ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ພັກປະຊາຊົນ​ ປະຕິວັດ​ລາວ ຈັດ​ພິທີ​ ໄວ້ອາ​ໄລ ແກ່​ຜູ້ນຳ​ ຂັ້ນສູງ​ 4 ທ່ານ ​ທີ່​ເສຍ​ຊີວິດ​


ພະນັກງານກູ້ໄພຫຼາຍຄົນກຳລັງຂຸ້ນຂ້ຽວຊອກຫາຜູ້ທີ່ຍັງມີຊີວິດຢູ່ ຈາກອຸບັດເຫດເຮືອບິນຕົກ ຢູ່ທີ່ຊຽງຂວາງ ໃນວັນເສົາ ທີ 17 ພຶດສະພານີ້.
ພະນັກງານກູ້ໄພຫຼາຍຄົນກຳລັງຂຸ້ນຂ້ຽວຊອກຫາຜູ້ທີ່ຍັງມີຊີວິດຢູ່ ຈາກອຸບັດເຫດເຮືອບິນຕົກ ຢູ່ທີ່ຊຽງຂວາງ ໃນວັນເສົາ ທີ 17 ພຶດສະພານີ້.
ພັກປະຊາຊົນ​ປະຕິວັດ​ລາວ ຈັດ​ພິທີ​ໄວ້ອາ​ໄລ​ລະດັບ​ຊາດ​ໃຫ້
ແກ່​ຜູ້ນຳ​ຂັ້ນສູງ​ຂອງ​ພັກ 4 ທ່ານ ​ທີ່​ເສຍ​ຊີວິດ​ ຈາກ​ອຸບັດ​ເຫດ ​
ເຮືອບິນ​ຕົກ ​ຢູ່​ແຂ​ວງຊຽງຂວາງ​ ທີ່​ຖື​ເປັນ​ການ​ສູນ​ເສ​ຍ ຄັ້ງສຳ
ຄັນຂອງ​ລາວ.

ພິທີການ​ໄວ້​ອາໄລ​ລະດັບ​ຊາດ ​ເພື່ອ​ສະ​ແດງ​ຄວາມ​ຮູ້​ບຸນຄຸນ ​ແລະ​
ອາໄລ​ອາວ​ອນຢ່າງ​ສຸດຊຶ້ງ ຕໍ່​ທ່າ​ນພົນໂທດວງ​ໃຈ ພິຈິດກຳມະການ
ກົມເມືອງ​ສູນ​ກາງ​ພັກ ຮອງ​ນາຍົກລັດຖະມົນຕີ ​ແລະ ລັດຖະມົນຕີ​ວ່າການ​ກະຊວງ​ປ້ອງ​ກັນ​
ປະ​ເທດ ທ່ານ​ທອງ​ບັນ ​ແສງ​ອາພອນ ​ເລຂາທິການ​ສູນ​ກາງ​ພັກ ລັດຖະມົນຕີວ່າການ
​ກະຊວງ​ປ້ອງກັນ​ຄວາມ​ສະ​ຫງົບ ທ່ານ​ສຸ​ກັນ ມະຫາລາດ ​ເລຂາທິການ​ສູນ​ກາງ​ພັກ ແລະ​
ເຈົ້າຄອງ​ນະຄອນຫຼວງວຽງ​ຈັນ ​ແລະ ທ່ານ​ເຈືອງ ສົມບູນ​ຂັນ ​ເລຂາທິການ​ສູນ​ກາງ​ພັກ ແລະ
​ຫົວໜ້າ​ຄະນະ​ໂຄສະນາ​ອົບຮົມສູນ​ກາງ​ພັກ ທີ່​ເສຍ​ຊີວິດ​ຈາກ​ອຸບັດເຫດເຮືອບິນ​ຕົກ​ຢູ່​ທີ່
​ເຂ​ດ​ເມືອງ​ແປກ​ແຂ​ວງຊຽງ​ຂວາງ​ນັ້ນ ​ໄດ້​ຈັດ​ຂຶ້ນພ້ອມ​ກັນ​ໃນ​ທົ່ວ​ປະ​ເທດ​ເມື່ອ​ເວ​ລາ 13 ​ໂມງ​ຂອງ​ວັນ​ທີ 19 ພຶດສະພາ​ນີ້.
ບັນດາຜູ້ນຳຂັ້ນສູງຂອງພັກ 4 ທ່ານທີ່ເສຍຊີວິດຈາກອຸບັດເຫດ ເຮືອບິນຕົກຢູ່ທີ່ແຂວງຊຽງຂວາງ.
ບັນດາຜູ້ນຳຂັ້ນສູງຂອງພັກ 4 ທ່ານທີ່ເສຍຊີວິດຈາກອຸບັດເຫດ ເຮືອບິນຕົກຢູ່ທີ່ແຂວງຊຽງຂວາງ.

ໂດຍເປັນການໄວ້ອາໄລດ້ວຍການຢືນສະຫງົບນິ້ງ​ເປັນ​ເວລາ 1 ນາທີ ​ແລ້ວ​ຈຶ່ງ​ຕິດຕາມ​ດ້ວຍ​ພິທີ​ຊາ​ປາ​ນະ​ກິດ​ທີ່​ໄດ້​ແຍກ​ສະຖານ​
ທີ່​ເປັນ ​3 ​ແຫ່ງ​ດ້ວຍ​ກັນ ກໍ​ຄືພິທີ​ຊາ​ປານະກິດ​ສົບ​ ຂອງ​ທ່ານ​ພົນ​ໂທ​ ດວງໃຈ ​ໄດ້​ຈັດ​ຂຶ້ນທີ່​ເດີ່ນ​ທາດຫລວງ ສ່ວນ​ພິທີ​ຊາ​ປານະ​ກິດ​ສົບ​ຂອງ ທ່ານ​ທອ​ງບັນ ​ແລະ ທ່ານ​ສຸ​ກັນ ​ໄດ້​ຈັດ​ຢູ່​ວັດ​ເທບ​ນິມິດ ຫຼື ວັດ​ທາດ​ຝຸ່ນ ​ແລະ​ພິທີ​ຊາ​ປານະ​ກິດ​ສົບ​ຂອງ ທ່ານ​ເຈືອງ ຈັດ​ຢູ່​
ທີ່​ວັດ​ບ້ານ​ຕານ​ມີ​ໄຊ ​ເມືອງ​ໄຊ​ທານີ ​ໃນ​ເຂ​ດນະຄອນຫຼວງວຽງ​ຈັນ.

ພົນ​ໂທດ​ວງ​ໃຈ ທ່ານ​ທອງ​ບັນ ທ່ານ​ສຸ​ກັນ ​ແລະ ທ່ານ​ເຈືອງ ​ໄດ້​ເສຍ​ຊີວິດ​ຈາກ​ອຸບັດ​ເຫດ​ເຮືອບິນ​ຕົກ​ ຢູ່​ເມືອງ​ແປກ ​ແຂ​ວງຊຽງ​ຂວາງ ​ເມື່ອ​ເວລາ​ປະມານ 7 ​ໂມງ​ເຊົ້າ ຂອງ​ວັນ​ເສົາ​ທີ 17 ພຶດສະພາ​ທີ່​ຜ່ານ​ມາ ​ໂດຍອຸບັດ​ເຫດ​ ໄດ້​ເກີດ​ຂຶ້ນ​ໃນ​ລະຫວ່າງ​ ທີ່​ຄະນະ​ກຳລັງ​ຈະ​ເດີນທາງ​ໄປ​ຮ່ວມ ​ໃນ​ພິທີການ​ສະ​ເຫລີ​ມສະຫລອງ​ ທາງ​ການ​ທະຫານ​ຢູ່​ທີ່​ແຂ​ວງຊຽງ​ຂວາງ​ ໃນ​ວັນ​
ທີ 17 ພຶດສະພາ​ດັ່ງກ່າວ ​ແຕ່​ກໍຕ້ອງ​ມາ​ປະສົບ​ອຸບັດ​ເຫດ​ເສຍ​ກ່ອນ ​ແລະ ຈົນ​ເຖິງ​ປັດຈຸບັນ​ນີ້​ກໍ​ຍັງ​ບໍ່​ຮູ້​ສາ​ເຫດ​ທີ່​ເຮັດ​ໃຫ້​ເກີດ​ອຸບັດ​ເຫດ​ ໃນ​ຄັ້ງນີ້​ແຕ່​ຍ່າງ​ໃດ.
ຍັງມີອີກ 10 ຄົນ​ທີ່​ເສ​ຍຊີວິ​ດ ​ໃນ​ອຸບັດ​ເຫດ​ເຮືອບິນ​ຕົກ ​ໃນ​ຄັ້ງນີ້​.
ຍັງມີອີກ 10 ຄົນ​ທີ່​ເສ​ຍຊີວິ​ດ ​ໃນ​ອຸບັດ​ເຫດ​ເຮືອບິນ​ຕົກ ​ໃນ​ຄັ້ງນີ້​.

ນອກຈາກ​ການ​ເສຍ​ຊີວິດ​ຂອງ​ການ​ນຳ​ຄົນສຳຄັນ​ຂອງ​ພັກ​ປະຊາ​ຊົນ​ປະຕິວັດ​ລາວ​ທັງ 4 ທ່ານ​ແລ້ວ​ກໍ​ຍັງ​ມີ​ຜູ້​ທີ່​ຮ່ວມ​ຄະນະ​ອີກ 10 ຄົນ​ທີ່​ເສ​ຍຊີວິ​ດ ​ໃນ​ອຸບັດ​ເຫດ​ເຮືອບິນ​ຕົກ ​ໃນ​ຄັ້ງນີ້​ດ້ວຍ ຊຶ່ງ​ໃນ​ນີ້​ກໍ​ຮວມ​ເຖິງ​ພັນ​ລະ​ຍາ​ຂອງ​ທ່ານ​ພົນ​ໂທດ​ວງ​ໃຈ ພ້ອມ​ດ້ວຍ​ເລຂານຸການ​ສ່ວນ​ຕົວ​ທະຫານ​ຄົນ​ສະ​ນິດ ​ແລະ​ທະຫານ​ພົນ​ຂັບ​ປະຈຳ​ຕຳແໜ່​ງຂອງ​ທ່ານ​ພົນ​ໂທ ດວງ​ໃຈດ້ວຍ ສ່ວນ​ນອກ​ນັ້ນ ກໍ​ເປັນ​ເລຂານຸການ ​ແພດ​ໝໍ ​ແລະ​ຜູ້​ຕິດຕາມ​ຂອງ​ທ່ານ​ທອງ​ບັນ ທ່ານ​ສຸ​ກັນ ​ແລະ​ທ່ານ​ເຈືອງ​ຮວມ​ເຖິງ​ກັບຕັນ ​ແລະ​ພະນັກງານ​ປະຈຳ​ເຮືອບິນ​ລຳ​ດັ່ງ​ກ່າ​ວດ້ວຍ.

ແຕ່​ຢ່າງ​ໃດ​ກໍ​ຕາມ ກໍ​ມີ​ລາຍ​ງານ​ກ່ອນ​ໜ້າ​ນີ້​ວ່າ​ມີ​ຜູ້​ລອດ​ຊີວິດ ​3 ຄົນ​ຈາກ​ອຸບັດ​ເຫດ​ໃນ​ຄັ້ງນີ້ ກໍ​ຄື​ຜູ້​ຕິດຕາມ​ທ່ານ​ທອງ​ບັນ 1 ຄົນ​ ​ແລະ​ແພດ​ປະຈຳ​ຕົວ​ຂອງ​ທ່ານ​ສຸ​ກັນ 1 ຄົນ ກັບ​ພະນັກງານ​ບໍລິການ​ປະຈຳ​ເຮືອບິນ​ອີກ 1 ຄົນ ຫາກ​ແຕ່​ກໍ​ມີ​ລາຍ​ງານ​ຫລ້າ​ສຸດວ່າ 2 ​ໃນ 3 ຄົນ​ດັ່ງ​ກ່າວໄດ້​ເສຍ​ຊີວິດ​ໃນ​ມື້​ນີ້.
ຮູບພາບຕ່າງໆ ຈາກອຸບັດເຫດເຮືອບິນຕົກຢູ່ທີ່ແຂວງຊຽງຂວາງ.
ຮູບພາບຕ່າງໆ ຈາກອຸບັດເຫດເຮືອບິນຕົກຢູ່ທີ່ແຂວງຊຽງຂວາງ.

ອຸບັດເຫດຄັ້ງນີ້ ນັບເປັນການສູນເສຍ ຄັ້ງຮ້າຍແຮງທີ່ສຸດ ໃນປະ
​ຫວັດສາດຂອງພັກແລະກອງທັບປະຊາຊົນລາວ ໂດຍນັບຕັ້ງແຕ່
ເຮືອບິນກອງທັບອາກາດຕົກ ໃນແຂວງວຽງຈັນ ເມື່ອກວ່າ 20 ປີ
ກ່ອນ ຊຶ່ງເຮັດໃຫ້ ພົນຕີຄຳພາ ຈະເລີນພົນມີໄຊ ອະດີດຜູ້ບັນຊາ
ການທະຫານເຂດວຽງຈັນເສຍຊີວິດ.

ນອກຈາກນີ້ ກໍຍັງເປັນການສູນເສຍຄັ້ງສຳຄັນອີກຄັ້ງໜຶ່ງ ຂອງ
ກອງທັບປະຊາຊົນລາວເພາະກ່ອນໜ້ານີ້ທ່ານພົນຕີສັນຍາຮັກ
ພົມວິຫານ ອະດີດຫົວໜ້າກົມໃຫຍ່ ເສນາທິການ ກອງທັບປະ
ຊາຊົນລາວ ແລະທາຍາດທາງການເມືອງ ຂອງທ່ານໄກສອນ
ພົມວິຫານ ອະດີດຜູ້ນຳສູງສຸດຂອງລາວ ກໍໄດ້ເຖິງແກ່ກຳດ້ວຍ
ໂຣກປະຈຳຕົວ ເມື່ອເດືອນກໍລະກົດ 2013 ທີ່ຜ່ານມາ.

ສ່ວນເຮືອບິນທີ່ປະສົບອຸບັດເຫດໃນຄັ້ງນີ້ ກໍແມ່ນເຮືອບິນ Antonov ລຸ້ນ An-74TK-300D ທີ່ກອງທັບປະຊາຊົນລາວ ຊື້ຈາກປະເທດຢູເຄຣນ ເມື່ອກວ່າ 5 ປີກ່ອນ.
XS
SM
MD
LG