ໃນອາທິດແລ້ວນີ້ ເອກອັກຄະລັດຖະທູດສະຫະລັດປະຈຳ ສປປ
ລາວ ທ່ານ Daniel A. Clune ແລະ ລັດຖະມົນຕີຊ່ວຍວ່າການ
ຕ່າງປະເທດ ພະນະທ່ານແສງເພັດ ຮຸ່ງບຸນຍວງໄດ້ເຂົ້າຮ່ວມພິທີ
ມອບຮັບຊາກກະດູກຂອງທະຫານອາເມຣິກັນທີ່ໄດ້ຖືກຄົ້ນພົບຢູ່
ແຂວງອັດຕະປືແລະສະຫວັນນະເຂດ ອີງຕາມລາຍງານຂ່າວສະ
ສະຖານທູດສະຫະລັດ.
ນັບເປັນເວລາຫຼາຍກວ່າ 30 ປີມາແລ້ວ ທີ່ ສປປ ລາວ ແລະສະຫະລັດ ໄດ້ຮ່ວມມືກັນ ໃນ
ການສົ່ງມອບຊາກກະດູກທະຫານອາເມຣິກັນທີ່ໄດ້ຫາຍສາບສູນໄປໃນລະຫວ່າງບັນຫາ
ຂັດແຍ້ງອິນດູຈີນ. ການສົ່ງມອບຊາກກະດູກນີ້ແມ່ນຜົນຂອງການຮ່ວມມືແລະການປະຕິ
ບັດງານ ລະຫວ່າງ ສປປ ລາວ ກັບສະຫະລັດ ລວມທັງການສະໜັບສະໜູນຂອງພະນັກ ງານລັດຖະກອນແລະປະຊາຊົນໃນແຂວງອັດຕະປືແລະເຊກອງນຳດ້ວຍ.
ນັບແຕ່ຕອນເລີ້ມຕົ້ນຂອງການຮ່ວມມືກັນ ໃນປີ 1985 ທັງສອງຝ່າຍ ໄດ້ເກັບກູ້ຊາກກະດູກ
ຂອງທະຫານອາເມຣິກັນທັງໝົດ 271 ຄົນ ຊຶ່ງໄດ້ຖືກສົ່ງກັບຄືນມາຍັງສະຫະລັດ ເພື່ອການ
ສັນລະສູດແລະມອບໃຫ້ແກ່ຄອບຄົວຂອງພວກເຂົາເຈົ້າ.
