ທ່ານ ພູເພັດ ຄໍາພູນວົງ ລັດຖະ
ມົນຕີກະຊວງການເງິນ ໄດ້ຖະ
ແຫຼງຍອມຮັບວ່າ ໃນໄລຍະ 8
ເດືອນທີ່ຜ່ານມາຂອງແຜນການ
ປີ 2011-2012 ນີ້ ລັດຖະບານ
ລາວສາມາດຈັດເກັບພາສີອາ
ກອນການຄ້າຂາຍຂາອອກ-ຂາ
ເຂົ້າໄດ້ໃນອັດຕາສະເລ່ຍ
80.36% ຫຼືຕໍ່າກວ່າເປົ້າໝາຍທີ່
ວາງໄວ້ເກືອບ 20% ໂດຍສາເຫດ
ທີ່ສໍາຄັນ ທີ່ເຮັດໃຫ້ຈັດເກັບລາຍ
ຮັບດັ່ງກ່າວໄດ້ຕໍ່າກວ່າເປົ້າໝາຍ ທີ່ວາງໄວ້ນັ້ນກໍຍ້ອນວ່າໄດ້ມີການຫຼົບລ່ຽງການຊໍາລະພາສີ
ອາກອນເກີດຂຶ້ນຢ່າງກວ້າງຂວາງ.
ທັງນີ້ ທ່ານ ພູເພັດ ໄດ້ໃຫ້ການຢືນຢັນວ່າໃນບັນດາວິສາຫະກິດການຄ້າຂາອອກ-ຂາເຂົ້າ
ໃນລາວໃນປັດຈຸບັນນີ້ ກໍຄິດເປັນສັດສ່ວນເຖິງ 90% ທີ່ໄດ້ແຈ້ງຂໍ້ມູນການຄ້າທີ່ບໍ່ເປັນ
ຄວາມຈິງ ດ້ວຍຫວັງວ່າຈະເຮັດໃຫ້ມີຜົນກໍາໄລຫຼາຍຂຶ້ນ ແລະການທີ່ບັນດາວິສາຫະກິດ
ຕາງໆສາມາດແຈ້ງຂໍ້ມູນທີ່ບໍ່ເປັນຄວາມຈິງດັ່ງກ່າວໄດ້ ໂດຍບໍ່ຢ້ານກົວຄວາມຜິດນັ້ນ ກໍ
ຍ້ອນວ່າ ໄດ້ຮັບການຮ່ວມມືຈາກບັນດາພະນັກງານລັດ ທີ່ຫວັງຜົນປະໂຫຍດຕອບແທນ
ເປັນການສ່ວນຕົວນັ້ນເອງ ດັ່ງທີ່ທ່ານພູເພັດໄດ້ຢືນຢັນວ່າ:
“ກົນໄກການຄຸ້ມຄອງຍັງບໍ່ທັນຮັດກຸມເທົ່າ
ທີ່ຄວນ ເປັນຕົ້ນການຄຸ້ມຄອງມູນຄ່າການ
ແຈ້ງພາສີບໍ່ເປັນໄປຕາມລາຄາຕົວຈິງ ຈຶ່ງ
ເຮັດໃຫ້ການເກັບອາກອນຕ່າງໆຢູ່ໃນຂອດ
ການນໍາໃຊ້ ກໍຕົກເຫ່ຍເສຍຫາຍໄປນໍາ
ນອກຈາກນັ້ນກໍຍັງມີການລັກລອບຫຼົບ
ຫຼີກ ພາສີທັງໃນດ່ານ ແລະທັງນອກດ່ານ
ການລະເມີດກົດໝາຍ ແລະລະບຽບການ
ພາສີ ຍັງມີຢ່າງຫຼວງຫຼາຍ ຊຶ່ງໄດ້ສະແດງ
ອອກໃນປັດຈຸບັນນີ້ ມີຄະດີກ່ຽວກັບພາສີ
ມີຈໍານວນ ທັງໝົດ 2,014 ຄະດີ”
ພ້ອມກັນນີ້ ທ່ານພູເພັດ ຍັງຍອມຮັບດ້ວຍວ່າລັດຖະບານລາວສາມາດຈັດເກັບລາຍຮັບຈາກ
ພາສີທີ່ດິນໄດ້ຕໍ່າກວ່າເປົ້າໝາຍເຊັ່ນດຽວກັນ ກໍຄືໃນຂະນະທີ່ລັດຖະບານລາວ ໄດ້ວາງເປົ້າ
ໝາຍທີ່ຈະຈັດເກັບລາຍຮັບຈາກພາສີທີ່ດິນໃນຕະຫຼອດແຜນການປີ 2011-2012 ນີ້ໃຫ້ໄດ້
ບໍ່ໜ້ອຍກວ່າ 132 ຕື້ກີບນັ້ນ ແຕ່ກໍຄົງຈະເປັນການຍາກທີ່ຈະ ສາມາດບັນລຸເປົ້າໝາຍດັ່ງກ່າວ
ໄດ້ຢ່າງແທ້ຈິງເພາະແຜນການປີ 2011-2012 ທີ່ຈະສິ້ນສຸດລົງໃນທ້າຍເດືອນກັນຍານີ້ ລັດ
ຖະບານລາວຍັງສາມາດຈັດເກັບລາຍຮັບຈາກ ພາສີທີ່ດິນໄດ້ພຽງ 52.8 ຕື້ີກີບ ຫຼືທຽບໄດ້
ກັບ 40% ຂອງແຜນການຕະຫຼອດປີເທົ່ານັ້ນ.
ຊຶ່ງເມື່ອປະກອບກັບບັນຫາຊັກຊ້າໃນການບໍລິຫານງານ
ຂອງໜ່ວຍງານລັດທີ່ສົມທົບດ້ວຍການຫຼີກລ່ຽງການຊໍາ
ລະພາສີໃນດ້ານອື່ນໆ ຢ່າງຖືກຕ້ອງຂອງພາກເອກກະຊົນ
ຈໍານວນບໍ່ໜ້ອຍແລ້ວກໍຍິ່ງເຮັດໃຫ້ຍາກຫຼາຍຂຶ້ນອີກໃນຂະ
ນະດຽວກັນ ຍັງເຮັດໃຫ້ລັດຖະບານລາວຕ້ອງການຈະໄດ້
ຮັບການຊ່ວຍເຫຼືອຈາກຕ່າງປະເທດຫຼາຍຂຶ້ນອີກດ້ວຍ. ສໍາ
ລັບໃນໄລຍະ 2 ປີທີ່ຜ່ານມານີ້ກໍປາກົດວ່າລັດຖະບານລາວ
ໄດ້ຮັບການຊ່ວຍ ເຫຼືອຈາກຕ່າງປະເທດເພີ່ມຂຶ້ນໃນອັດຕາ ສະເລ່ຍເຖິງ 20% ໃນແຕ່ລະປີ.
ທັງນີ້ຖ້າຫາກຄິດໄລ່ສະເພາະໃນແຜນການປີ 2011-2012 ນີ້ ກໍພົບວ່າ ລັດຖະບານລາວ
ໄດ້ຮັບການຊ່ວຍເຫຼືອຈາກຕ່າງປະເທດຄິດເປັນມູນຄ່າລວມເກີນກວ່າ 630 ລ້ານໂດລາ ຊຶ່ງ
ໃນນີ້ກໍເປັນຊ່ວຍເຫຼືອລ້າໃນມູນຄ່າ 529 ລ້ານໂດລາ ແລະກູ້ຢືມອີກ 100 ກວ່າລ້ານໂດລາ.
ແຕ່ຢ່າງໃດກໍຕາມ ເຖິງແມ່ນວ່າການຊ່ວຍເຫຼືອຈາກຕ່າງປະເທດ ຈະເພີ່ມຂຶ້ນທຸກປີກໍຕາມ
ຫາກ ແຕ່ກໍຍັງຖືວ່າບໍ່ພຽງພໍກັບລະດັບຄວາມຕ້ອງການທີ່ເປັນຈິງຂອງລັດຖະບານລາວ
ໂດຍສະເພາະແມ່ນການທີ່ຈະເຮັດໃຫ້ເສດຖະກິດຂອງລາວຂະຫຍາຍຕົວໃນອັດຕາສະເລ່ຍ
ບໍ່ຫລຸດ 8.5% ໃນແຜນການປີ 2012-2013 ທີ່ຈະລົງມືປະຕິບັດຈັດຕັ້ງໃນຊ່ວງເດືອນຕຸ
ລາ 2012 ເຖິງເດືອນກັນຍາ 2013 ກໍຈໍາເປັນທີ່ຈະຕ້ອງໄດ້ຮັບການຊ່ວຍເຫຼືອລ້າຈາກຕ່າງ
ປະເທດ ບໍ່ໜ້ອຍກວ່າ 4,610 ຕື້ກີບ ຫຼືປະມານ 576 ລ້ານໂດລາ ແລະເພີ່ມຂຶ້ນ 8.8%
ເມື່ອທຽບໃສ່ແຜນການປີ 2011-2012.