່ວຍ
ເຫຼືອແກ່ທາງການລາວຫຼາຍຂຶ້ນ ຊຶ່ງຈະເຮັດໃຫ້ ການເກັບກູ້ລະເບີດ UXO ໃນລາວ ມີ
ປະສິດທິພາບສູງຂຶ້ນກວ່າທີ່ເປັນຢູ່ໃນທຸກມື້ນີ້ ໂດຍໃນລະຍະ 16 ປີທີ່ຜ່ານມາທາງການລາວ ໄດ້ທໍາລາຍລະເບີດ UXO ໄປແລ້ວ 5 ລ້ານກວ່າໜ່ວຍ ແຕ່ກໍຍັງມີລະເບີດ UXO ຕົກຄ້າງຢູ່ໃນດິນລາວ ອີກຫຼາຍກວ່າ 70 ລ້ານໜ່ວຍ ທີ່ຈະຕ້ອງເກັບກູ້ຕໍ່ໄປ.
ດ້ວຍເຫດນີ້ ຈຶ່ງເຮັດໃຫ້ທາງການລາວຕ້ອງການທີ່ຈະໄດ້ຮັບການຊ່ວຍເຫຼືອຈາກຕ່າງ
ປະເທດໃນມູນຄ່າສະເລ່ຍບໍ່ໜ້ອຍກວ່າ 30 ລ້ານໂດລ່າ ໃນແຕ່ລະປີ ແຕ່ໃນໄລຍະ 5 ປີ ທີ່ຜ່ານມານີ້ ກໍປາກົດວ່າທາງການລາວໄດ້ຮັບການຊ່ວຍເຫຼືອ ຈາກຕ່າງປະເທດໂດຍ
ສະເລ່ຍພຽງ 19 ລ້ານ ໂດລ່າໃນແຕ່ລະປີເທົ່ານັ້ນ.
ສ່ວນທາງການສະຫະລັດອາເມຣິການັ້ນ ກໍໄດ້ໃຫ້ການຊ່ວຍເຫຼືອໃນການເກັບກູ້ລະເບີດ
UXO ທີ່ຕົກຄ້າງຢູ່ໃນລາວໄປແລ້ວ ຫຼາຍກວ່າ 30 ລ້ານໜ່ວຍນັບຕັ້ງແຕ່ປີ 1996 ເປັນຕົ້ນມາ ໂດຍສະເພາະແມ່ນປີ 2012 ກໍເປັນປີທໍາອິດທີ່ລັດຖະສະພາສະຫະລັດ ໄດ້ເພີ່ມ
ການຊ່ວຍເຫຼືອຂຶ້ນເປັນບໍ່ໜ້ອຍກວ່າ 9 ລ້ານໂດລ່າ ຕໍ່ປີ ສໍາລັບໃຫ້ການຊ່ວຍເຫຼືອໃນ
ການເກັບກູ້ລະເບີດ UXO ໃນລາວ ເປັນການສະເພາະ.
ແຕກ (UXO) ໃຫ້ໝົດໄປຈາກດິນລາວ ຕ້ອງໃຊ້ເວລາຍາວນານ
ກວ່າ 1 ສັດຕະວັດ ຖ້າຫາກວ່າການຊ່ວຍເຫຼືອຈາກຕ່າງປະເທດ
ຍັງຕໍ່າ ຄືໃນປັດຈຸບັນນີ້.
ທ່ານທອງສິງ ທໍາມະວົງ ນາຍົກລັດຖະມົນຕີລາວ ໄດ້ຖະແຫຼງ
ຍອມຮັບວ່າ ບັນຫານຶ່ງທີ່ ເປັນອຸບປະສັກ ຕໍ່ການພັດທະນາເພື່ອລົບລ້າງບັນຫາຄວາມຍາກຈົນຂອງປະຊາຊົນລາວບັນດາເຜົ່າ ແລະການນໍາພາປະເທດລາວໃຫ້ຫຼຸດພົ້ນຈາກສະພາບດ້ອຍພັດທະນາ ໃຫ້ໄດ້ຢ່າງແທ້ຈິງພາຍ ໃນປີ 2020 ນັ້ນ ກໍແມ່ນການທີ່ດິນລາວຍັງມີລະເບີດບໍ່ທັນແຕກ ຫຼື UXO ຕົກຄ້າງຢູ່ຢ່າງຫຼວງຫຼາຍ.
ຍິ່ງໄປກວ່ານັ້ນ ຖ້າຫາກພິຈາລະນາຈາກລະດັບຄວາມອາດສາມາດ ໃນການເກັບກູ້ລະ ເບີດ UXO ທີ່ເປັນຈິງໃນລາວ ຊຶ່ງກໍເປັນຜົນຕໍ່ເນື່ອງມາຈາກການທີ່ລັດຖະບານລາວຍັງ ໄດ້ຮັບການຊ່ວຍເຫຼືອ ດ້ານງົບປະມານຈາກຕ່າງປະເທດຢ່າງຈໍາກັດ ແລະບໍ່ພຽງພໍກັບ ຄວາມຕ້ອງການທີ່ເປັນຈິງນັ້ນ ຈຶ່ງເຮັດໃຫ້ສາມາດຈະຄາດໝາຍໄດ້ວ່າການເກັບກູ້ລະ ເບີດ UXO ໃຫ້ໝົດໄປຈາກດິນລາວໄດ້ນັ້ນ ຈະຕ້ອງໃຊ້ເວລາອີກຍາວນານກວ່າຮ້ອຍ ປີ ຢ່າງແນ່ນອນ ດັ່ງທີ່ທ່ານ ທອງສິງ ໄດ້ໃຫ້ການຢືນຢັນວ່າ:
“ການຫຼຸດຜ່ອນຜົນກະທົບຈາກລະເບີດບໍ່ທັນແຕກ ຖ້າວ່າເຮົາມາໄລ່ໃສ່ສະພາບ
ປັດຈຸບັນນີ້ໃນເນື້ອທີ່ຂອງປະເທດລາວນີ້ ທີ່ຖືກລະເບີດ ແລະລະເບີດກໍຍັງຝັງດິນ
ຢູ່ໃນເນື້ອທີ່ດຽວນີ້ຍັງຫຼາຍ ຄັນແຕ່ວ່າແກ້ໃນຈັງຫວະຄືສູ່ມື້ນີ້ ເປັນຮ້ອຍປີຮ້ອຍຫ້າ
ສິບປີ ກະຍັງບໍ່ທັນແລ້ວ ເວັ້ນແຕ່ວ່າຕ່າງປະເທດສຸມໃສ່ຊ່ວຍເຫຼືອພວກເຮົາໃຫ້ມີ
ທຶນຮອນຢ່າງພຽງພໍ.”
ທາງດ້ານທ່ານບຸນເຮືອງ ດວງພະຈັນ ປະທານຄະນະກໍາມະການຄຸ້ມຄອງແຫ່ງຊາດເພື່ອການແກ້ໄຂ ບັນຫາລະເບີດບໍ່ທັນແຕກທີ່ຕົກຄ້າງຢູ່ໃນລາວ ກໍຖະແຫຼງຍອມຮັບວ່າ
ການເກັບກູ້ລະເບີດ UXO ໃນຊ່ວງທີ່ຜ່ານມາ ຂອງແຜນການປະຕິບັດງານໃນຊ່ວງປີ 2011-2015 ຍັງບໍ່ສາມາດປະຕິບັດໄດ້ຕາມເປົ້າໝາຍທີ່ວາງເອົາໄວ້ ເຖິງ 70% ຂອງ
ແຜນການທັງໝົດ.
ກໍຄືໃນຂະນະທີ່ແຜນການ 5 ປີ ໄດ້ວາງເປົ້າໝາຍ ຈະເກັບກູ້ລະເບີດ UXO ໃຫ້ໄດ້ໃນ
ພື້ນທີ່ລວມບໍ່ໜ້ອຍກວ່າ 1 ແສນເຮັກຕ້າ ຫາກແຕ່ການປະຕິບັດຕົວຈິງໃນໄລຍະທີ່ຜ່ານ
ມາຈົນເຖິງ ປັດຈຸບັນ ກັບສາມາດເກັບກູ້ໄດ້ໃນພື້ນທີ່ລວມພຽງແຕ່ 30,000 ເຮັກຕ້າ ຫຼືຄິດເປັນ 30% ຂອງແຜນການທີ່ວາງໄວ້ເທົ່ານັ້ນ ດ້ວຍເຫດນີ້ຈຶ່ງເຮັດໃຫ້ເປັນການຍາກ
ທີ່ຈະສາມາດບັນລຸຕາມ ເປົ້າໝາຍທີ່ວາງໄວ້ເມື່ອເຖິງປີ 2015 ດັ່ງກ່າວ.
ທາງການລາວໄດ້ໃຫ້ການອະທິບາຍວ່າ ສາເຫດສໍາຄັນທີ່ເຮັດ
ໃຫ້ການເກັບກູ້ລະເບີດ UXO ບໍ່ສາມາດ ທີ່ຈະບັນລຸເປົ້າໝາຍ
ທີ່ວາງໄວ້ດັ່ງກ່າວ ກໍຄືຂໍ້ຈໍາກັດທາງດ້ານງົບປະມານ ທັງນີ້ໂດຍ
ເຖິງແມ່ນວ່າ ທາງການລາວຈະໄດ້ຮັບການຊ່ວຍເຫຼືອຈາກຕ່າງ
ປະເທດເຖິງ 30 ລ້ານໂດລ່າ ໃນປີ 2012 ທີ່ຜ່ານມາກໍຕາມ
ຫາກແຕ່ວ່າ 40% ຂອງເງິນຊ່ວຍເຫຼືອດັງກ່າວ ກໍຕ້ອງໃຊ້ຈ່າຍ
ເປັນເງິນເດືອນຂອງພະນັກງງານແລະການບໍລິການ ຊຶ່ງກໍໝາຍ
ຄວາມວ່າ ຈະມີເງິນຊ່ວຍເຫຼືອພຽງ 60% ເທົ່ານັ້ນ ສໍາລັບນໍາໃຊ້
ໃນການເກັບກູ້ລະເບີດໂດຍກົງ.
ແຕ່ຢາງໃດກໍຕາມ ຄະນະກໍາມະການຄຸ້ມຄອງແຫ່ງຊາດເພື່ອການແກ້ໄຂບັນຫາລະເບີດບໍ່ທັນແຕກຕົກຄ້າງຢູ່ໃນລາວ ກໍໄດ້ຕັ້ງຄວາມຫວັງໄວ້ວ່າ ຕ່າງປະເທດຈະໃຫ້ການຊ່ວຍ
ເຫຼືອແກ່ທາງການລາວຫຼາຍຂຶ້ນ ຊຶ່ງຈະເຮັດໃຫ້ ການເກັບກູ້ລະເບີດ UXO ໃນລາວ ມີ
ປະສິດທິພາບສູງຂຶ້ນກວ່າທີ່ເປັນຢູ່ໃນທຸກມື້ນີ້ ໂດຍໃນລະຍະ 16 ປີທີ່ຜ່ານມາທາງການລາວ ໄດ້ທໍາລາຍລະເບີດ UXO ໄປແລ້ວ 5 ລ້ານກວ່າໜ່ວຍ ແຕ່ກໍຍັງມີລະເບີດ UXO ຕົກຄ້າງຢູ່ໃນດິນລາວ ອີກຫຼາຍກວ່າ 70 ລ້ານໜ່ວຍ ທີ່ຈະຕ້ອງເກັບກູ້ຕໍ່ໄປ.
ດ້ວຍເຫດນີ້ ຈຶ່ງເຮັດໃຫ້ທາງການລາວຕ້ອງການທີ່ຈະໄດ້ຮັບການຊ່ວຍເຫຼືອຈາກຕ່າງ
ປະເທດໃນມູນຄ່າສະເລ່ຍບໍ່ໜ້ອຍກວ່າ 30 ລ້ານໂດລ່າ ໃນແຕ່ລະປີ ແຕ່ໃນໄລຍະ 5 ປີ ທີ່ຜ່ານມານີ້ ກໍປາກົດວ່າທາງການລາວໄດ້ຮັບການຊ່ວຍເຫຼືອ ຈາກຕ່າງປະເທດໂດຍ
ສະເລ່ຍພຽງ 19 ລ້ານ ໂດລ່າໃນແຕ່ລະປີເທົ່ານັ້ນ.
ສ່ວນທາງການສະຫະລັດອາເມຣິການັ້ນ ກໍໄດ້ໃຫ້ການຊ່ວຍເຫຼືອໃນການເກັບກູ້ລະເບີດ
UXO ທີ່ຕົກຄ້າງຢູ່ໃນລາວໄປແລ້ວ ຫຼາຍກວ່າ 30 ລ້ານໜ່ວຍນັບຕັ້ງແຕ່ປີ 1996 ເປັນຕົ້ນມາ ໂດຍສະເພາະແມ່ນປີ 2012 ກໍເປັນປີທໍາອິດທີ່ລັດຖະສະພາສະຫະລັດ ໄດ້ເພີ່ມ
ການຊ່ວຍເຫຼືອຂຶ້ນເປັນບໍ່ໜ້ອຍກວ່າ 9 ລ້ານໂດລ່າ ຕໍ່ປີ ສໍາລັບໃຫ້ການຊ່ວຍເຫຼືອໃນ
ການເກັບກູ້ລະເບີດ UXO ໃນລາວ ເປັນການສະເພາະ.
