ສືບເນື່ອງຈາກບັນຫາທີ່ລັດຖະບານ ລາວ ຍັງບໍ່ມີງົບປະມານເພື່ອນຳໃຊ້ໃນການດຳເນີນການສຳຫຼວດເພື່ອການຈັດທຳແຜນທີ່ ກ່ຽວກັບ ແຫຼ່ງຊັບພະຍາກອນແຮ່ທາດທີ່ໄດ້ມາດຕະຖານສາກົນ ທີ່ຈະຕ້ອງນຳໃຊ້ງົບປະມານເກີນກວ່າ 24 ລ້ານໂດລານັ້ນ ຈຶ່ງຕ້ອງຂໍການຊ່ວຍເຫຼືອຈາກລັດຖະບານ ຈີນ ແລະ ລັດຖະບານ ຈີນ ກໍໄດ້ຕົກລົງທີ່ຈະໃຫ້ການຊ່ວຍເຫຼືອຕາມການຮ້ອງຂໍດັ່ງກ່າວຂອງທາງການ ລາວ ເມື່ອບໍ່ດົນມານີ້ໂດຍໄດ້ມອບໝາຍໃຫ້ກຸ່ມບໍລິສັດດາວທຽມ ແລະ ເທັກໂນໂລຈີຈຳກັດຂອງ ຈີນ ເປັນພາກສ່ວນຮັບຜິດຊອບດຳເນີນການດັ່ງກ່າວ ດ້ວຍການນຳໃຊ້ດາວທຽມ BEIDUO ເຂົ້າໃນການສຳຫຼວດ ແລະ ການຈັດທຳແຜນທີ່ແຫຼ່ງຊັບພະຍາກອນແຮ່ທາດໃນລາວໃຫ້ເປັນລະບົບດິຈິຕອລທີ່ທັນສະໄໝ ຊຶ່ງການຈັດທຳແຜນທີ່ດັ່ງກ່າວ ກໍຍັງຈະລວມເຖິງການກຳນົດເຂດສຳປະທານຂຸດຄົ້ນແຮ່ທາດຢ່າງຊັດເຈນອີກດ້ວຍ ເນື່ອງຈາກວ່າການອະນຸຍາດສຳປະທານໃນໄລຍະຜ່ານມານັ້ນໄດ້ສົ່ງຜົນກະທົບຕໍ່ສະພາບແວດລ້ອມທຳມະຊາດ ແລະ ປະຊາຊົນຢ່າງກວ້າງຂວາງ ເພາະເປັນການອະນຸຍາດໂດຍທີ່ປະຊາຊົນໃນທ້ອງຖິ່ນບໍ່ມີສ່ວນຮ່ວມແຕ່ຢ່າງໃດ.
ລັດຖະບານ ລາວ ຈະດຳເນີນການສຳຫຼວດເພື່ອຈັດທຳແຜນທີ່ດ້ານຊັບພະຍາກອນຢ່າງລະອຽດໃນທົ່ວປະເທດ ໂດຍໃຊ້ດາວທຽມສຳຫຼວດຂອງ ຈີນ
- ຊົງຣິດ ໂພນເງິນ
ຟໍຣັມສະແດງຄວາມຄິດເຫັນ