ລິ້ງ ສຳຫລັບເຂົ້າຫາ

ການສຶກສາຂອງລາວ ສົມທຽບໃສ່ ເຂດເອເຊຍ ຕາເວັນອອກ, ຕອນທີ 1

  • ໄພສານ ວໍຣະຈັກ

ນັກຮຽນຢູ່ໃນເຂດຊົນນະບົດແຫ່ງນຶ່ງຂອງລາວ

ຄວາມ​ກ້າວໜ້າກ່ຽວກັບການສຶກສາຢູ່ລາວ ​​ໄດ້ມີການສົນທະນາຫາລືກັນ ​ໃນກອງ​ປະຊຸມ​ຜູ້​ບໍລິຫານ​ການ​ສຶກສາ​ຈາກທົ່ວ​ປະ​ເທດປະຈຳ 2011 ​ແລະ​​ໃນພິທີເຜີຍແຜ່ລາຍງານການຕິດ ຕາມເບິ່ງຄວາມກ້າວໜ້າຂອງການສຶກສາສຳລັບ​ທຸກ​ຄົນ​ຢູ່​ໃນ​ທົ່ວ​ໂລກ ຫຼື Education for All ຂອງອົງການຢູ​ແນັສ​ໂກ ທີ່ນະຄອນຫລວງວຽງຈັນ ເມື່ອ​​ເດືອນ​ມິຖຸນາ​ຜ່ານ​ມາ.

ກອງ​ປະຊຸມ​ຜູ້​ບໍລິຫານ​ການ​ສຶກສາ​ຈາກ​ທົ່ວ​ປະ​ເທດ ​ປະຈຳ​ປີ 2011 ຂອງລາວໄດ້​ໄຂ​ຂຶ້ນ​ໃນ​
ລະຫວ່າງ​ວັນ​ທີ 13 ຫາ 16 ມິຖຸນາ​ຜ່ານມາ ​ແລະ​ໃນ​ມື້ສຸດ​ທ້າຍ​ຂອງກອງປະຊຸມ​ຊຶ່ງ​ໄດ້​ຈັດ
ຂຶ້ນທີ່ສູນ​ກາງ​ການ​ຮ່ວມມື​ລາວ-ຍີ່ປຸ່ນຫຼັກ 5 ​ໃນ​ນະຄອນຫຼວງວຽງ​ຈັນ​ນັ້ນ ໄດ້​ມີ​ການ​ນຳ​ເຜີຍ
ແຜ່ລາຍງານການ​ຕິດຕາມເບິ່ງ​ຄວາມ​ກ້າວໜ້າ​ໃນ​ການ​ປະຕິບັດ​ງານ​ແຜນການ​ທີ່​ເອີ້ນວ່າ ການ​
ສຶກສາ​ສຳລັບ​ທຸກ​ຄົນ​ຢູ່​ໃນ​ທົ່ວ​ໂລກ​ຫຼື Education for All ຂອງ​ອົງການໆສຶກສາ ວິທະຍາ
ສາດແລະ​ວັດທະນະທຳ​ຂອງ​ສະຫະ​ປະກາດຫຼືຢູ​ແນັສ​ໂກ.

ກອງ​ປະຊຸມ ​ທີ່​ຈັດ​ຂຶ້ນພາຍ​ໃຕ້​ການ​ເປັນ​ປະທານ​ຂອງ​ລັດຖະມົນຕີ​ກະຊວງ​ສຶກສາ​ທິການ​ຂອງ
ລາວ ແມ່ນ​ມີ​ບັນດາ​ລັດຖະມົນຕີ​ຊ່ອຍ​ວ່າການ ພະ​ແນ​ກສຶກສາ​ແຂວງ ຕະຫຼອດທັງ​ສະ​ຖາ​ບັນ
ການ​ສຶກສາທຸກ​ລະດັບແລະ​ພາກສ່ວນ​ກ່ຽວຂ້ອງຕ່າງໆ​ເຂົ້າຮ່ວມ​ນຳ.

ລາຍງານຂ່າວຂອງລາວແຈ້ງວ່າ ບັນດາ​ຜູ້ຕາງໜ້າ​ທີ່​ເຂົ້າຮ່ວມ​ໃນ​ກອງ​ປະຊຸມ​ຄັ້ງນີ້​ໄດ້​ປະກອບ
ຄວາມ​ຄິດ​ຄວາມ​ເຫັນ​ກ່ຽວກັບບັນຫາ​ຕ່າງໆ​ທີ່​ໄດ້​ມີການສະ​ເໜີ​ຢູ່​ໃນ​ກອງ​ປະຊຸມ ຮວມທັງການ
ຮ່າງ​ທິດ​ທາງ​ແຜນ​ພັດ​ທະ​ນາ​ການ​ສຶກສາ 5 ປີ​ ຄັ້ງທີ 7 ​ແຕ່ປີ 2011 ຫາ 2015 ບົດ​ສະ
ຫຼຸບ​ແຜນ​ພັດທະນາ​ການ​ສຶກສາ ປີ 2010-2011 ທິດ​ທາງແຜນ​ພັດທະນາ​ການ​ສຶກສາ ສົກ
ຮຽນປີ 2011-2012 ບັນຫາ​ການ​ຮັບເອົາ​ພະ​ນັກ​ງານ​ຄູ ການສົ່ງ​ເສີມ​ໃຫ້​ຮຽນ​ວິຊາ​ຊີບ ຂອບ
ພັດທະນາ​ຂະ​ແໜງ​ການ​ສຶກສາ​ແລະ​ອື່ນໆ. ທີ່​ປະຊຸມ​ໄດ້​ມີ​ຄວາມ​ເປັນ​ເອກ​ກະພາບ​ກັນໃນດ້ານ
ທັດສະນະ​ທີ່​ເປັນຫຼັກການ​ແລະ​ຮັບຮ​ອງ​ເປັນ​ມະຕິ​ຂອງ​ກອງ​ປະຊຸມໂດຍທີ່​ມະ​ຕິ​ດັ່ງກ່າວ​ຈະເປັນ
ບ່ອນອີງ​ ໃຫ້​ແກ່​ຜູ້​ບໍລິຫານ​ການ​ສຶກສາທຸກ​ຂັ້ນ ​ໃນການ​ຈັດຕັ້ງປະຕິບັດ​ແຜນ​ພັດທະນາ​ການ​
ສຶກສາ 5 ປີ ຄັ້ງທີ 7 ​ແຜນຍຸດ​ທະ​ສາດ​ການ​ປະຕິ​ຮູບລະບົບ​ການ​ສຶກສາ​ແຫ່ງ​ຊາດໄລຍະທີ
2 ​ແຕ່​ປີ 2011 ຫາ 2015 ​ໂດຍ​ສະ​ເພາະ ​ແມ່ນ​ການຈັດຕັ້ງປະຕິບັດແຜນພັດທະນາ​ການ
ສຶກສາ​ ສົກຮຽນປີ 2011-2012 ທີ່​ເລັ່ງ​ໃສ່​ໃຫ້​ສຳ​ເລັດເປົ້າໝາຍສະຫັດ​ສະ​ວັດ​ດ້ານ​ການ​ສຶກ
ສາ​ໃນປີ 2015.

ໂຄງ​ການ Education for All ຫຼືການສຶກສາ​ສຳລັບ​ທຸກ​ຄົນ ຊຶ່ງ​ເປັນ​ເປົ້າໝາຍສະຫັດສະ
ວັດຂອງອົງການສະຫະປະຊາຊາດນັ້ນ ແມ່ນຄວາມ​ໝາຍ​ໝັ້ນຕັ້ງ​ໃຈ​ຂອງ​ນາໆ​ຊາດ​ ທີ່​ໄດ້​ມີ
ການ​ຕົກ​ລົງຮັບ​ເອົາ​ ໂດຍ​ລັດຖະບານ​ຂອງ​ປະ​ເທດ​ຕ່າງໆ ອົງການ​ຈັດຕັ້ງນາໆຊາດທີ່​ບໍ່​ຂຶ້ນ
ກັບ​ລັດຖະບານ ພະ​ແນ​ກການ​ຕ່າງໆ ​ຂອງ​ອົງການ​ສະຫະ​ປະຊາຊາດ ​ແລະ​ຄູ່​ພັດທະນາ​ນັ້ນ
ແມ່ນ​ມີ​ເປົ້າໝາຍ​ຢູ່ 6 ຂໍ້ດ້ວຍກັນກໍ​ຄື 1. ເສີມ​ຂະຫຍາຍແລະ​ປັບປຸງ​ການ​ລ້ຽງດູແລະ
ໃຫ້ການ​ສຶ​ກສາ​ແກ່​ເດັກ ​ຕັ້ງ​ແຕ່​ຍັງ​ນ້ອຍໆ 2.​ ເອື້ອ​ອໍານວຍໃຫ້​ທຸກໆ​ຄົນ​ ໄດ້​ຮັບ
ການ​ສຶກສາລະດັບ​ປະຖົມ​ໃນ​ທົ່ວໂລກ 3. ເອື້ອ​ອໍານວຍ​ໃຫ້​ທຸກໆ​ຄົນໄດ້​ມີ​ໂອກາດ​
ຮໍ່າຮຽນ​ເອົາ​ຄວາມ​ຮູ້​ຄວາ​ມຊໍານານ ​ຕິດ​ໂຕ​ໄປ​ຕະຫລອດ​ຊີວິດ 4. ເອື້ອ​ອໍາ​ນວຍ ​
ໃຫ້​ທັງ​ເດັກ​ແລະ​ຜູ້​ໃຫຍ່​ສາມາດ​ອ່ານ​ອອກ​ຂຽນ​ໄດ້ 5. ລົບ​ລ້າງ​ຄວາມ​ແຕກ​ຕ່າງ​
ທາງ​ເພດ​ ສໍາລັບ​ໂອກາດ​ໃນການ​ສຶກສາ​ ທັງ​ໃນ​ຂັ້ນປະຖົມ​ແລະ​ມັດທະຍົມ​ແລະ
6. ​ປັບປຸງ​ຄຸນ​ນະພາ​ບຂອງ​ການ​ສຶກສາ​ໃນ​ທຸກໆ​ດ້ານ.

ຫົວ​ຂໍ້​ຂອງ​ລາຍ​ງານ ການ​ຕິດຕາມ​ເບິ່ງ​ຄວາມ​ກ້າວໜ້າ​ ກ່ຽວ​ກັບ​ການ​ສຶກສາ​ສໍາລັບ​ທຸກໆ​ຄົນ
ຫລື 2011 EFA Global Monitoring Report ສໍາລັບ​ປີ​ນີ້ ແມ່ນ ວິ​ກິ​ດການທີ່​ເບິ່ງ​
ບໍ່​ເຫັນກໍ​ຄື​ການຂັດ​ແຍ້​ງດ້ານ​ອາວຸດແລະ​ການ​ສຶກສາ
ທີ່​ດຶງ​ຄວາມ​ສົນ​ໃຈ ໄປ​ສູ່​ບັນຫາ​
ຂັດ​ແຍ້​ງດ້ວຍ​ກຳລັງ​ອາວຸດ​ ແລະ​ຜົນ​ກະທົບ​ຕໍ່​ການ​ສຶກສາ​ ຊຶ່ງ​ເປັນ​ນຶ່ງໃນ​ບັນດາ​ບັນຫາ​ທີ່​ສ້າງ​
ຄວາມເສຍ​ຫາຍ​ຮ້າຍ​ແຮງ​ສຸດ ​ແຕ່​ມີ​ການ​ລາຍ​ງານ​ໃຫ້​ຊາບ​ໜ້ອຍ​ທີ່​ສຸດກ່ຽວ​ກັບ​ຜົນ​ທີ່​ຕິດຕາມ​
ມາ.

ລາຍ​ງານ​ການ​ຕິດຕາມ​ເບິ່ງ​ການ​ສຶກສາ​ສຳລັບ​ທຸກ​ຄົນ​ຢູ່​ໃນ​ທົ່ວ​ໂລກ​ ປີ 2011 ​ເວົ້າວ່າ ຫຼາຍ
ກວ່າ 40% ຂອງ​ພວກ​ເດັກນ້ອຍ ​ທີ່​ບໍ່​ໄດ້​ເຂົ້າຮຽນ ​ແມ່ນ​ອາ​ໄສ​ຢູ່ໃນບັນດາ​ປະ​ເທດ​ທີ່​ເກີດ​ບັນ
ຫາ​ຂັດແຍ້​ງ​ ແລະ​ປະ​ເທດ​ເຫຼົ່ານີ້ຍັງ​ມີ​ຄວາມ​ບໍ່​ກໍ້າ​ເກິ່ງ​ທາງ​ເພດ​ຫຼາຍທີ່​ສຸດ ແລະ​ມີ​ລະດັບ​ການ​
ອ່ານ​ອອກ​ຂຽນໄດ້​ຕໍ່າ​ທີ່​ສຸດ​ໃນ​ໂລກ.

ສຳລັບ​ປະ​ເທດ​ລາ​ວລາຍ​ງານ​ເວົ້າວ່າ ຂະນະ​ທີ່​ບັນຫາ​ຂັດ​ແຍ້​ງ ບໍ່​ໄດ້​ເປັນ​ອຸບ​ປະ​ສັກ​ກີດຂວາງ
ຕໍ່ການ​ສຶກສາ​ຢູ່​ລາວ​ກໍ​ຈິງ ​ແຕ່​ລາຍ​ກໍ​ຍັງ​ປະ​ເຊີນ​ກັບ​ບັນຫາ​ທ້າ​ທາຍ​ອື່ນໆ​ ເຊັ່ນ​ວ່າການ​ຂາດ
ແຄນອາຫານ ກາ​ນກືກໜັງສື ​ແລະ​ຄວາມ​ບໍ່ສະ​ເໝີ​ພາບ​ທາງ​ເພດ. ຄື​ກັນ​ກັບ​ຫຼາຍໆ​ປະ​ເທດ
ໃນ​ໂລກ ເວລາ​ນີ້ລາວແມ່ນຍັງບໍ່​ໄດ້​ຢູ່​ໃນ​ລະດັບທີ່ກ້າວ​ໄປ​ໃຫ້​ຈະ​ບັນລຸ​ເປົ້າໝາຍ Education
for All ຫຼື​ເປົ້າໝາຍ​ສະຫັດ​ສະ​ວັດດ້ານ​ການ​ສຶກສາ​ຂອງສະຫະ​ປະຊາ​ຊາດ​ ທີ່​ຕັ້ງ​ໄວ້ສຳລັບປີ
2015 ນັ້ນ ​ແຕ່​ແນວໃ​ດກໍ​ຕາມ​ລາວ​ກໍ​ໄດ້​ສ້າງ​ຄວາມ​ກ້າວໜ້າ​ໃນ​ການ​ສຶກສາຂັ້ນປະຖົມ. ຄື​
ມີ​ເດັກນ້ອຍໄດ້​ເຂົ້າ​ໂຮງຮຽນຫຼາຍ​ຂື້ນແລະ​ຈໍານວນ​ເດັກນ້ອຍທີ່​ອອກ​ຈາກ​ໂຮງຮຽນ
ນັ້ນກໍ​ລຸດລົງ. ​ລັດ​ຖະບານ​ໄດ້​ໃຊ້​ຈ່າຍ​ເງິນ​ຫຼາຍ​ຂຶ້ນ ​ເຂົ້າ​ໃຈ​ໃນ​ການ​ສຶກສາ ຄື​ໄດ້​
ເພິ່ມຂຶ້ນ 1 ສ່ວນຮ້ອຍ. ລາຍ​ງານເວົ້າ​ວ່າ ໃນ​ໄລຍະ​ຈາກປີ 1999 ຫາ 2008
ນັ້ນ ການ​ເພິ່ມຂຶ້ນໃນ​ພາກ​ໂຕ​ຈິງ​ຂອງ​ການ​ໃຊ້​ຈ່າຍເງິນໃນ​ດ້ານ​ການ​ສຶກສາ ແມ່ນ
ໄວ​ກ່ວາ​ການ​ເຕີບ​ໂຕ​ທາງ​ເສດຖະກິດ​ອີກ.

ລາຍ​ງານ​ຂອງ​ອົງການ​ຢູ​ແນັສ​ໂກ​ໄ​ດ້ສົມ​ທຽບ​ໃຫ້​ເຫັນ ລະຫວ່າງ​ໂຕ​ເລກ​ຂອງລາວ​ແລະ​ຂອງ
ຂົງ​ເຂດ​ເອ​ເຊຍ​ປາຊີ​ຟິກ​ໃນ​ການດໍາ​ເນີນ​ຄວາມ​ພະຍາຍາມ​ເພື່ອ​ໃຫ້​ບັນລຸ 6 ​ເປົ້າໝາຍ​ນັ້ນ​ດັ່ງ​
ນີ້: ສໍາລັບ​ເປົ້າໝາຍ​ທີ 1 ກໍຄື ເສີມ​ຂະຫຍາຍ​ແລະ​ປັບປຸງ​ການ​ລ້ຽງດູແລະ​ໃຫ້ການ​ສຶ​ກ
ສາ​ແກ່​ເດັກ​ຕັ້ງ​ແຕ່​ຍັງ​ນ້ອຍໆ
ນັ້ນລາຍ​ງານ​ເວົ້າວ່າການ​ສຶກສາ​ສາມາດ​ຊ່ອຍ​ຊີວິດ​ໄດ້. ການ
ສຶກສາ​ສຳລັບຜູ້ເປັນ​ແມ່​ແລະ​ຄວາມ​ຢູ່​ດີ​ກິນ​ຂອງ​ຄອບຄົວ ​ແມ່ນມີ​ສ່ວນພົວພັນ​ກັບ​ການ​ສ່ຽງ​ຕໍ່​
ການ​ເສຍ​ຊີວິດ​ຂອງ​ພວກ​ເດັກນ້ອຍ.

ກ່ຽວ​ກັບ​ຈຸດ​ສໍາຄັນ​ອັນ​ທໍາ​ອິດ​ຂອງ​ເປົ້າ​ໝາຍ​ນີ້ກໍ​ຄື​ການ​ລ້ຽງ​ດູ​ເດັກ​ນັ້ນລາຍ​ງານ​ເວົ້າ​ວ່າ ອັດຕາ​
ການ​ຕາຍ​ຂອງ​ເດັກນ້ອຍໃນ​ເ​ຂດ​ເອ​ເຊຍ​ຕາ​ເວັນ​ອອກ​ແລະ​ຍ່ານ​ມະຫາ​ສະມຸດ​ປາຊີ​ຟິກ​ໂດຍ
ສະ​ເລ່ຍ​ແລ້ວແມ່ນ​ໄດ້ຮັບ​ການ​ປັບປຸງ​ໃຫ້​ດີ​ຂຶ້ນ ​ແຕ່​ແນວ​ໃດ​ກໍ​ຕາມ​ໃນ​ຈໍານວນ​ເດັກນ້ອຍ​ທຸກໆ
1 ພັນ​ຄົນ​ໃດ​ທີ່​ເກີດ​ມາ​ຢູ່​ໃນ​ຂົງ​ເຂດ 31 ຄົນ​ຈະ​ບໍ່​ມີ​ອາຍຸ​ຮອດ 5 ປີ. ສໍາລັບ ສປປ ລາວ​
ແລ້ວ ໃນ​ໄລຍະແຕ່ປີ 2005 ຫາ 2010 ​ເດັກນ້ອຍ​ທຸກ 1 ພັນ​ຄົນ​ທີ່​ເກີດ​ມາ 50
ຄົນ​ຈະເສຍ​ຊີວິດກ່ອນ​ມີ​ອາຍຸ​ຮອດ 1 ປີ ​ແລະ 65 ຄົນ​ຈະບໍ່​ມີ​ອາຍຸເຖິງ 5 ປີ.

ລາຍ​ງານ​ຍັງ​ເວົ້າອີກວ່າ ການ​ຂາດ​ແຄນ​ອາຫານ​ແມ່ນ​ເປັນ​ອຸບປະສັກ​ທີ່​ສຳຄັນຕໍ່​ການ​ບັນລຸ​ເປົ້າ​
ໝາຍການ​ສຶກສຳລັບ​ທຸກ​ຄົນ​ຫຼື Education for All. ການ​ຖີບ​ໂຕ​ສູງ​ຂຶ້ນຂອງ​ລາຄາ​ອາຫານ​
ໃນ​ປີ 2008 ​ປະກອບ​ກັບ​ສະພາບ​ເສດຖະກິດ​ຕົກ​ຕໍ່າຂອງ​ໂລກ​ຍັງ​ສືບ​ຕໍ່ເປັນ​ອຸບປະສັກຕໍ່​ການ
ດຳ​ເນີນ​ຄວາມພະຍາຍາມ ​ເພື່ອ​ຕໍ່ຕ້ານ​ຄວາມ​ອຶດ​ຢາກຢູ່​ໃນ​ຫຼາຍໆ​ປະ​ເທດຂອງ​ຂົງ​ເຂດ. ລາຍ
ງານ​ພົບ​ວ່າ ປະມານ 40% ຂອງ​ພວກ​ເດັກນ້ອຍ​ ທີ່​ມີ​ອາຍຸ​ຕໍ່າ​ກວ່າ 5 ປີ​ໃນ​ເຂດ​ເອ​ເຊຍ​ຕາ
ເວັນ​ອອກ ​ມີການເຕີບໂຕ​ຢ່າງ​ຊັກ​ຊ້າໃນ​ລະດັບ​ຜ້ານ​ກາງ ຫາ​ຮ້າຍ​ແຮງ ຍ້ອນ​ຜົນ​ກະທົບ​ຈາກ
ຄວາມ​ອຶດຫິວ. ສ່ວນ​ອັດຕາ​ຂອງ​ເດັກນ້ອຍ​ຢູ່​ລາວ ​ທີ່​ໄດ້​ຮັບ​ຜົນ​ກະທົບແບບ​ນີ້ ແມ່ນມີ​ສູງ​ເຖິງ
48%.

XS
SM
MD
LG