ລິ້ງ ສຳຫລັບເຂົ້າຫາ

ວັນອັງຄານ, 29 ພະຈິກ 2022

ລາວຈະໂຈະ ການອະນຸມັດ ສໍາປະທານທີ່ດິນ ແລະ ຂຸດຄົ້ນບໍ່ແຮ່


A Shi'ite worshipper beats himself with chains as a sign of grief for Imam Hussein during Muharram between the holy shrines of Imam Hussein and Imam Abbas in Karbala, Iraq, Nov. 13, 2013.

ລັດຖະບານລາວຈະໂຈະ ການອະນຸມັດສໍາປະທານ ທີ່ດິນສໍາລັບການຂຸດຄົ້ນບໍ່ແຮ່ ແລະປູກ ຢາງພາລາ ຫລືໄມ້ວິກໃຫ້ແກ່ເອກະຊົນ ຈົນເຖິງ ທ້າຍປີ 2015 ທັງຍັງຈະກວດກາໂຄງການ ທີ່ອະນຸມັດໄປແລ້ວ ອີກດ້ວຍ.

ທ່ານ​ທອງ​ສິງ ທໍາ​ມະ​ວົງ ນາຍົກລັດຖະມົນຕີລາວ ​ໄດ້​ຖະ​ແຫຼ​ງຢືນຢັນ​ຕໍ່​ກອງ​ປະຊຸມ​ສະ​ໄໝ​
ສາມັນ ​ຄັ້ງ​ທີ່ 3 ຂອງ​ສະພາ​ແຫ່ງ​ຊາດ​ຊຸດ​ທີ່ 7 ທີ່​ກໍາ​ລັງ​ດໍາ​ເນີນ​ກອງ​ປະຊຸມ​ຢູ່​ໃນ​ເວລາ​ນີ້ ​ວ່າ
​ລັດຖະບານລາວ​ຈະ​ບໍ່​ອະນຸຍາດ​ແລະ​ບໍ່​ຮັບ​ພິດ​ຈາລະ​ນາ​ໃຫ້​ກຸ່ມ​ບຸກຄົນ ຫຼື​ສ່ວນ​ບຸກຄົນ​ໃດ​ຍື່ນ
​ຫຼື​ລົງ​ທຶນ​ໃໝ່​ໃນໂຄງການ​ຂຸດ​ຄົ້ນ​ບໍ່​ແຮ່ ​ແລະ​ສໍາ​ປະທານ​ປູກ​ຢາງ ພາລາ​ຫຼື​ໄມ້​ວິກ​ໃນ​ທົ່ວ​ປະ​ເທດ
ນັບ​ຈາກ​ປັດຈຸບັນ​ນີ້ ​ໄປ​ຈົນ​ເຖິງ​ວັນທີ 31 ທັນວາ ປີ 2015 ​ແລະ​ໃນ​ໄລຍະ​ດັ່ງກ່າວ​ນີ້ ລັດຖະ
ບານ​ລາວ​ກໍ​ຍັງ​ດໍາ​ເນີນການ​ທົບ​ທວນ​ນະ​ໂຍບາຍ ​ແລະ​ກວດກາ​ບັນດາ​ໂຄງການ​ຕ່າງໆ​ທີ່​ໄດ້
​ອະນຸຍາດ​ໄປ​ແລ້ວນັ້ນ​ ວ່າ​ໄດ້ປະຕິບັດ​ຕາມ​ສັນຍາ​ຢາງ​ຖືກຕ້ອງ​ຫຼື​ບໍ່​ ອີກ​ດ້ວຍ.

ທ່ານ ທອງສິງ ທໍາມະວົງ ນາຍົກລັດຖະມົນຕີລາວ
ທ່ານ ທອງສິງ ທໍາມະວົງ ນາຍົກລັດຖະມົນຕີລາວ

​ສໍາ​ລັບ​ການ​ກວດກາ​ບັນດາ​ໂຄງການ​ຕ່າງໆ​ທີ່​ໄດ້​ອະນຸ
ຍາດ​ໄປ​ແລ້ວ​ນັ້ນ ທ່າ​ນທອງ​ສິງກໍ​ໄດ້​ເນັ້ນ​ຍໍ້າວ່າ ​ຈະ​ມີ
​ຄໍາ​ສັ່ງ​ໂຈະ​ໂຄງການ​ໃນ​ທັນທີ ຖ້າຫາກ​ກວດ​ພົບ​ວ່າ​ໄດ້​ມີ
​ການປະຕິບັດ​ທີ່​ບໍ່​ໄປ​ບໍ່​ມາ​ຫຼື​ຂາດ​ປະສິດທິ​ຜົນ​ໃນ​ການ
​ດໍາເນີນ​ໂຄງການ​. ​ແຕ່​ວ່າ​ສໍາລັບໂຄງການ​ທີ່​ໄດ້​ມີ​ການ​
ປະຕິບັດ​ຕາມ​ຂໍ້​ຕົກລົງ ຫຼື​ເປັນ​ໄປ​ຕາມ​ສັນຍາ​ຢ່າງ​ມີ​ປະ
ສິດທິ​ຜົນນັ້ນ​ກໍ​ສາມາດ​ທີ່​ຈະ​ດໍາ​ເນີນ​ໂຄງການ​ໄດ້​ຕໍ່​ໄປ.

ທັ້ງນີ້​ໂດຍ​ອີງ​ຕາມ​ລາຍ​ງານ​ຂອງ​ກະຊວງ​ແຜນການ​ແລະ​ການ​ລົງທຶນ​ກໍ​ໄດ້​ລະບຸ​ວ່າ​ນັບ ​ແຕ່​ປີ 1998 ມາ​ຈົນ​ເຖິງ​ປັດຈຸບັນ​ນີ້ ລັດຖະບານ​ລາວ​ໄດ້​ອະນຸມັດ​ສໍາ​ປະທານ​ການ​ຂຸດ​ຄົ້ນ​ບໍ່​ແຮ່​ໄປ​ແລ້ວ 171 ​ໂຄງການ ​ແລະ​ອະນຸມັດ​ສໍາ​ປະທານ​ທີ່​ດິນ​ເພື່ອ​ປູກ​ຢາງພາລາ ​ແລະ​ໄມ້​ວິກ 55 ​ໂຄງການ ​ໂດຍ​ຄິດ​ເປັນ​ມູນ​ຄ່າ​ການ​ລົງທຶນ​ລວມ​ເກີນ​ກວ່າ 8,100 ລ້ານ​ໂດ​ລາ ຫຼື​ຄິດ​ເປັນ​ຫຼາຍ​ກວ່າ 30% ຂອງ​ມູນ​ຄ່າ​ການ​ລົງທຶນ​ທັງ​ໝົດ​ໃນ​ລາວ​ໃນ ປັດຈຸບັນ.

ແຕ່​ຢ່າງ​ໃດ​ກໍ​ຕາມ ການ​ອະນຸຍາດ​ສໍາ​ປະທານ​ດັ່ງກ່າວ​ກໍ​ໄດ້​ສົ່ງ​ຜົນ​ກະທົບ​ດ້ານ​ລົບ​ຕໍ່ລາວ
​ບໍ່​ໜ້ອຍ​ຄື​ກັນ. ​ໂດຍ​ສະ​ມາ​ຊິກ​ສະພາ​ແຫ່ງ​ຊາດ​ລາວ​ໄດ້​ຢືນຢັນ​ວ່າ ບັນຫາສໍາຄັນທີ່​ສຸດ​ທີ່
​ປະຊາຊົນ​ລາວ​ໄດ້​ສະ​ແດງ​ການ​ຮຽກຮ້ອງ​ຂໍ​ການ​ຊ່ວຍ​ເຫຼືອ​ຈາກ​ສະ​ພາ​ແຫ່ງ​ຊາດ​ລາວ​ຫຼາຍ
​ທີ່​ສຸດ​ໃນ​ທຸກ​ມື້​ນີ້ ກໍ​ຄື​ບັນຫາ​ຂັດ​ແຍ້​ງກ່ຽວ​ກັບ​ທີ່​ດິນ​ທໍາ​ມາ​ຫາ​ກິນ​ແລະ​ທີ່ຢູ່​ອາ​ໃສ ຊຶ່ງ​ສ່ວນ
​ໃຫຍ່​ກໍ​ເປັນ​ບັນ​ຫາຂັດ​ແຍ້​ງກັບ​ວົງ​ການ​ລັດຖະບານ ​ແລະ​ບັນດາ​ອົງການ​ປົກຄອງ​ທ້ອງ​ຖິ່ນ
​ໃນ​ທົ່ວ​ປະ​ເທດ​ລາວ ດັ່ງ​ທີ່​ສະມາຊິກ​ສະພາ​ແຫ່ງ​ຊາດ​ລາວຄົນ​ດັ່ງກ່າວ​ນີ້​ໄດ້​ໃຫ້ການ​ຢືນຢັນ
​ເຖິງ​ສະ​ພາບ​ບັນຫາ​ທີ່​ເກີດ​ຂຶ້ນນັ້ນ​ວ່າ:

ຄະນະກໍາມະການກອງ​ປະຊຸມ​ສະ​ໄໝ​ສາມັນ​ຄັ້ງ​ທີ່ 3 ຂອງ​ສະພາ​ແຫ່ງ​ຊາດ​ຊຸດ​ທີ່ 7
ຄະນະກໍາມະການກອງ​ປະຊຸມ​ສະ​ໄໝ​ສາມັນ​ຄັ້ງ​ທີ່ 3 ຂອງ​ສະພາ​ແຫ່ງ​ຊາດ​ຊຸດ​ທີ່ 7

“ກົດໝາຍ​ກ່ຽວ​ກັບ​ທີ່​ດິນ ​ແລະ​ບັນດາ​ກົດໝາຍ​ກ່ຽວ​ພັນ​ເຖິງ​ການ​ຄຸ້ມ​ຄອງ​ນໍາ​ໃຊ້​ທີ່​ດິນ ມີ​ຊ່ອງ​ວ່າງ​ເຮັດ​ໃຫ້​ຄົນ​ທີ່​ມີ​ສິດ ອໍານາດ ມີ​ເງິນ ມີຄ່າ​ຈໍານວນ​ນຶ່ງນັ້ນ ສວຍ​ໂອກາດ ​ເອົາ​ດິນ​ຂອງ​ລັດ​ມາ​ເປັນ​ຂອງ​ຕົວ​ເອງ ນາຍບ້ານ​ກໍ​ມີ​ສິດ ​ເຈົ້າ​ເມືອງ​ກໍ​ມີ​ສິດ ​ເຈົ້າ​ແຂວງ ກໍ​ມີ​ສິດ ອົງການ​ຄຸ້ມ​ຄອງ​ທີ່​ດິນ​ກໍ​ມີ​ສິດ ​ແລະ​ບັນດາ​ກະຊວງ​ກໍ​ມີ​ສິດ ​ແລ້ວ​ແຕ່​ອັນ​ຜູ້​ຈ​ະ ​ເຮັດ​ຂໍ້​ຕົກລົງ​ມອບ​ບາດ​ດຽວ​ໂລດ ​ແລ້ວ​ຈຶ່ງ​ໄປ​ແລ່ນ​ເຈັ້ຍ​ສໍ​ຕາມຫຼັງ​ເອົາ​ເດີ​ວ່າ​ຊັ້ນ”

ສະມາຊິກ​ສະພາ​ແຫ່ງ​ຊາດ​ລາວ​ ຍັງ​ບອກ​ດ້ວຍ​ວ່າ ການ​ຮຽກຮ້ອງ​ຂໍ​ຄວາມຊ່ວຍ​ເຫຼື​ອ ຂອງ​ປະຊາຊົນ​ລາວ​ດັ່ງກ່າວ​ໄດ້​ເພີ່ມ​ຂຶ້ນ​ໄປ​ທຸກ​ປີ​ ​ໂດຍ​ໃນ​ປີ 2011 ທີ່​ຜ່ານ​ມາ ກໍປາກົດ​ວ່າ​ມີ​ຢູ່​ຫຼາຍ​ກວ່າ 400 ກໍລະນີ ທີ່​ປະຊາຊົນ​ລາວ​ໄດ້​ສະ​ແດງ​ການ​ຮຽກຮ້ອງ​ ​ໂດຍ​ກົງ​ມາ​ເຖິງ​ຫ້ອງການ​ສະພາ​ແຫ່​ງຊາດ​ລາວ ​ແລະການ​ຮຽກຮ້ອງ​ດັ່ງກ່າວ​ກໍ​ຍັງ ລວມ​ເຖິງ​ການ​ຂໍ​ໃຫ້​ມີ​ການ​ແກ້​ໄຂ​ບັນຫາ​ຕ່າງໆ​ທີ່​ເກີດ​ຂຶ້ນໃນ​ວົງ​ການ​ລັດຖະບານລາວ ນັ້ນ​ດ້ວຍ.

ນອກ​ຈາກ​ນັ້ນ ປະຊາຊົນ​ທີ່​ໄດ້​ສະ​ແດງ​ການ​ຮຽກຮ້ອງ​ເຖິງ​ສະ​ພາ​ແຫ່ງ​ຊາດ​ລາວ​ເຫຼົ່ານີ້ ກໍ​ຍັງ​ໄດ້​ຮຽກຮ້ອງ​ໃຫ້​ຄະນະ​ລັດຖະບານ​ລາວ​ດໍາ​ເນີນ​ການ​ບໍລິຫານ​ປະ​ເທດ​ຢ່າງ​ໂປ່​ງ​ໃສ ​ເຊັ່ນ​ມີ​ການ​ນໍາ​ໃຊ້​ງົບປະມານ​ຢ່າງ​ມີ​ປະສິດທິ​ຜົນ ຫຼື​ບໍ່​ມີ​ການ​ຮົ່ວ​ໄຫຼ​ຂອງ​ງົບປະມານ ມີ​ການ​ສຶກສາ ​ແລະ​ປ້ອງ​ກັນ​ບັນຫາ​ຜົນ​ກະທົບ​ຕໍ່​ສັງຄົມ ​ແລະ​ສິ່ງ​ແວດລ້ອມ​ທໍາ​ມະ​ຊາດ​ຢ່າງ​ຄັກ​ແນ່ ກ່ອນ​ທີ່​ຈະ​ຕັດສິນ​ໃຈ​ອະນຸມັດ​ໂຄງການ​ລົງທຶນ​ຈາກຕ່າງປະ​ເທດ​ໃນ​ລາວ ​ແລະ​ຄວບ​ຄຸມ​ກວດກາ​ການ​ນໍາ​ໃຊ້​ຊັບສິນ​ຂອງ​ລັດຖະບານ​ ໃຫ້ຖືກຕ້ອງ​ຕາມ​ກົດໝາຍ​ຢ່າງ​ເຂັ້ມ​ງວດ.

XS
SM
MD
LG