ທ່ານ ສິງເພັດ ແກ້ວໂສພາ ຫົວໜ້າແຜນການອຸດສາຫະກໍາ ແລະການຄ້າແຂວງຄໍາມ່ວນ ໄດ້ໃຫ້ການຄາດໝາຍວ່າພາຍຫຼັງຈາກທີ່ໄດ້ມີການເປິດນໍາໃຊ້ຂົວມິດຕະພາບແຫ່ງທີ່ 3
ທີ່ເຊື່ອມຕໍ່ ລະຫວ່າງເມືອງທ່າແຂກ ແຂວງຄໍາມ່ວນ ກັບຈັງຫວັດນະຄອນພະນົມຂອງໄທ ຢ່າງເປັນທາງການນັບຈາກວັນທີ່ 12 ພະຈິກ 2011 ເປັນຕົ້ນມານັ້ນ ນອກຈາກຈະມີສ່ວນ ຢ່າງສໍາຄັນຕໍ່ການເສີມຂະຫຍາຍຄວາມຮ່ວມມືທາງເສດຖະກິດລະຫວ່າງລາວກັບໄທ ແລະ ຫວຽດນາມໃຫ້ຫຼາຍຂຶ້ນແລ້ວ ກໍຍັງຈະຊ່ວຍຊຸກຍູ້ການຜະລິດສິນຄ້າໃນແຂວງຄໍາມ່ວນ ເພື່ອ
ສົ່ງອອກໄປຕ່າງປະເທດໄດ້ເພີ່ມຂຶ້ນໃນອັດຕາສະເລ່ຍທີ່ສູງກວ່າ 30% ໃນແຕ່ລະປີອີກດ້ວຍ.
ສໍາລັບໃນຊ່ວງປິ 2011 ນີ້ ການສົ່ງອອກສິນຄ້າໄປຕ່າງປະເທດຂອງແຂວງ ຄໍາມ່ວນ ຈະ
ມີມູນຄ່າລວມເກີນກວ່າ 1,040 ຕຶ້ກີບ ຫຼື ປະມານ 130 ກວ່າລ້ານໂດລາ ເພາະສະນັ້ນ ຖ້າຫາກວ່າການຄາດໝາຍດັ່ງກ່າວນີ້ເປັນຈິງ ກໍຍ່ອມຈະເຮັດໃຫ້ການສົ່ງອອກສີນຄ້າໄປ
ຕ່າງປະເທດຂອງແຂວງ ຄໍາມ່ວນ ໃນຕະຫຼອດປີ 2012 ນັ້ນມີມູນຄ່າລວມເກິນກວ່າ170
ລ້ານໂດລາ ນັ້ນເອງ ດັ່ງທີ່ທ່ານ ສິງເພັດ ໄດ້ສະແດງຄວາມເຊື່ອໝັ້ນວ່າ:
“ພວກເຮົານີ້ໄດ້ຄາດຄະເນວ່າ
ໃນສົກປີ 2011-2015 ນີ້ຖື
ວ່າໃນສະເພາະຂະແໜງ
ການຈາລະຈອນສິນຄ້າ
ການຊື້ຂາຍ, ການເຂົ້າ
ອອກຄິດວ່າຈະໄດ້ຕາມ
ແຜນ ແລະຢູ່ໃນເຂດການ
ນໍາໃຊ້ຂົວມິດຕະພາບນີ້
ພວກເຮົາກໍມີເຂດສະເພາະ
ທີ່ເອີ້ນວ່າ ເຂດເສດຖະກິດ
ພີເສດປັດຈຸບັນນີ້ ບັນດາ
ບໍລິສັດທີ່ລົງທຶນພາຍໃນ
ແລະຕ່າງປະເທດກໍກໍາລັງລິເລີ່ມບຸກເບີກໜ້າດິນ ແລ້ວກະປຸກສ້າງຮອງຮັບໃນ
ການຜະລິດປຸງແຕ່ງ ໃນອຸດສາຫະກໍາແບບສະອາດເພື່ອສົ່ງອອກໃນອະນາຄົດ.”
ກ່ອນໜ້ານີ້ທ່ານ ພູເມືອງ ແກ້ວຈັນທາລາ, ຫົວໜ້າດ່ານພາສີຂົວມິດຕະພາບແຫ່ງທີ 3 ລະ
ຫວ່າງລາວກັບໄທ ກໍໄດ້ສະແດງຄວາມເຊື່ອໝັ້ນວ່າ ການນໍາໃຊ້ຂົວມິດຕະພາບແຫ່ງທີ່ 3 ນີ້ ບໍ່ພຽງແຕ່ດ້ານການຄ້າ ແລະການຂົນສົ່ງສິນຄ້າລະຫວ່າງລາວ-ໄທ ແລະຫວຽດນາມເທົ່າ
ນັ້ນຈະຂະຫຍາຍໂຕ ແຕ່ຍັງຈະເຮັດໃຫ້ການຄ້າ ແລະການຂົນສົ່ງສິນຄ້າ ຂະຫຍາຍໄປເຖິງ ຊາຍແດນຈີນໂດຍຜ່ານຫວຽດນາມໄດ້ອີກດ້ວຍ.
ພ້ອມກັນນີ້ ການທີ່ແຂວງຄໍາ
ມ່ວນ ກໍມີສະຖານະເປັນເຂດ
ສູນກາງຂອງການເຊື່ອມຕໍ່ດ້ານ
ຄົມມະນາຄົມຂົນສົ່ງລະຫວ່າງ
ລາວ-ໄທ-ຫວຽດນາມ ໂດຍມີ
ຖະໜົນເລກ 12 ເປັນເສັ້ນທາງ
ໃນການເຊື່ອມຕໍ່ນັ້ນ ກໍຍັງຈະ
ສົ່ງຜົນດີຕໍ່ການທ່ອງທ່ຽວໃນ
ແຂວງຄໍາມ່ວນອີກດ້ວຍເຊັ່ນກັນ
ໂດຍແຜນທ່ອງທ່ຽວແຂວງຄໍາ
ມ່ວນຄາດໝາຍວ່າ ໃນປີ 2012
ຈະມີນັກທ່ອງທ່ຽວຕ່າງຊາດ
ເດີນທາງເຂົ້າໄປໃນແຂວງເພີ່ມ
ຂຶ້ນເຖິງ 3 ເທົ່າເມື່ອທຽບກັບປີ
2011 ຊຶ່ງຖ້າຫາກວ່າຄາດໝາຍ
ດັ່ງກ່າວເປັນຈິງ ກໍໝາຍຄວາມ
ວ່າ ຈະມີນັກທ່ອງທ່ຽວຊາວ
ຕ່າງຊາດເຖິງ 9 ແສນກ່ວາຄົນ
ທີ່ຈະເດີນທາງເຂົ້າໄປແຂວງ
ຄໍາມ່ວນໃນຕະຫຼອດປີ 2012.
ທາງດ້ານທ່ານ ຄໍາໃບ ດໍາລັດ, ເຈົ້າແຂວງ ແລະ ເລຂາພັກແຂວງຄໍາມ່ວນ ໄດ້ສະແດງ
ຄວາມເຊື່ອໝັ້ນວ່າ ການນຳໃຊ້ຂົວມິດຕະພາບແຫ່ງທີ່ 3 ຈະເຮັດໃຫ້ເສດຖະກິດຂອງ
ແຂວງຄໍາມ່ວນຂະຫຍາຍຕົວຂຶ້ນເຖິງ 15% ໃນແຕ່ລະປີ ແລະການທີ່ຄະນະລັດຖະບານ
ລາວ ອະນຸຍາດໃຫ້ແຂວງຄໍາມ່ວນສ້າງຕັ້ງເສດຖະກິດພິເສດ ທ່າແຂກແດນຄໍາ ຢ່າງ
ເປັນທາງການເມື່ອບໍ່ດົນມານີ້ ກໍຍັງຈະເຮັດໃຫ້ມີການລົງທຶນທັງພາຍໃນລາວ ແລະ
ຈາກຕ່າງປະເທດເຂົ້າມາໃນເສດຖະກິດພິເສດດັ່ງກ່າວນີ້ເພີ່ມຂຶ້ນນັບມື້ອີກດ້ວຍ.
ການກໍ່ສ້າງຂົວຂ້າມແມ່ນໍ້າຂອງ
ແຫ່ງທີ່ 3 ລະຫວ່າງລາວ-ໄທ
ໄດ້ ເລີ່ມລົງມືດໍາເນີນການເມື່ອເດືອນພຶດສະພາ 2009 ໂດຍມີທີ່ຕັ້ງຢູ່ໃນເຂດບ້ານ ເວີນໃຕ້ ຊຶ່ງຕັ້ງຢູ່ຫ່າງຈາກເມືອງທ່າແຂກ
ປະມານ 13 ກິໂລ ຢູ່ກົງຂ້າມກັບ
ບ້ານຫົ່ມ ໃນແຂວງນະຄອນພະ
ນົມຂອງໄທ ຊຶ່ງຕົວຂົວມີຄວາມ
ຍາວ 780 ແມັດແລະກວ້າງ 13
ແມັດ ແບ່ງເປັນ 2 ຊ່ອງທາງສໍາລັບຍວດຍານພາຫະນະ ທີ່ກວ້າງເບື້ອງລະ 3 ແມັດເຄິ່ງ.
ສ່ວນທາງຍ່າງທັງ 2 ເບື້ອງນັ້ນ ກໍມີຄວາມກ້ວາງເບື້ອງລະ 1 ແມັດ ແລະບໍ່ມີ ທາງລົດໄຟ
ແຕ່ຢ່າງໃດ ໂດຍໃຊ້ງົບປະມານກໍ່ສ້າງໄປຫຼາຍກວ່າ 1,700 ລ້ານບາດ ດ້ວຍທຶນສະໜັບ ສະໜູນທັງໝົດຈາກລັດຖະບານໄທ.
