ທ່ານນາງ ວຽງທອງ ສີພັນດອນ ລັດຖະມົນຕີຊ່ວຍວ່າການກະຊວງການເງິນ ຖະແຫຼງ
ຢືນຢັນວ່າ ເປົ້າໝາຍສໍາຄັນທີ່ສຸດສໍາລັບການພັດທະນາພາກການເງິນ ແລະການໃຊ້ ຈ່າຍງົບປະມານຂອງລັດຖະບານລາວ ນັບຈາກປັດຈຸບັນ ໄປຈົນເຖິງປີ 2015 ກໍຄືການ ພັດທະນາປັບປຸງພາກການເງິນ ແລະການໃຊ້ຈ່າຍງົບປະມານຂອງລັດຖະບານລາວ ໃຫ້
ມີຄວາມໂປ່ງໄສ ແລະເປັນທີ່ຍອມຮັບຂອງນາໆຊາດ ຢ່າງແທ້ຈິງ.
ໂດຍການພັດທະນາປັບປຸງພາກການເງິນ ແລະການໃຊ້ຈ່າຍງົບປະມານຂອງລັດຖະບານ
ລາວ ໃຫ້ມີຄວາມໂປ່ງໄສດັ່ງກ່າວນີ້ ບໍ່ພຽງແຕ່ຈະເປັນຜົນເຮັດໃຫ້ນາໆຊາດ ແລະອົງການ
ສາກົນຕ່າງໆ ໄດ້ສືບຕໍ່ໃຫ້ການຊ່ວຍເຫຼືອແກ່ລັດຖະບານລາວຢ່າງຕໍ່ເນື່ອງເທົ່ານັ້ນ, ຫາກ
ແຕ່ຄວາມໂປ່ງໄສ ທີ່ສາມາດກວດກາໄດ້ຕະຫຼອດເວລານັ້ນ ກໍຍັງຈະເຮັດໃຫ້ພາກທຸລະກິດ
ຕ່າງຊາດ ມີຄວາມເຊື່ອໝັ້ນໃນການທີ່ຈະເສີມຂະຫຍາຍການຄ້າ ແລະເພີ່ມການລົງທຶນໃນ
ລາວ ຫຼາຍຂຶ້ນນັບມື້ອີກດ້ວຍ ດັ່ງທີ່ທ່ານນາງ ວຽງທອງ ໄດ້ຢືນຢັນວ່າ:
“ການຄຸ້ມຄອງການເງິນໃຫ້ມີຄວາມໂປ່ງໄສ
ເພີ່ມປະສິດທິພາບໃນການກວດກາ-ກວດ
ສອບທາງດ້ານການເງິນນັ້ນ ກໍ່ເພື່ອເປັນການ
ປົກປັກຮັກສາຜົນປະໂຫຍດຂອງລັດ ແລະ
ຂອງພາກສ່ວນເສດຖະກິດ ແລະການເສີມ
ຂະຫຍາຍກໍາລັງແຮງ, ຄວາມສາມາດໃນການ
ຂຸດຄົ້ນແຫຼ່ງລາຍຮັບພາຍໃນປະເທດ ທັງແຫຼ່ງ
ທຶນຈາກຕ່າງປະເທດ ສ້າງຄວາມເຊື່ອໝັ້ນໃຫ້
ແກ່ນັກລົງທຶນ ຂະຫຍາຍຕະຫຼາດພາຍໃນ ແລະຕ່າງປະເທດ.”
ສໍາລັບການດໍາເນີນແຜນການພັດທະນາເສດຖະກິດ-ສັງຄົມແຫ່ງຊາດລາວໃນຊ່ວງປີ 2011
-2015 ນີ້ ລັດຖະບານລາວໄດ້ວາງເປົ້າໝາຍທີ່ຈະຕ້ອງລະດົມທຶນທັງຈາກພາກລັດຖະບານ
ແລະພາກເອກະຊົນ ໃຫ້ໄດ້ໃນມູນຄ່າລວມບໍ່ໜ້ອຍກວ່າ 127,000 ຕື້ກີບ ຫຼື 15,300 ລ້ານ
ໂດລາ ຈຶ່ງຈະສາມາດບັນລຸເປົ້າໝາຍທີ່ວາງໄວ້ ໃນແຜນການໄດ້ຢ່າງແທ້ຈິງ. ກໍຄືການແກ້ໄຂ
ບັນຫາຄວາມຍາກຈົນຂອງປະຊາຊົນລາວ ໃຫ້ໄດ້ໂດຍພື້ນຖານ ການຫຼຸດອັດຕາການເສຍຊີ ວິດຂອງເດັກນ້ອຍທີ່ອາຍຸຕໍ່າກວ່າ 1 ປີ ໃຫ້ຢູ່ໃນອັດຕາສະເຫຼ່ຍບໍ່ເກິນ 45 ຄົນຕໍ່ 10,000
ການຂະຫຍາຍໂອກາດດ້ານການສຶກສາ ດ້ວຍການເຮັດໃຫ້ເດັກນ້ອຍໄດ້ຮຽນຈົບຊັ້ນປະຖົມ
ໃຫ້ໄດ້ເຖິງ 95% ຂອງຈໍານວນເດັກນ້ອຍໃນໄວຮຽນທັງໝົດ ການສົ່ງເສີມຄວາມສະເໝີພາບ
ລະຫວ່າງເພດຍິງ ແລະເພດຊາຍ, ການບໍລິການດ້ານສາທານະສຸກ ແກ່ປະຊາຊົນຢ່າງທົ່ວ
ເຖິງໃນທົ່ວປະເທດ, ການຮັກສາສະພາບແວດລ້ອມ ແລະການນໍາໃຊ້ຊັບພະຍາກອນທໍາມະ
ຊາດຢ່າງຍືນຍົງ ແລະການເສີມສ້າງການຮ່ວມມືກັບນາໆຊາດ ເພື່ອປະກອບສ່ວນເຂົ້າໃນ
ການພັດທະນາລາວໃນທຸກໆ ດ້ານ.
ແຕ່ຢ່າງໃດກໍຕາມ ບັນຫາໃນ
ເວລານີ້ ກໍຄືລັດຖະບານລາວ
ຍັງມີຄວາມສາມາດໃນດ້ານງົບ
ປະມານໃນລະດັບທີ່ຕໍ່າຫຼາຍ
ຈຶ່ງຄາດໝາຍວ່າ ລັດຖະບານ
ລາວຈະສາມາດປະກອບສ່ວນ
ເຂົ້າໃນການລົງທຶນໄດ້ ບໍ່ເກີນ
10% ຂອງເປົ້າໝາຍການລະ
ດົມເງິນລົງທຶນທັງໝົດດັ່ງກ່າວ
ເທົ່ານັ້ນ. ສ່ວນທີ່ເຫຼືອກໍຈະເປັນ
ການຂໍຄວາມຊ່ວຍເຫຼືອ ແລະ
ກູ້ຢືມຈາກຕ່າງປະເທດໃຫ້ໄດ້
ລະຫວ່າງ 26%-28%, ກູ້ຢືມ
ຈາກທະນາຄານພາຍໃນປະເທດໃຫ້ໄດ້ລະຫວ່າງ 10%-12% ແລະຍັງຈະຕ້ອງລະດົມ ການລົງທຶນ ຂອງພາກເອກະຊົນລາວ ແລະຕ່າງປະເທດໃຫ້ໄດ້ ໃນລະຫວ່າງ 50%-60% ອີກດ້ວຍ.
ສໍາລັບໃນໄລຍະແຜນການປະຈໍາປີ 2011-2012 ທີ່ຈະເລີ່ມລົງມືປະຕິບັດ ນັບຈາກເດືອນ
ຕຸລານີ້ ໄປຈົນເຖິງເດືອນກັນຍາປີໜ້າ ລັດຖະບານລາວກໍໄດ້ວາງເປົ້າໝາຍໄວ້ວ່າ ຈະສ້າງ ລາຍຮັບເຂົ້າງົບປະມານໃຫ້ໄດ້ 15,726 ຕີ້ກີບ ແລະ ໃນນັ້ນຈະເປັນລາຍຮັບພາຍໃນປະ
ເທດ ໃນມູນຄ່າ 11,516 ຕື້ກີບ ໂດຍລາຍຮັບສ່ວນໃຫ່ຍກໍຍັງຄົງມາຈາກພາສີ ແລະຄ່າທໍາ
ນຽມຕ່າງໆທີ່ຈັດເກັບຈາກການຄ້າເປັນດ້ານຫຼັກ.
