ລິ້ງ ສຳຫລັບເຂົ້າຫາ

logo-print

ລາວ ຊອກຫາທາງຖ່ວງດຶງ ອິດທິພົນທາງເສດຖະກິດ ຂອງຈີນ ທີ່ເພີ້ມທະວີຂຶ້ນນັບມື້


ຊາວນາຄົນໜຶ່ງ ກົ້ມລົງເບິ່ງຕົ້ນເຂົ້າຂອງລາວ ຢູ່ທົ່ງນາ ໃຕ້ສາຍສົ່ງໄຟຟ້າແຮງສູງ ທີ່ເນັ່ງມາຈາກ ເຂື່ອນນ້ຳເທີນ 2 ທີ່ແຂວງຄຳມ່ວນ, ວັນທີ 28 ຕຸລາ 2013.

ອິດ​ທິພົນ​ຂອງ​ຈີນ ທີ່ເຕີບ​ໃຫຍ່​ຂຶ້ນເລື້ອຍໆຢູ່​ໃນ​ລາວ ​ຊື່​ງມີ​ການລົງ
ທຶນ​ແລະ​ການ​ຄ້າ​ທີ່​ຂະຫຍາຍ​ກ້ວາງ​ອອກນັບ​ມື້ ​ເປັນ​ຂີດ​ໝາ​ຍນັ້ນ​ ​
ໄດ້​ພາ​ໃຫ້​ອົງການ​ສາກົນ​ຈຳນວນ​ໜຶ່ງ ກ່າວເຕືອນ ສ​ປປ ລາວ ກ່ຽວ​
ກັບການ​ກາງ​ຕໍ່ຈີນ​ຫລາຍເກີນ​ໄປ​ໃນ​ທາງ​ການ​ເງິນ ຊຶ່ງ​ບໍ່​ເປັນ​ການ​ດີ
​ຕໍ່​ປະ​ເທດ​ລາວ. ຕາມທີ່ຜູ້ສື່​ຂ່າວ​ວີ​ໂອ​ເອ Ron Corben ລາຍງານ​
ມາ​ຈາກບາງກອກນັ້ນ ບັນດານັກວິ​ເຄາະ​ກ່າວ​ວ່າ ລາວ​ກຳລັງ​ຫາ​ທາງ​
ຖ່ວງ​ດຶງ​ອິດ​ທິພົນ​ຂອງ​ຈີນ ​ໂດຍ​ຫັນ​ໄປ​ດຶງ​ເອົາ​ການ​ສະໜັບສະໜຸນ​
ຈາກ​ຫວຽດນາມ ຜູ້ໜຸນ​ຫລັງ​ຕົນ​ມາ​ດົນ​ນານ​ແລ້ວ​ນັ້ນ ຕະຫລອດ​ທັງ
ຈາກຝ່າຍ​ຕາ​ເວັນ​ຕົກ​ນຳ. ດາຣາມີ​ລາຍ​ລະອຽດ​ມາສະ​ເໜີ​ທ່ານ.

ໃນ​ປີ 2014 ຈີນ​ໄດ້​ກາຍ​ມາ​ເປັນ​ນັກ​ລົງທຶນ​ອັນ​ດັບ​ໜຶ່ງ​ຢູ່​ໃນລາວ ​ໂດຍ​ມີ​ມູນ​ຄ່າ​ການ​ລົງທຶນ
ທັງ​ໝົດ ຫລາຍ​ກ່ວາ 5 ຕື້​ດອນ​ລ່າ​ໃນ​ໂຄງການ​ຕ່າງໆ ​ເຊັ່ນ​ບໍ່​ແຮ່ ຊັບພະຍາກອນ ໄຟຟ້າພະ
ລັງ​ນ້ຳ ແລະ​ທຸລະ​ກິດ​ການ​ກະ​ເສດ.

ລາວ​ແລະ​ຈີນ​ໄດ້​ຕົ​ກລົງຈະ​ສ້າງ​ທາງ​ລົດ​ໄຟ​ຄວາມ​ໄວ​ສູງ ມູນຄ່າ 7 ຕື້ ດອນ​ລ່າ ​ເຊື່ອມ​ຕໍ່​ກັນ
ອັນ​ເປັນ​ສ່ວນ​ໜຶ່ງ​ຂອງ​ຍຸ​ທະ​ສາດ One Belt, One Road ຂອງ​ຈີນ​ໃນ​ການ​ສ້າງ​ທາງ​ລົດໄຟ
​ແລ່ນຜ່ານ​ເອ​ເຊຍ​ກາງ ​ແລະ​ເອ​ເຊຍ​ຕາ​ເວັນ​ອອກສຽງ​ໃຕ້.

​ເສ້ນ​ທາງ​ລົດ​ໄຟ​ທີ່​ຈະແລ່ນ​ເຂົ້າ​ໄປ​ຍັງ​ເອ​ເຊຍຕາ​ເວັນ​ອອກສຽງ​ໃຕ້​ນັ້ນ ​ແມ່ນ​ຈະ​ເລີ້ມ​ຈາກຄຸນ​ໝິງ ​ໃນ​ແຂວງ​ຢຸນນານ​ຂອງ​ຈີນ ​ແລ່ນ​ລົງໃຕ້​ໄປ​ຍັງ​ນະຄອນຫລວງ​ວຽງ​ຈັນ ຜ່ານ​ຂົວ 150 ​ແຫ່ງ, ອຸບ​ໂມງ 76 ​ແຫ່ງ ​ແລະ​ສະຖານີ​ລົດ​ໄຟ 31 ​ແຫ່ງ. ຈາກ​ວຽງ​ຈັນ ທາງ​ລົດ​ໄຟ​ຈະ​ເຊື່ອມ​ຕໍ່​ໃສ່​ໄທ ​ແລະ​ຍັງ​ມີ​ແຜນການ​ຈະ​ສ້າງ​ທາງ​ລົດ​ໄຟ ​ແລ່ນ​ລົງ​ໃຕ້​ໄປ​ຮອດ​ສິງກະ​ໂປພຸ້ນ​ອີກ.

ທ່ານ Carl Thayer ນັກວິ​ເຄາ​ະຂ່າວ​ດ້ານ​ການ​ປ້ອງ​ກັນ ທີ່​ມະຫາວິທະຍາ​ໄລ New South
Wales ປະ​ເທດ​ອອສ​ເຕຣ​ເລຍ ກ່າວ​ວ່າ ການ​ລົງທຶນ​ສ້າງ​ທາງ​ລົດ​ໄຟ​ນີ້ ​ເປັນ​ຂີດ​ໝາຍ​ການ​ແພ່​ອິດ​ທິພົນ​ຂອງ​ຈີນ ອອກ​ໄປ​ຕື່ມ​ອີກ ​ໂດຍ​ສະ​ເພາະ​ຢ່າງ​ຍິ່ງ ຢູ່​ໃນ​ພວກ​ປະ​ເທດ​ສະມາຄົມ​ອາ​ຊ່ຽນ ​ພິ​ເສດ​ກໍ​ຄື ​ໄທ ມຽນມາ ​ແລະ​ກຳປູ​ເຈຍ.

ທ່ານ Carl Thayer ກ່າວ​ວ່າ “ທັງ​ໝົດ​ນັ້ນ​ແມ່ນ​ເປັນ​ສ່ວນ​ໜຶ່ງ​ຂອງ​ການ​ຜັກ​ດັນ​
ສອງ​ຢ່າງ​ຂອງ​ຈີນ ​ກໍ​ຄືເພື່ອ​ພັດທະນາ​ເສ້ນ​ທາງ​ການ​ຄ້າ​ຂອງ​ຕົນ ລົງ​ໄປ​ທາງ​ໃຕ້ ​
ແລະ​ເພື່ອ​ປັບປຸງ​ພື້ນຖານ​ໂຄງ​ລ່າງ ກໍ​ຄື​ການ​ເຊື່ອມ​ຕໍ່​ອາ​ຊ່ຽນ ​ແລະ​ກໍ​ເຫັນ​ໄດ້​
ແຈ່ມ​ແຈ້ງວ່າ ມັນ​ເປັນ​ສິ່ງ​ທີ່​ໄທ​ຕ້ອງການ ​ເພາະວ່າ​ມັນ​ຈະ​ແລ່ນ​ຜ່ານ​ລາວ ​
ແລ້ວໄປ​ສິ້ນ​ສຸດ​ລົງ​ຢູ່​ໄທ. ທາງ​ລົດ​ໄຟ​ຄວາມ​ໄວ​ສູງນີ້ ຈະ​ເຮັດ​ໃຫ້​ລາວ​ເປັນ​ໜີ້​
ຈີນຢ່າງ​ໜັກ ຍ້ອນ​ເງິນ​ກູ້​ຢືມ​ດອກ​ເບ້ຍ​ຍ່ອມ​ເຍົາ​ນັ້ນ.”

ບັນດາ​ນັກວິ​ເຄາະ​ກ່າວ​ວ່າ ​ເງິນ​ກູ້​ຢຶມດັ່ງກ່າວ ຊຶ່ງ​ລາວ​ໄດ້​ເອົາບໍ່​ແຮ່​ທີ່​ຍັງ​ບໍ່​ໄດ້​ສຳຫລວດ​ຂຸດ
ຄົ້ນຂອງ​ປະ​ເທດ ​ເປັນ​ຫລັກ​ປະກັນ​ນັ້ນ ​ແມ່ນຈະເພີ້​ມໜີ້​ສິນ​ຂອງລາວ​ຂຶ້ນ​ຢ່າງ​ຫລວງຫລາຍ ​ເພາະວ່າ​ຈຳນວນ​ເງິນ​ກູ້​ນັ້ນ ​ມີ​ສ່ວນ​ສັດເທົ່າ​ກັບ​ປະມານ 90 ສ່ວນ​ຮ້ອຍ​ຂອງ​ຜົນ​ຜະລິດ ທາງ​ເສດຖະກິດ​ປະຈຳ​ປີ​ຂອງ​ປະ​ເທດ. ທະນາຄານ​ພັດທະນາ​ເອ​ເຊຍ ຫລື ADB ກ່າວ​ວ່າ ການ
ລົງທຶນໃສ່​ທາງ​ລົດ​ໄຟ​ດັ່ງກ່າວ ແມ່ນ​ໃຫຍ່​ໂຕ ​ແລະແພງ​ເກີນ​ໄປ ສຳ​ຫລັບ​ເສດຖະກິດ​ນ້ອຍໆ
ທີ່​ມີ​ຜູ້​ອຸປະ​ໂພ​ກພຽງ ປະມານ 6 ລ້ານ​ຄົນ ທີ່​ກາງ​ຕໍ່​ໃສ່​ກາ​ນກະສິກຳ​ເພື່ອ​ທຳ​ມາ​ຫາ​ລ້ຽງ​ຊີບ
ເປັນ​ສ່ວນ​ໃຫຍ່.

ນອກ​ນັ້ນ ຈີນ​ຍັງ​ເປັນ​ນັກ​ລົງ​ທຶນ​ຊັ້ນ​ນຳຢູ່​ໃນ​ລາວ ​ໃນ​ດ້ານ​ໄຟຟ້າ​ພະລັງ​ນ້ຳ​ອີກ ແລະ​ມີແຜນ​ການຈະ​ກໍ່ສ້າງ​ເຂື່ອນ​ຫລາຍ​ແຫ່ງ​ຢູ່ຕາມ​ສາຂາ​ຂອງ​ແມ່​ນ້ຳຂອງ ​ໂດຍມີ​ລາຍ​ງານ​ຫລາຍ​ກະ
ແສ​ຊີ້​ບອກ​ວ່າ ຈີນ​ກຳ​ລັງ​ກຽມ ຈະ​ເຊັນ​ສັນຍາ​ກໍ່ສ້າງເຂື່ອນ​ໃໝ່ ຫລາຍ​ເຖິງ 9 ​ແຫ່ງ. ບັນດາ
ແຂວງ​ທາງ​ພາກ​ເໜືອ​ຂອງ​ລາວ ​ແມ່ນ​ອາ​ໄສ​ໄຟຟ້າ​ຈາກ​ຈີນ ​ເພາະວ່າ​ໄຟຟ້າ​ຈາກ​ເຂື່ອນ​ໄຟ
ຟ້າ​ນ້ຳຕົກຂອງ​ລາວ​ນັ້ນ ສ່ວນ​ໃຫຍ່​ແມ່ນ​ສົ່ງ​ອອກ​ຂາຍ ​ໃຫ້ໄທ.

ບັນດາ​ນັກວິ​ເຄາະ​ກ່າວ​ວ່າ ​ແຜນການ​ດັ່ງກ່າວ​ຂອງຈີນ ພາໃຫ້ເກີດຄວາມຢ້ານກົວ ກ່ຽວກັບ
ການທໍາລາຍຊີວະນາໆພັນ, ການໄລ່ທີ່ປະຊາ ຊົນ ແລະການບໍ່​ມີ​ວຽກ​ເຮັດ​ງານ​ທຳໃນບັນດາ
ຊາວກະສິກອນ ທີ່ຖືກຍົກຍ້າຍ.

ນັກ​ລັດຖະສາດ​ການ​ເມື​ອງທີ່​ມະຫາວິທະ​ຍາ​ໄລຈຸລາ​ລົງ​ກອນ ທ່ານ ທິຕິ​ນັນ ພົງ​ສຸດ​ທີ່ຣັກ
ກ່າວ​ວ່າ ຈີນ​ເຫັນ​ລາວ​ວ່າເປັນບາດກ້າວ​ອັນ​ສຳຄັນ ​ໃນ​ການ​ຂະຫບາຍ​ອິດ​ທິພົນ​ຂອງ​ຕົນ
ຢູ່​ໃນ​ຂົງ​ເຂດ​ນັ້ນ.

ທ່ານ ທິຕິ​ນັນ ກ່າວ​ວ່າ “​ໃນ​ບັນດາ​ປະ​ເທດ​ທີ່ມີ​ສ່ວນ​ພົວພັນ​ທັງ​ຫລາຍ​ນັ້ນ ລາວ​
ແມ່ນຕົກ​ຢູ່​ໃນ​ອັນຕະລາຍ​ຫລາຍ​ທີ່​ສຸດ ທີ່​ຈະ​ຖືກ​ຄອບ​ງຳ​ໂດຍ​ປະ​ເທດ​ຈີນ.
ລາວ​ເປັນ​ປະ​ເທດ​ນ້ອຍ ​ເສດຖະກິດ​ນ້ອຍໆ ​ແລະ​ຈີນ​ກໍ​ບໍ່ ຢ້ານ​ທີ່​ຈະນຳ​ເອົາ​
ພື້ນ​ທີ່​ແຜ່ນດິນ​ໃຫຍ່​ເອ​ເຊຍ​ຕາ​ເວັຍ​ອອກສຽງ​ໃຕ້ ​ເຂົ້າ​ໄປ​ໃນ​ສວນ​ຫລັງ​ບ້ານ​
ຂອງ​ຕົນ. ຈີນ​ກຳລັງ​ເຮັດ​ແບບ​ນັ້ນ​ຢູ່​ແລ້ວ. ​ແຜ່ນ​ດິນ​ໃຫຍ່​ເອ​ເຊຍ​ຕາ​ເວັນ​ອອກ
ສຽງ​ໃຕ້ ​ແມ່ນ​ຢູ່​ໃນ​ວົງ​ໂຄຈອນ​ຂອງ​ຈີນ​ຢ່າງ​ສິ້ນ​ເຊີງ​ແລ້ວ ​ໃນ​ເວລາ​ນີ້.”


​ເສດຖະກິດ​ຂອງ​ລາວ ມີ​ການ​ຂະ​ຫຍາ​ຍ​ໂຕ ​ໃນ​ອັດຕາສູງເກືອບ​ຮອດ 7 ​ເປີ​ເຊັນ ​ແຕ່​ກໍ​ຍັງ
ກາງ​ຕໍ່​ນຳ​ຫລາຍໆ​ດ້ານທີ່​ສ້າງ​ໜ້າ​ວຽກ​ຕໍ່າ ​ເປັນ​ຕົ້ນ​ວ່າ ການສະກັດຊັບພະຍາກອນທຳມະ
ຊາດ ແລະໄຟຟ້າພະລັງນ້ຳ.

ທະນາຄານ​ໂລກ​ໄດ້​ຮຽກຮ້ອງ​ໃຫ້​ ລາວສ້າງຄວາມຫຼາກຫຼາຍ ໃນເສດຖະກິດຂອງຕົນ ເພື່ອ
ສ້າງວຽກເຮັດງານໃຫ້ແກ່ພວກທີ່ຈະເຂົ້າມາສູ່ຕະຫຼາດແຮງງານໃໝ່ ຫຼາຍກ່ວາ 90,000 ຄົນ ໃນແຕ່ລະປີນັ້ນ.

ນອກ​ນີ້ ສະຖານະ​ພາບ​ທາງ​ການ​ເງິນ​ຂອງ​ ສປປ ລາວ ກໍ​ຍັງ​ອ່ອນແອເຊັ່ນ​ກັນ. ​ໃນ​ເດືອນກໍລະ
ກົດ ປີ​ກາຍ​ນີ້ ລັດຖະບານ​ລາວ​ໄດ້​ແຕ່ງ​ຕັ້ງລັດຖ​ະມົນຕີ​ການ​ເງິນ​ຄົນ​ໃໝ່ ທ່າມກາງ​ການ​ຂາດ
ດຸນງົບປະມານ​ທີ່​ຂະຫຍາຍ​ກ້ວາງ​ອອກ​ນັບ​ມື້​ຂອງ​ລັດຖະບານ ພ້ອມ​ດຽວ​ກັນ ກໍ​ໄດ້​ອອກດຳ
ລັດ​ຮຽກຮ້ອງ​ປະຊາຊົນ​ພົນລະ​ເມືອງ ​ໃຫ້ພາກັນ​ປະ​ຫຍັດ​ມັດທະຍັດ ​ແລະ​ຕັດ​ການ​ໃຊ້​ຈ່າຍລົງ.

ທ່ານ ທິຕິ​ນັນ ກ່າວ​ວ່າ ​ສະພາບ​ການດ້ານ​ການ​ເງິນ​ທີ່​ບໍ່​ແຂງ​ແຮງ ​ເຮັດ​ໃຫ້ ສປປ ລາວ ຕົກ​ຢູ່​ໃນສະຖານະ​ພາບ ທີ່​ອ່ອນ​ແອ​ຍິ່ງ​ຂຶ້ນ.

ທ່ານ ທິຕິ​ນັນ ກ່າວ​ວ່າ “ຂໍ້​ຈຳ​ກັດຮັດ​ແຄບ​ດ້ານ​ການ​ເງິນ ​ເຮັດ​ໃຫ້​ລາວ ຕົກ​ຢູ່​ໃນ​
ຖານະ​ທີ່​ຫລໍ່​ແຫລມ. ​ເສດຖະກິດ​ມະຫາ​ພາກ​ຂອງ​ລາວ​ແມ່ນ​ບໍ່ແຂງ​ແຮງ​ ​ດັ່ງ​ນັ້ນ
ລາວຈຶ່ງ​ຕ້ອງ​ໄດ້​ກາງ​ຕໍ່​ອາ​ໄສ​ຈີນ ​ແລະ​ຈີນ​ກໍ​ຕອບ​ສະໜອງ​ໄດ້​ດີ​ອີ​ຫລີ່ ​ໂດຍ​ການ
​ໃຫ້​ເງິນ​ກູ້​ຢືມ​ຕື່ມ​ອີກ ​ແລະ​ຈັດ​ຕັ້ງ​ໂຄງການ​ຢູ່​ໃນ​ລາວ​ເພີ້​ມຂຶ້ນ. ສະ​ນັ້ນ ລາວ​ກໍ​
ຕ້ອງ​ໄດ້​ລະມັດລະວັງ​ແທ້ໆ.”

ຕາມ​ປະຫວັດສາດແລ້ວ ລາວ​ແມ່ນ​ໄດ້​ມີ​ສາຍ​ພົວພັນ​ອັນ​ໃກ້ຊິດ​ກັບ​ເພື່ອນ​ບ້ານ​ຫວຽດນາມ
ມາ​ເປັນ​ເວລາ​ດົນ​ນານ ຍ້ອນ​ຫລັງ​ຄືນ​ໄປ​ຫາ ​ແມ່ນ​ແຕ່ກ່ອນສະ​ໄໝສົງຄາມ​ອິນ​ໂດ​ຈີນ ​ໃນ​
ຊຸມ​ປີ 1960 ​ແລະ 1970 ພຸ້ນ. ສາຍ​ພົວພັນ​ອັນ​ແຂງ​ແຮງ​ນີ້ ​ໄດ້ດຳ​ເນີນ​ສືບ​ຕໍ່​ມາ​ລະຫວ່າງ​ລັດຖະ ບານ​ຄອມ​ມິ​ວນິສທັງ​ສອງ ຈົນ​ເຖິງ​ປັດຈຸບັນ​ນີ້. ​ແຕ່​ ທ່ານ Martin Stuart-Fox
ສາ​ສະ​ດາ​ຈານ​ກິ​ດຕິ​ຄຸນ​ວິຊາ​ປະຫວັດສາດ ທີ່​ມະຫາວິທະ ຍາ​ໄລ Queensland ກ່າວ​ວ່າ ຈີນ​ໄດ້​ພັດທະນານະ​ໂຍບາຍທີ່​ແນ​ໃສ່ ເຮັດ​ໃຫ້​ຄວາມ​ສຳພັນ​ລະຫວ່າງລາວກັບຫວຽດນາມ​ ອ່ອນ​ແອ​ລົງ.

ທ່ານ Martin Stuart-Fox ກ່າວ​ວ່າ “​ໃນ​ຂະນະ​ທີ່​ອິດ​ທິພົນ​ທາງ​ເສດຖະກິດ​ເພີ້​ມ
ທະວີ​ຂຶ້ນ ອິດ​ທິພົນ​ທາງ​ການ​ເມືອງ​ກໍ​ເພີ້​ມຂຶ້ນ​ໄປ​ພ້ອມໆ​ກັນ. ຈີນແມ່ນ​ໄດ້​ຕົກລົງ​ໃຈ
ມາ​ຕະຫລອດ​ເວລາ​ແລ້ວ​ວ່າ ​ເຂົາ​ເຈົ້າ​ຈະຕ້ອງມີ​ອິດ​ທິພົນ​ ຢ່າງ​ນ້ອຍກໍ​ເທົ່າໆ​ກັນ​ກັບ​ຫວຽດນາມ. ​ໄດ້​ມີ​ການ​ຕັດສິນໃຈ ຢູ່​ໃນ​ປັກ​ກິ່ງ​ວ່າ ຈະ​ຕ້ອງ​ບໍ່​ປ່ອຍ​ໃຫ້​ລາວຕົກ​ຢູ່​ໃນ​
ວົງ​ອິດ​ທິພົນ​ຂອງ​ຫວຽດນາມ.”

ບັນດາ​ນັກວິ​ເຄາະ​ກ່າວ​ວ່າ ລັດຖະບານ​ລາວ​ຮັບ​ຮູ້​ໃນ​ຄວາມ​ຈຳ​ເປັນ ທີ່​ຈະ​ຕ້ອງ​ສ້າງ​ຄວາມ
​ກ້ຳ​ເກິ່ງ​ກັນ ລະຫວ່າງອິດ​ທິພົນ​ຂອງ​ຈີນ​ກັບຫວຽດນາມ ​ແລະ​ດຶງ​ເອົາ​ການ​ສະໜັບສະໜຸນ
ຈາກ​ຝ່າຍ​ຕາ​ເວັນ​ຕົກ.

​ໃນ 2016 ຄື​ປີໜ້າ​ນີ້ ລາວ​ຈະຂຶ້ນ​ເປັນ​ປະທານສະມາຄົມ​ອາ​ຊ່ຽນ ຊຶ່ງ​ມີ​ການ​ເບິ່ງ​ເຫັນ​ກັນ
​ວ່າ ມັນ​ຈະ​ເປັນ​ໂອກາດ​ອຳນວຍ​ໃຫ້​ວຽງ​ຈັນ ມີ​ອຳນາດງັດ​ງ້າງ​ແລະຕໍ່​ລອງ ​ໃນ​ການ​ຮັບ​ມື​ກັບ​ບັນດາ​ເພື່ອນ​ບ້ານ​ທີ່ເປັນ​ຄູ່​ແຂ່ງ​ກັນ ​ແລະໃຫຍ່​ໂຕ​ກ່ວາ​ຂອງ​ຕົນ.

ເບິ່ງຄວາມເຫັນ (17)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG