ທ່ານພູເພັດ ຄໍາພູນວົງ ລັດຖະ
ມົນຕີວ່າການກະຊວງການເງິນ
ໄດ້ຖະແຫຼງຕໍ່ກອງປະຊຸມສະໄໝ
ສະມັນຄັ້ງທີ 3 ຂອງສະພາແຫ່ງ
ຊາດລາວຊຸດທີ 7 ທີ່ກໍາລັງດໍາ
ເນີນກອງປະຊຸມຢູ່ໃນເວລານີ້ວ່າ
ລັດຖະບານລາວໄດ້ຮັບການຊ່ວຍ
ເຫຼືອຈາກຕ່າງປະເທດເພີ່ມຂຶ້ນ
ທຸກປີ ໂດຍສໍາລັບໃນໄລຍະ 2 ປີ
ຜ່ານມານີ້ປາກົດວ່າ ລັດຖະບານ
ລາວໄດ້ຮັບການຊ່ວຍເຫຼືອຈາກ
ຕ່າງປະເທດເພີ່ມຂຶ້ນ ໃນອັດຕາ
ສະເລຍເຖິງ 20%.
ທັງນີ້ໂດຍຖ້າຫາກຄິດໄລ່ສະເພາະໃນແຜນການປີ 2011-2012 ນີ້ ກໍພົບວ່າ ລັດຖະບານ
ລາວໄດ້ຮັບການຊ່ວຍເຫຼືອຈາກຕ່າງປະເທດ ຄິດເປັນມູນຄ່າຮວມເກີນກວ່າ 630 ລ້ານໂດ
ລາ ຊຶ່ງໃນນີ້ກໍເປັນການຊ່ວຍເຫຼືອລ້າ ໃນມູນຄ່າ 529 ລ້ານໂດລາ ແລະກູ້ຢືມອີກ 100 ກວ່າ
ລ້ານໂດລາ ແລະລັດຖະບານລາວກໍໄດ້ນໍາໃຊ້ການຊ່ວຍເຫຼືອດັ່ງກ່າວນີ້ ເຂົ້າໃນໂຄງການພັດ
ທະນາຕ່າງໆ ເພື່ອແກ້ໄຂບັນຫາຄວາມຍາກຈົນຂອງປະຊາຊົນລາວ ເປັນດ້ານຫຼັກ.
ແຕ່ຢ່າງໃດກໍຕາມ ເຖິງແມ່ນວ່າ
ການຊ່ວຍເຫຼືອຈາກຕ່າງປະ
ເທດຈະເພີ່ມຂຶ້ນທຸກປີກໍຕາມ
ຫາກແຕ່ກໍຍັງຖືວ່າ ບໍ່ພຽງພໍ
ກັບລະດັບຄວາມຕ້ອງການ
ທີ່ເປັນຈິງຂອງລັດຖະບານລາວ
ໂດຍສະເພາະແມ່ນການທີ່ຈະ
ເຮັດໃຫ້ເສດຖະກິດຂອງລາວ
ຂະຫຍາຍຕົວໃນອັດຕາສະເລ່ຍ
ບໍ່ຫຼຸດ 8.5% ໃນແຜນການປີ
2012-2013 ທີ່ຈະລົງມືປະຕິ
ບັດຈັດຕັ້ງ ໃນຊ່ວງເດືອນຕຸລາ
2012 ເຖິງເດືອນກັນຍາ 2013 ກໍຈໍາເປັນທີ່ຈະຕ້ອງໄດ້ຮັບການຊ່ວຍເຫຼືອລ້າ ຈາກຕ່າງປະ
ເທດບໍ່ໜ້ອຍ ກວ່າ 4,610 ຕື້ກີບ ຫຼືປະມານ 576 ລ້ານໂດລາ ແລະເພີ່ມຂຶ້ນ 8.8% ເມື່ອ
ທຽບໃສ່ແຜນການປີ 2011-2012 ດັ່ງທີ່ ທ່ານພູເພັດ ໄດ້ຖະແຫຼງຊີ້ແຈງວ່າ:
“ລາຍຮັບການຊ່ວຍເຫຼືອຈາກຕ່າງປະເທດ 4,610 ຕື້ກີບ ເພີ່ມຂຶ້ນ 8.88% ທຽບໃສ່
ປີຜ່ານມາ ໃນນັ້ນຊ່ວຍເຫຼືອ ເປັນໂຄງການທີ່ກະຊວງການເງິນຄຸ້ມຄອງ ກໍມີ 1,177
ຕື້ກີບ ເພີ່ມຂຶ້ນ 25.33% ລາຍຮັບຊ່ວຍເຫຼືອເປັນໂຄງການ ທີ່ກະຊວງແຜນການ
ແລະການລົງທຶນຄຸ້ມຄອງມີ 3,253 ຕື້ກີບ ເພີ່ມຂຶ້ນ 10.05% ທຽບໃສ່ປີທີ່ຜ່ານມາ.”
ລັດຖະບານລາວໄດ້ວາງຄາດ
ໝາຍໄວ້ວ່າ ໃນຕະຫຼອດໄລ
ຍະແຜນການປີ 2012-2013
ດັ່ງກ່າວ ຈະພະຍາຍາມສ້າງ
ລາຍຮັບໃຫ້ໄດ້ໃນມູນຄ່າລວມ
19,543 ຕື້ກີບ ຫຼືເທົ່າກັບ
24.21% ຂອງຍອດຜະລິດ
ຕະພັນລວມພາຍໃນປະເທດ
(GDP) ຊຶ່ງໃນນີ້ແບ່ງເປັນລາຍ
ຮັບພາຍໃນປະເທດ 14,933
ຕື້ກີບ ທີ່ຈະໄດ້ຈາກການເກັບ
ພາສີສ່ວຍສາອາກອນ, ການ
ຄຸ້ມຄອງລັດວິສະຫະກິດ, ຊັບ
ສິນຂອງລັດ ແລະລາຍຮັບຈາກທຸລະກິດຄ້າໄມ້ ສ່ວນນອກນັ້ນ ກໍຈະເປັນການຊ່ວຍເຫຼືອ
ລ້າຈາກຕ່າງປະເທດ.
ຫາກແຕ່ເນື່ອງຈາກວ່າ ໃນ
ໄລຍະແຜນການປີ 2012-
2013 ດັ່ງກ່າວ ລັດຖະບານ
ລາວກໍໄດ້ຕັ້ງງົບປະມານ
ລາຍຈ່າຍໄວ້ໃນມູນຄ່າລວມ
ເຖິງ 23,385 ຕື້ກີບ ຫຼືເທົ່າ
ກັບ 28.97% ຂອງ GDP
ແລະເພີ່ມຂຶ້ນຈາກແຜນການ
ປີ 2011-2012 ຄິດເປັນອັດ
ຕາສະເລ່ຍເຖິງ 23.23%
ນັ້ນ ຈຶ່ງເຮັດໃຫ້ລັດຖະບານ
ລາວຕ້ອງພະຍາຍາມດຸ່ນດ່ຽງ ບໍ່ໃຫ້ຂາດດຸນທາງດ້ານງົບປະມານ ໃນອັດຕາທີ່ສູງເກີນກວ່າ
4.76% ຂອງ GDP ດ້ວຍການຮຽກຮ້ອງຂໍການຊ່ວຍເຫຼືອ ຈາກຕ່າງປະເທດໃຫ້ໄດ້ຫຼາຍຂຶ້ນ.
ທັງນີ້ ຖ້າຫາກອິງຕາມແຜນການສ້າງລາຍຮັບພາຍໃນປະເທດຂອງລັດຖະບານລາວ ທີ່ຄາດ
ໝາຍວ່າ ຈະມີມູນຄ່າລວມປະມານ 14,933 ຕື້ກີບ ຫຼືຄິດເປັນພຽງແຕ່ 18.5% ຂອງ GDP
ເທົ່ານັ້ນ ອີກດ້ວຍແລ້ວ ກໍເຮັດໃຫ້ລັດຖະບານລາວ ຕ້ອງຂໍການຊ່ວຍເຫຼືອ ຈາກຕ່າງປະເທດ
ໃຫ້ໄດ້ໃນມູນຄ່າລວມເຖິງ 8,452 ຕື້ກີບ ຫຼືເກີນກວ່າ 1 ຕື້ ໂດລາ.