ສື່ມວນຊົນທາງການຂອງ ສປປ ລາວ ລາຍງານຂ່າວໃນ
ວັນພະຫັດມື້ນີ້ວ່າ ລັດຖະບານລາວ ໄດ້ປະກາດແຕ່ງຕັ້ງ
ນາຍົກລັດຖະມົນຕີຄົນໃໝ່ຂຶ້ນແທນທ່ານບົວສອນ ບຸບຜາ
ວັນພຽງບໍ່ເທົ່າໃດເດືອນກ່ອນທີ່ສະໄໝການດໍາລົງຕໍາແໜ່ງ
ຂອງທ່ານບົວສອນຈະໝົດລົງ.
ອົງຂ່າວສານປະເທດລາວ
ລາຍງານວ່າ ກອງປະຊຸມ
ສະໄໝສາມັນ ຄັ້ງທີ 10
ຂອງສະພາແຫ່ງຊາດຊຸດ
ທີ 6 ໄດ້ອັດລົງໃນມື້ວານນີ້ດ້ວຍການແຕ່ງຕັ້ງປະທານສະພາ
ແຫ່ງຊາດ ທ່ານທອງສິງ ທໍາມະວົງ ໃຫ້ຂຶ້ນດໍາລົງຕໍາແໜ່ງ
ນາຍົກລັດຖະມົນຕີ ແທນທ່ານບົວສອນ.
ພ້ອມດຽວກັນນີ້ ສະພາແຫ່ງຊາດ ຊຶ່ງປະກອບດ້ວຍສະມາ
ຊິກ 101 ຄົນນັ້ນຍັງໄດ້ແຕ່ງຕັ້ງທ່ານນາງປານີ ຢາທໍຕູ້ ຮອງ
ປະທານສະພາແຫ່ງຊາດໃຫ້ຂຶ້ນດໍາລົງຕຳແໜ່ງ ປະທານສະພາແຫ່ງຊາດຄົນໃໝ່ ແທນທ່ານທອງສິງນໍາອີກ.
