ທາງການລາວຈະທໍາການກວດກາບັນດາໜ່ວຍທຸລະກິດໃນທົ່ວ
ປະເທດວ່າໄດ້ ປະຕິບັດຕາມຂໍ້ກໍານົດວ່າດ້ວຍຄ່າຈ້າງຂັ້ນຕໍ່າຫຼືບໍ່
ແລະຈະລົງໂທດໜ່ວຍທຸລະກິດໃດທີ່ບໍ່ໄດ້ປະຕິບັດ ໂດຍບໍ່ມີການ
ຍົກເວັ້ນ.
ທ່ານນາງອ່ອນຈັນ ທໍາມະວົງ ລັດຖະມົນຕີວ່າການກະຊວງແຮງງານ ແລະສະວັດດີ ການສັງຄົມ ຖະແຫຼງຢືນຢັນວ່າ ກະຊວງແຮງງານ ກັບສະຫະພັນກໍາມະບານລາວ ກໍາລັງຮ່ວມມືກັນດໍາເນີນການກວດກາບັດດາຫົວໜ່ວຍທຸລະກິດ ແລະໂຮງງານໃນທົ່ວປະເທດເພື່ອ ເກັບກໍາຂໍ້ມູນກ່ຽວກັບການປະຕິບັດຕາມກົດໝາຍທີ່ວ່າດ້ວຍອັດຕາຄ່າຈ້າງແຮງງານຂັ້ນຕໍ່າ ທີ່ມີຜົນບັງຄັບໃຊ້ນັບມາໄດ້ນຶ່ງປີກວ່າແລ້ວນັ້ນ ຫາກແຕ່ກໍຍັງມີລາຍງານວ່າ ບັນດານາຍຈ້າງ ຈໍານວນບໍ່ໜ້ອຍ ຍັງຄົງບໍ່ຍອມຈ່າຍຄ່າຈ້າງຕາມອັດຕາຂັ້ນຕໍ່າດັ່ງກ່າວເລື້ອຍມາ ຈົນເຖິງປັດຈຸບັນ ນີ້.
ຍິ່ງໄປກວ່ານັ້ນ ກໍຍັງມີການຮ້ອງຮຽນຂອງບັນດາຜູ້ອອກແຮງງານດ້ວຍວ່າມີນາຍຈ້າງຈໍານວນ ບໍ່ໜ້ອຍທີ່ເຖິງແມ່ນວ່າຈະໄດ້ມີການຈ່າຍຄ້າຈ້າງຕາມອັດຕາຂັ້ນຕໍ່າທີ່ລັດຖະ ບານກໍານົດກໍຕາມ ຫາກແຕ່ກໍປາກົດວ່າມີການປັບລົດສະວັດດີການແລະຜົນປະໂຫດໃນດ້ານອື່ນໆຂອງແຮງງານ ລົງຈາກເດີມ ເຊັ່ນຄ່າຕອບແທນໃນການທໍາງານເກີນເວລາ ແລະການບໍ່ຍອມສົມທົບຄ່າທໍານຽນໃນການປະກັນສັງຄົມໃຫ້ກັບແຮງງານ ທີ່ເຮັດໃຫ້ຜູ້ອອກແຮງງານບໍ່ໄດ້ຄຸ້ມຄອງດ້ານສະວັດດີການຢ່າງພຽງພໍເປັນຕົ້ນ.
ເພາະສະນັ້ນ ຖ້າຫາກມີການກວດພົບວ່າໜ່ວຍທຸລະກິດໃດບໍ່ ໄດ້ປະຕິບັດຕາມຂໍ້ກໍານົດດັ່ງກ່າວ ກໍຈະມີການລົງໂທດຕາມກົດໝາຍໃນທັນທີ ໂດຍບໍ່ມີການຍົກເວັ້ນ ດັ່ງທີ່ທ່ານນາງ ອ່ອນຈັນ ໃຫ້ການຢືນຢັນວ່າ:
“ຫົວໜ່ວຍລົງທຶນຢາກສວຍໂອກາດຝ່າຝືນ ກໍສິໄດ້ປະຕິບັດຕາມກົດລະບຽບກົດໝາຍແຮງງານ ກະໄດ້ກໍານົດໄວ້ແລ້ວ ຖ້າວ່າຜູ້ໃຊ້ແຮງງານບໍ່ປະຕິບັດ ຕາມກົດໝາຍແຮງງານ ຫຼືວ່ານິຕິທໍາ ທີ່ລັດຖະບານເຮົາໄດ້ກໍານົດໄວ້ ກໍຕ້ອງໄດ້ຮັບຜິດຊອບຕາມກົດໝາຍທີ່ພວກເພິ່ນໄດ້ລະເມີດນັ້ນ ແລະສໍາລັບຜູ້ອອກແຮງງານເຮົາກໍຕ້ອງໄດ້ປະຕິບັດພັນທະຂອງຜູ້ອອກແຮງງານຕາມລະບຽບການທີ່ໄດ້ກໍານົດໄວ້.”
ແຕ່ຢ່າງໃດກໍຕາມ ສາເຫດສໍາຄັນປະການນຶ່ງ ທີ່ເຮັດໃຫ້ ມີການເອົາປຽບແຮງງານ ກໍຍ້ອນວ່າ ກໍາລັງແຮງງານສ່ວນໃຫຍ່ໃນລາວ ເປັນແຮງງານບໍ່ມີຝີມື ດັ່ງຈະເຫັນໄດ້ຈາກການທີ່ລັດຖະບານລາວໄດ້ອະນຸຍາດ ໃຫ້ບໍລິສັດຕ່າງຊາດນໍາແຮງານມີຝີມືຈາກຕ່າງ ປະເທດເຂົ້າມາໃນລາວ 2 ໝື່ນກວ່າຄົນໃນປີ 2012- 2013 ເພາະເມື່ອພິດຈາລະນາຢ່າງລອບຄອບ ທັງໃນດ້ານຄຸນສົມບັດ ແລະລັກສະນະງານທີ່ ບໍລິສັດຕ່າງຊາດຕ້ອງ ການນັ້ນ ພົບວ່າແຮງງານລາວບໍ່ສາມາດທີ່ຈະຕອບສະໜອງໄດ້ເນື່ອງ ຈາກຄວາມຮູ້-ຄວາມສາມາດບໍ່ເຖິງລະດັບຕາມທີ່ບັນດາບໍລິສັດຕ່າງຊາດຕ້ອງການນັ້ນເອງ.
ຊຶ່ງດ້ວຍບັນຫາດັ່ງກ່າວ ກໍຍັງເຮັດໃຫ້ສາມາດຄາດໝາຍ ໄດ້ວ່າໃນລະຍະ 2 ປີຕໍ່ໄປນີ້ ບໍລິສັດຕ່າງຊາດຍັງຕ້ອງການຈະນໍາເຂົ້າແຮງງານມີຝີມືຈາກຕ່າງປະເທດອີກຫຼາຍກວ່າ 7 ໝື່ນຄົນ ໂດຍເຖິງແມ່ນວ່າ ໃນສົກຮຽນ 2012-2013 ທີ່ຜ່ານມາ ຈະມີນັກສຶກສາທີ່ຈົບຊັ້ນປະລິນຍາຕີຈາກມະຫາວິທະຍາໄລແຫ່ງຊາດລາວ ເຖິງ 8,500 ຄົນກໍ ຕາມ ແຕ່ສ່ວນໃຫຍ່ກໍຍັງບໍ່ໄດ້ມາດຕະຖານຂອງບໍລິສັດຕ່າງຊາດ.
ນອກຈາກນີ້ ອີກສາເຫດນຶ່ງທີ່ເຮັດໃຫ້ການພັດທະນາຊັບພະຍາ
ກອນມະນຸດໃນລາວບໍ່ສອດຄ່ອງ ກັບຄວາມຕ້ອງການຂອງບໍລິ
ສັດຕ່າງຊາດ ກໍຄືຄ່ານິຍົມທີ່ຜິດໆ ຂອງເຍົາວະຊົນລາວ ທີ່ປະຕິ
ເສດການຮຽນສາຍວິຊາຊີບ ໂດຍພາກັນນິຍົມຮຽນຕໍ່ໃນສາຍສາ
ມັນ ເຊັ່ນ ນິຕິສາດ ແລະເສດຖະສາດ ເພາະເຊື່ອວ່າ ຈະມີການ
ງານທີ່ດີ ແລະມີເງິນເດືອນສູງ ທັງໆທີ່ໃນຄວາມເປັນຈິງແລ້ວມັນ
ເປັນໄປບໍ່ໄດ້ ເນື່ອງຈາກວ່າ ບໍ່ສອດຄ່ອງ ກັບຄວາມຕ້ອງການ
ຂອງບໍລິສັດຕ່າງຊາດສ່ວນໃຫຍ່ ທີ່ເຂົ້າມາລົງທຶນໃນລາວ ນັ້ນ
ເອງ.
ແຕ່ຢ່າງໃດກໍຕາມ ລັດຖະບານລາວກໍໄດ້ ວາງເປົ້າໝາຍທີ່ຈະພັດທະນາເພື່ອຍົກລະດັບຝີມືແຮງງານລາວໃຫ້ໄດ້ເຖິງ 240,000 ຄົນພາຍໃນປີ 2020 ເພື່ອຕອບສະໜອງແຮງງານມີຝີມື ໃຫ້ກັບບັນດາບໍລິສັດຕ່າງຊາດທີ່ລົງທຶນຢູ່ໃນລາວໃຫ້ໄດ້ຢ່າງພຽງພໍ ທັງນີ້ດ້ວຍການປັບປຸງກົດໝາຍແຮງງານໃຫ້ສອດຄ່ອງກັບການພັດທະນາເສດຖະກິດແລະເຮັດໃຫ້ແຮງງານລາວມີຄຸນນະພາບ ທີ່ສາມາດເຊື່ອມໂຍງກັບເສດຖະກິດ ອາຊ່ຽນໃຫ້ໄດ້ຢ່າງແທ້ຈິງ.
ຫາກແຕ່ວ່າ ບັນຫາອີກຢ່າງນຶ່ງ ສໍາລັບການພັດທະນາເພື່ອຍົກລະດັບຄຸນນະພາບແຮງງານລາວ ກໍຄືການມີ ສູນພັດທະນາຝີມືແຮງງານຢູ່ຢ່າງຈໍາກັດ ແລະເມື່ອປະກອບກັບຄ່າຈ້າງຂັ້ນຕໍ່າໃນລາວ ກໍຍັງຕໍ່າຫຼາຍ ເມື່ອທຽບກັບຄ່າຈ້າງຂັ້ນຕໍ່າໃນໄທ ຈຶ່ງເຮັດໃຫ້ແຮງງານລາວພາກັນເດີນທາງໄປທໍາງານໃນ ໄທຫຼາຍຂຶ້ນນັບມື້.
ປະເທດວ່າໄດ້ ປະຕິບັດຕາມຂໍ້ກໍານົດວ່າດ້ວຍຄ່າຈ້າງຂັ້ນຕໍ່າຫຼືບໍ່
ແລະຈະລົງໂທດໜ່ວຍທຸລະກິດໃດທີ່ບໍ່ໄດ້ປະຕິບັດ ໂດຍບໍ່ມີການ
ຍົກເວັ້ນ.
ທ່ານນາງອ່ອນຈັນ ທໍາມະວົງ ລັດຖະມົນຕີວ່າການກະຊວງແຮງງານ ແລະສະວັດດີ ການສັງຄົມ ຖະແຫຼງຢືນຢັນວ່າ ກະຊວງແຮງງານ ກັບສະຫະພັນກໍາມະບານລາວ ກໍາລັງຮ່ວມມືກັນດໍາເນີນການກວດກາບັດດາຫົວໜ່ວຍທຸລະກິດ ແລະໂຮງງານໃນທົ່ວປະເທດເພື່ອ ເກັບກໍາຂໍ້ມູນກ່ຽວກັບການປະຕິບັດຕາມກົດໝາຍທີ່ວ່າດ້ວຍອັດຕາຄ່າຈ້າງແຮງງານຂັ້ນຕໍ່າ ທີ່ມີຜົນບັງຄັບໃຊ້ນັບມາໄດ້ນຶ່ງປີກວ່າແລ້ວນັ້ນ ຫາກແຕ່ກໍຍັງມີລາຍງານວ່າ ບັນດານາຍຈ້າງ ຈໍານວນບໍ່ໜ້ອຍ ຍັງຄົງບໍ່ຍອມຈ່າຍຄ່າຈ້າງຕາມອັດຕາຂັ້ນຕໍ່າດັ່ງກ່າວເລື້ອຍມາ ຈົນເຖິງປັດຈຸບັນ ນີ້.
ຍິ່ງໄປກວ່ານັ້ນ ກໍຍັງມີການຮ້ອງຮຽນຂອງບັນດາຜູ້ອອກແຮງງານດ້ວຍວ່າມີນາຍຈ້າງຈໍານວນ ບໍ່ໜ້ອຍທີ່ເຖິງແມ່ນວ່າຈະໄດ້ມີການຈ່າຍຄ້າຈ້າງຕາມອັດຕາຂັ້ນຕໍ່າທີ່ລັດຖະ ບານກໍານົດກໍຕາມ ຫາກແຕ່ກໍປາກົດວ່າມີການປັບລົດສະວັດດີການແລະຜົນປະໂຫດໃນດ້ານອື່ນໆຂອງແຮງງານ ລົງຈາກເດີມ ເຊັ່ນຄ່າຕອບແທນໃນການທໍາງານເກີນເວລາ ແລະການບໍ່ຍອມສົມທົບຄ່າທໍານຽນໃນການປະກັນສັງຄົມໃຫ້ກັບແຮງງານ ທີ່ເຮັດໃຫ້ຜູ້ອອກແຮງງານບໍ່ໄດ້ຄຸ້ມຄອງດ້ານສະວັດດີການຢ່າງພຽງພໍເປັນຕົ້ນ.
ເພາະສະນັ້ນ ຖ້າຫາກມີການກວດພົບວ່າໜ່ວຍທຸລະກິດໃດບໍ່ ໄດ້ປະຕິບັດຕາມຂໍ້ກໍານົດດັ່ງກ່າວ ກໍຈະມີການລົງໂທດຕາມກົດໝາຍໃນທັນທີ ໂດຍບໍ່ມີການຍົກເວັ້ນ ດັ່ງທີ່ທ່ານນາງ ອ່ອນຈັນ ໃຫ້ການຢືນຢັນວ່າ:
“ຫົວໜ່ວຍລົງທຶນຢາກສວຍໂອກາດຝ່າຝືນ ກໍສິໄດ້ປະຕິບັດຕາມກົດລະບຽບກົດໝາຍແຮງງານ ກະໄດ້ກໍານົດໄວ້ແລ້ວ ຖ້າວ່າຜູ້ໃຊ້ແຮງງານບໍ່ປະຕິບັດ ຕາມກົດໝາຍແຮງງານ ຫຼືວ່ານິຕິທໍາ ທີ່ລັດຖະບານເຮົາໄດ້ກໍານົດໄວ້ ກໍຕ້ອງໄດ້ຮັບຜິດຊອບຕາມກົດໝາຍທີ່ພວກເພິ່ນໄດ້ລະເມີດນັ້ນ ແລະສໍາລັບຜູ້ອອກແຮງງານເຮົາກໍຕ້ອງໄດ້ປະຕິບັດພັນທະຂອງຜູ້ອອກແຮງງານຕາມລະບຽບການທີ່ໄດ້ກໍານົດໄວ້.”
ແຕ່ຢ່າງໃດກໍຕາມ ສາເຫດສໍາຄັນປະການນຶ່ງ ທີ່ເຮັດໃຫ້ ມີການເອົາປຽບແຮງງານ ກໍຍ້ອນວ່າ ກໍາລັງແຮງງານສ່ວນໃຫຍ່ໃນລາວ ເປັນແຮງງານບໍ່ມີຝີມື ດັ່ງຈະເຫັນໄດ້ຈາກການທີ່ລັດຖະບານລາວໄດ້ອະນຸຍາດ ໃຫ້ບໍລິສັດຕ່າງຊາດນໍາແຮງານມີຝີມືຈາກຕ່າງ ປະເທດເຂົ້າມາໃນລາວ 2 ໝື່ນກວ່າຄົນໃນປີ 2012- 2013 ເພາະເມື່ອພິດຈາລະນາຢ່າງລອບຄອບ ທັງໃນດ້ານຄຸນສົມບັດ ແລະລັກສະນະງານທີ່ ບໍລິສັດຕ່າງຊາດຕ້ອງ ການນັ້ນ ພົບວ່າແຮງງານລາວບໍ່ສາມາດທີ່ຈະຕອບສະໜອງໄດ້ເນື່ອງ ຈາກຄວາມຮູ້-ຄວາມສາມາດບໍ່ເຖິງລະດັບຕາມທີ່ບັນດາບໍລິສັດຕ່າງຊາດຕ້ອງການນັ້ນເອງ.
ຊຶ່ງດ້ວຍບັນຫາດັ່ງກ່າວ ກໍຍັງເຮັດໃຫ້ສາມາດຄາດໝາຍ ໄດ້ວ່າໃນລະຍະ 2 ປີຕໍ່ໄປນີ້ ບໍລິສັດຕ່າງຊາດຍັງຕ້ອງການຈະນໍາເຂົ້າແຮງງານມີຝີມືຈາກຕ່າງປະເທດອີກຫຼາຍກວ່າ 7 ໝື່ນຄົນ ໂດຍເຖິງແມ່ນວ່າ ໃນສົກຮຽນ 2012-2013 ທີ່ຜ່ານມາ ຈະມີນັກສຶກສາທີ່ຈົບຊັ້ນປະລິນຍາຕີຈາກມະຫາວິທະຍາໄລແຫ່ງຊາດລາວ ເຖິງ 8,500 ຄົນກໍ ຕາມ ແຕ່ສ່ວນໃຫຍ່ກໍຍັງບໍ່ໄດ້ມາດຕະຖານຂອງບໍລິສັດຕ່າງຊາດ.
ນອກຈາກນີ້ ອີກສາເຫດນຶ່ງທີ່ເຮັດໃຫ້ການພັດທະນາຊັບພະຍາ
ກອນມະນຸດໃນລາວບໍ່ສອດຄ່ອງ ກັບຄວາມຕ້ອງການຂອງບໍລິ
ສັດຕ່າງຊາດ ກໍຄືຄ່ານິຍົມທີ່ຜິດໆ ຂອງເຍົາວະຊົນລາວ ທີ່ປະຕິ
ເສດການຮຽນສາຍວິຊາຊີບ ໂດຍພາກັນນິຍົມຮຽນຕໍ່ໃນສາຍສາ
ມັນ ເຊັ່ນ ນິຕິສາດ ແລະເສດຖະສາດ ເພາະເຊື່ອວ່າ ຈະມີການ
ງານທີ່ດີ ແລະມີເງິນເດືອນສູງ ທັງໆທີ່ໃນຄວາມເປັນຈິງແລ້ວມັນ
ເປັນໄປບໍ່ໄດ້ ເນື່ອງຈາກວ່າ ບໍ່ສອດຄ່ອງ ກັບຄວາມຕ້ອງການ
ຂອງບໍລິສັດຕ່າງຊາດສ່ວນໃຫຍ່ ທີ່ເຂົ້າມາລົງທຶນໃນລາວ ນັ້ນ
ເອງ.
ແຕ່ຢ່າງໃດກໍຕາມ ລັດຖະບານລາວກໍໄດ້ ວາງເປົ້າໝາຍທີ່ຈະພັດທະນາເພື່ອຍົກລະດັບຝີມືແຮງງານລາວໃຫ້ໄດ້ເຖິງ 240,000 ຄົນພາຍໃນປີ 2020 ເພື່ອຕອບສະໜອງແຮງງານມີຝີມື ໃຫ້ກັບບັນດາບໍລິສັດຕ່າງຊາດທີ່ລົງທຶນຢູ່ໃນລາວໃຫ້ໄດ້ຢ່າງພຽງພໍ ທັງນີ້ດ້ວຍການປັບປຸງກົດໝາຍແຮງງານໃຫ້ສອດຄ່ອງກັບການພັດທະນາເສດຖະກິດແລະເຮັດໃຫ້ແຮງງານລາວມີຄຸນນະພາບ ທີ່ສາມາດເຊື່ອມໂຍງກັບເສດຖະກິດ ອາຊ່ຽນໃຫ້ໄດ້ຢ່າງແທ້ຈິງ.
ຫາກແຕ່ວ່າ ບັນຫາອີກຢ່າງນຶ່ງ ສໍາລັບການພັດທະນາເພື່ອຍົກລະດັບຄຸນນະພາບແຮງງານລາວ ກໍຄືການມີ ສູນພັດທະນາຝີມືແຮງງານຢູ່ຢ່າງຈໍາກັດ ແລະເມື່ອປະກອບກັບຄ່າຈ້າງຂັ້ນຕໍ່າໃນລາວ ກໍຍັງຕໍ່າຫຼາຍ ເມື່ອທຽບກັບຄ່າຈ້າງຂັ້ນຕໍ່າໃນໄທ ຈຶ່ງເຮັດໃຫ້ແຮງງານລາວພາກັນເດີນທາງໄປທໍາງານໃນ ໄທຫຼາຍຂຶ້ນນັບມື້.