ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ລາວວ່າ ຈະຂະຫຍາຍການບໍລິການ ດ້ານສາທາລະນະສຸກ ໄປທົ່ວໝົດປະເທດ ໃຫ້ໄດ້ພາຍໃນປີ 2020


ກອງປະຊຸມລະດັບອອກນະໂຍບາຍລະຫວ່າງ ກະຊວງສາທາລະນະສຸກ, ອົງການອະນາໄມໂລກ ແລະປະເທດຍີ່ປຸ່ນ ທີ່ຈັດຂຶ້ນໃນຕົ້ນປີ 2009
ກອງປະຊຸມລະດັບອອກນະໂຍບາຍລະຫວ່າງ ກະຊວງສາທາລະນະສຸກ, ອົງການອະນາໄມໂລກ ແລະປະເທດຍີ່ປຸ່ນ ທີ່ຈັດຂຶ້ນໃນຕົ້ນປີ 2009

ລັດຖະມົນຕີລາວຢືນຢັນວ່າ ຈະຂະຫຍາຍຕາໜ່າງການໃຫ້ບໍລິການດ້ານສາທາລະນະສຸກ ສໍາລັບປະຊາຊົນທຸກຄົນ ໃຫ້ທົ່ວເຖິງທັງປະເທດ ໃຫ້ໄດ້ພາຍໃນປີ 2020 ເປັນຢ່າງຊ້າ.

ທ່ານ ເອກສະຫວ່າງ ວົງວິຈິດ,​ ລັດຖະມົນຕີວ່າການກະຊວງສາທາລະນະສຸກຄົນໃໝ່
ໄດ້ຖະແຫຼງຢືນຢັນ ໃນໂອກາດເປັນປະທານໃນກອງປະຊຸມໃຫຍ່ຄັ້ງທີ່ 7 ຂອງຄະນະ
ພັກ ກະຊວງສາທາລະນະສຸກ ທີ່ໄດ້ຈັດຂຶ້ນຢ່າງເປັນທາງການເມື່ອບໍ່ດົນມານີ້ວ່າ ເປົ້າ
ໝາຍສໍາຄັນທີ່ສຸດຂອງການພັດທະນາ ດ້ານສາທາລະນະສຸກໃນປັດຈຸບັນ ຈົນໄປເຖິງປີ
2020 ກໍຄືການຂະຫຍາຍຕາໜ່າງການໃຫ້ບໍລິການດ້ານສຸຂະພາບອະນາໄມຂອງລັດ
ຖະບານ ໃຫ້ໄປເຖິງປະຊາຊົນລາວທຸກຄົນໃນທົ່ວປະເທດ ໃຫ້ໄດ້ຢ່າງເປັນຮູບປະທໍາ.

ສໍາລັບໃນໄລຍະ 5 ປີທີ່ຜ່ານມານັ້ນ ເຖິງແມ່ນວ່າການດໍາເນີນງານໃນຫຼາຍໆດ້ານຕ້ອງ
ປະເຊີນກັບບັນຫາດ້ານງົບປະມານກໍຕາມ ຫາກແຕ່ກໍຍັງປະກົດວ່າ ທາງການລາວສາ
ມາດຂະຫຍາຍລະບົບການຕອບສະໜອງນໍ້າສະອາດໃຫ້ກັບປະຊາຊົນລາວໄດ້ເຖິງ 79% ຂອງຈໍານວນຄອບຄົວທັງໝົດໃນທົ່ວປະເທດ, ສ່ວນການໃຫ້ບໍລິການດ້ານຢາຮັກສາໂຣກ ແລະການປິ່ນປົວພະຍາດຕ່າງໆຂອງປະຊາຊົນນັ້ນ ກໍມີທ່າອ່ຽງຈະຂະຫຍາຍກ້ວາງຫຼາຍ
ຂຶ້ນຢ່າງຕໍ່ເນື່ອງ ດັ່ງທ່ານ ເອກສະຫວ່າງ ໄດ້ໃຫ້ການຊີ້ແຈງວ່າ:

ດຣ. ເອກສະຫວ່າງ ວົງວິຈິດ ລັດຖະມົນຕີ ກະຊວງສາທາລະນະສຸກ
ດຣ. ເອກສະຫວ່າງ ວົງວິຈິດ ລັດຖະມົນຕີ ກະຊວງສາທາລະນະສຸກ

ຕາໜ່າງສາທາລະນະສຸກພວກເຮົານີ້ ໄດ້ຂະຫຍາຍ
ຕົວແຕ່ສູນກາງລົງເຖິງທ້ອງຖິ່ນຮາກຖານໄດ້ດີພໍສົມ
ຄວນ ເຂດຫ່າງໄກສອກຫຼີກນີ້ ກໍໄດ້ໄປເຖິງ,​ ທົ່ວປະ
ເທດມີບ້ານສາທາລະນະສຸກແບບຢ່າງ 2,419
ບ້ານ, ມີສຸກສາລາທັງໝົດ 835 ແຫ່ງ,​ ໂຮງໝໍ
ເມືອງ 127 ແຫ່ງ,​ ໂຮງໝໍແຂວງ 16 ແຫ່ງ,
ໂຮງໝໍສູນກາງ 4 ແຫ່ງ ແລະສູນປິ່ນປົວສະເພາະ
ອີກ 4 ສູນ.

ກ່ອນໜ້ານີ້ ຄະນະລັດຖະບານລາວໄດ້ຮ່າງແຜນປະຕິບັດ
ການ ວ່າດ້ວຍການໃຫ້ບໍລິການດ້ານສຸຂະພາບອະນາໄມ
ກັບບັນດາແມ່ຍິງທີ່ກໍາລັງຖືພາ ຫຼືຕັ້ງຄັນ ແລະເດັກນ້ອຍ
ລາວໂດຍບໍ່ຄິດຄ່າໃຊ້ຈ່າຍເສັດສົມບູນແລ້ວ ແລະກໍຄາດວ່າ ຈະສາມາດນໍາສະເໜີຮ່າງແຜນ
ປະຕິບັດການດັ່ງກ່າວ ເຂົ້າສູ່ກອງປະຊຸມຄະນະລັດຖະບານລາວໄດ້ ໃນໝໍ່ໆນີ້ອີກດ້ວຍ.

ຫຼັງຈາກທີ່ໄດ້ຜ່ານການຮັບຮອງຈາກຄະນະລັດຖະບານລາວຢ່າງເປັນທາງການແລ້ວນັ້ນ
ກໍຈະເຮັດໃຫ້ສາມາດເລີ່ມລົງມືປະຕິບັດຕາມແຜນການໄດ້ໃນທັນທີ ຫາກແຕ່ເນື່ອງຈາກວ່າ ລັດຖະບານລາວເອງກໍຍັງຄົງມີງົບປະມານສໍາລັບໃຫ້ການສະໜັບສະໜູນແຜນປະຕິບັດ
ການຢ່າງຈໍາກັດ,​ຈຶ່ງເຮັດໃຫ້ມີຄວາມຈໍາເປັນ ທີ່ຈະຕ້ອງຈໍາກັດຈໍານວນແມ່ຍິງທີ່ຖືພາ ແລະ
ເດັກນ້ອຍລາວ ທີ່ຈະມີສິດຕາມແຜນປະຕິບັດການດັ່ງກ່າວນີ້ ຊຶ່ງຄືການໃຫ້ບຸລິມະສິດແກ່
ບັນດາແມ່ຍິງທີ່ຖືພາຢູ່ໃນເຂດຊົນນະບົດ ຫຼືມີຖານະຍາກຈົນເທົ່ານັ້ນ.

ສ່ວນເດັກນ້ອຍລາວທີ່ຈະໄດ້ຮັບສິດຕາມແຜນປະຕິບັດການດຽວກັນນີ້ ກໍຄືເດັກນ້ອຍທີ່ມີ
ອາຍຸຕໍ່າກ່ວາ 5 ປີທຸກຄົນ ແລະໃນອະນາຄົດຖ້າຫາກວ່າ ສະຖານະທາງດ້ານງົບປະມານ
ຂອງລັດຖະບານລາວດີຂຶ້ນ ຈຶ່ງຈະມີການຂະຫຍາຍໄປສູ່ແມ່ ແລະເດັກນ້ອຍທຸກຄົນໃນລາວ
ຕໍ່ໄປ.

ການສັກຢາແລະຢອດຢາ ກັນພະຍາດທີ່ລາວ ເມື່ອ ກາງປີ 2011 ນີ້.
ການສັກຢາແລະຢອດຢາ ກັນພະຍາດທີ່ລາວ ເມື່ອ ກາງປີ 2011 ນີ້.

ອີງຕາມລາຍງານຂອງກະຊວງການເງິນຂອງລາວກໍໄດ້ລະ
ບຸວ່າ ລັດຖະບານໄດ້ຈັດສັນງົບປະມານເພື່ອການປະຕິບັດ
ວຽກງານໃນດ້ານສາທາລະນະສຸກຄິດເປັນສັດສ່ວນ 13%
ຂອງງົບປະມານລົງທຶນຂອງລັດຖະ ບານທັງໝົດ ຊຶ່ງກໍຍັງ
ຄົງຖືວ່າ ຕໍ່າຫຼາຍຫາກທຽບໃສ່ງົບປະມານລົງທຶນ ເພື່ອກໍ່
ສ້າງໂຄງຂ່າຍພື້ນຖານທາງເສດຖະກິດ ທີ່ໄດ້ຮັບການຈັດ
ສັນງົບປະມານຫຼາຍທີ່ສຸດ ກໍຄືລະຫວ່າງ 28%-30%
ຂອງງົບປະມານທັງໝົດໃນທຸກໆປີ ຊຶ່ງດ້ວຍການທີ່ລັດຖະ
ບານລາວສາມາດຈັດສັນງົບປະມານໃຫ້ກັບການສາທາລະ
ນະສຸກໃນສັດສ່ວນທີ່ຕໍ່າດັ່ງກ່າວ ກໍເລີຍເຮັດໃຫ້ການບໍລິການດ້ານສາທາລະນະສຸກ ໄປບໍ່
ເຖິງປະຊາຊົນລາວສ່ວນໃຫຍ່ ທີ່ຢູ່ໃນເຂດຊົນນະບົດນັ້ນເອງ.

ນອກຈາກນີ້ ກໍໄດ້ລາຍງານວ່າ ບັນຫາທີ່ໜ້າເປັນຫ່ວງຢ່າງຍິ່ງໃນປະຈຸບັນນີ້ ກໍຄືການຂາດ
ສານອາຫານຂອງເດັກນ້ອຍທີ່ມີອາຍຸຕໍ່າກ່ວາ 5 ປີ ໂດຍຈາກການສຳຫຼວດໃນປີຜ່ານມາ
ພົບວ່າ ມີເດັກນ້ອຍລາວໃນໄວດັ່ງກ່າວນີ້ ຄິດເປັນສັດສ່ວນເຖິງ 37% ທີ່ຂາດສານອາຫານ ທີ່ຈໍາເປັນຕໍ່ການຈະເລີນເຕີບໂຕຂອງຮ່າງກາຍ ແລະສະຕິປັນຍາ.

XS
SM
MD
LG