ທ່ານ ຕີ ພົມມະສັກ ລັດຖະມົນຕີຊ່ວຍວ່າການກະຊວງກະສິກໍາ-ປ່າໄມ້ ຖະແຫຼງຢືນຢັນວ່າ ການລົງທຶນໃນພາກກະສິກໍາ-ປ່າຂອງບັນດາວິສະຫະກິດຈາກຫວຽດນາມ ຢູ່ໃນລາວ ໃນ
ປັດຈຸບັນນີ້ເຖິງແມ່ນວ່າຈະຈັດຢູ່ໃນອັນດັບທີ່ 2 ຫຼືເປັນຮອງການລົງທຶນຈາກປະເທດຈີນກໍ
ຕາມ ຫາກແຕ່ກໍຖືໄດ້ວ່າເປັນການລົງທຶນທີ່ເພີ່ມສູງຂຶ້ນຢ່າງຕໍ່ເນື່ອງທັງໃນດ້ານຈໍານວນໂຄງ
ການ ແລະ ມູນຄ່າຂອງການລົງທຶນ.
ທັງນີ້ໂດຍອີງຕາມລາຍງານຂອງ ກະຊວງແຜນການ ແລະການລົງທຶນກໍໄດ້ລະບຸວ່າ ການລົງ
ທຶນໃນພາກກະສິກໍາ-ປ່າ ໄມ້ຂອງຫວຽດນາມໃນລາວນັ້ນມີມູນຄ່າລວມເກີນກວ່າ 440 ລ້ານ
ໂດລາ ຊຶ່ງເປັນການລົງທຶນຂອງລັດວິສະຫະກິດຈາກຫວຽດນາມຈໍານວນເຖິງ 65 ຫົວໜ່ວຍ
ທຸລະກິດ ທີ່ມີພຶ້ນທີ່ສໍາປະທານໃນລາວລວມກັນກວ້າງກວ່າ 1 ແສນເຮັກຕາ ໂດຍສ່ວນ
ໃຫຍ່ກໍເປັນການລົງທຶນປູກຢາງພາລາ, ໄມ້ວິກ, ສາລີ, ມັນຕົ້ນ, ກາເຟ ແລະພືດໃຫຍ່ໄວ
ຊະນິດຕ່າງໆ ສໍາລັບຕອບສະໜອງອຸດສະຫະກໍາການແປຮູບຜະລິດທາງການກະສິກໍາ.
ຍິ່ງໄປກວ່ານັ້ນ, ດ້ວຍເຫດ
ທີ່ລາວກັບຫວຽດນາມເປັນ
ມິດປະເທດທີ່ມີການພົວພັນ
ແບບພິເສດແລະການຮ່ວມ
ມືຮອບດ້ານລະຫວ່າງກັນ
ນັບຕັ້ງແຕ່ປີ 1977 ເປັນຕົ້ນ
ມາຈົນເຖິງປັດຈຸບັນ ແລະຍັງ
ຈະດໍາເນີນສືບຕໍ່ໄປຢ່າງ
ຍາວນານດ້ວຍນັ້ນ ກໍເຮັດ
ໃຫ້ທາງການລາວເຊື່ອໝັ້ນວ່າ
ການລົງທຶນໃນພາກກະສິ
ກໍາ-ປ່າໄມ້ ຂອງຫວຽດນາມ
ໃນລາວຈະເພີ່ມສູງຂຶ້ນຢ່າງໄວວາ
ໃນໄລຍະຕໍ່ໄປນີ້. ພ້ອມກັນນີ້ທາງການລາວ ກໍຈະໃຫ້ການສົ່ງເສີມຕໍ່ການລົງທຶນຂອງ
ຫວຽດນາມໃນລາວ ເປັນກໍລະນີພິເສດອີກດ້ວຍອີກດ້ວຍ ດັ່ງທີ່ທ່ານ ຕີ ໄດ້ໃຫ້ການຊີ້
ແຈງເຖິງວິທີ ທີ່ທາງການລາວຈະໃຫ້ການສົ່ງເສີມການລົງທຶນຂອງຫວຽດນາມໃນລາວວ່າ:
“ໃນຕໍ່ໜ້ານີ້ ພວກເຮົາຈະຊຸກຍູ້ສົ່ງເສີມ ແລະສືບຕໍ່ພິຈາລະນາ ເຊັນສັນຍາ
ການສໍາປະທານທີ່ດິນ ແກ່ໂຄງການປູກຕົ້ນໄມ້ອຸດສາຫະກໍາບົນພຶ້ນຖານ
ການສໍາຫຼວດເນື້ອທີ່ຕົວຈິງຂອງພາກສ່ວນກ່ຽວຂ້ອງ ສ້າງເງື່ອນໄຂໃຫ້
ບັນດາວິສະຫະກິດບໍລິສັດຂອງ ສສ ຫວຽດນາມ ລົງທຶນຕາມຮູບແບບສາມ ບວກສອງທີ່ຝ່າຍລາວສາມາດຈັດສັນໄດ້.”
ກະຊວງແຜນການ ແລະ ການລົງທຶນລາຍງານວ່າ ໃນປັດຈຸບັນ ມີບັນດາວິສະຫະກິດຂອງ ຫວຽດນາມໄດ້ເຂົ້າມາລົງທຶນໃນລາວແລ້ວຈໍານວນເຖິງ 422 ໂຄງການ ຫຼືຄິດເປັນມູນຄ່າ
ລວມຫຼາຍກວ່າ 3,500 ລ້ານໂດລາ ໂດຍເຂດທີ່ພາກທຸລະກິດຂອງຫວຽດນາມໄດ້ລົງທຶນ
ຫຼາຍທີ່ສຸດໃນລາວນັ້ນ ກໍຄືເຂດນະຄອນຫຼວງວຽງຈັນ ທີ່ມີມູນຄ່າການລົງທຶນເຖິງ 1,888
ລ້ານໂດລາ ຊຶ່ງຄິດເປັນ 53% ຂອງມູນຄ່າການລົງທຶນທັງໝົດຂອງຫວຽດນາມໃນລາວ ສ່ວນເຂດແຂວງຊາຍແດນທີ່ພາກທຸລະກິດຂອງຫວຽດນາມໄດ້ເຂົ້າມາລົງທຶນຫຼາຍທີ່ສຸດ
ກໍຄືແຂວງເຊກອງ, ຕິດຕາມດ້ວຍຈໍາປາສັກ ແລະອັດຕະປື ຕາມລໍາດັບ ແຕ່ເຂດທີ່ຍັງບໍ່ມີ
ການລົງທຶນຂອງຫວຽດນາມເລີຍນັ້ນກໍມີພຽງແຕ່ແຂວງບໍ່ແກ້ວເທົ່ານັ້ນຫາກແຕ່ກໍເຊື່ອໝັ້ນວ່າ ພາກທຸລະກິດຂອງຫວຽດນາມຈະພາກັນຂະຫຍາຍການລົງທຶນໄປທຸກເຂດແຂວງທົ່ວປະເທດ
ລາວໃນໝໍ່ນີ້.
ທັງນີ້ກໍເນື່ອງຈາກວ່າ ທັງສອງປະເທດໄດ້ເປິດກວ້າງການຮ່ວມມືທາງເສດຖະກິດລະຫວ່າງກັນ
ນັບຈາກປີ 1993 ແລະ ໄດ້ມີການຕົກລົງໃນສັນຍາວ່າດ້ວຍການສົ່ງເສີມ ແລະປົກປ້ອງການ
ລົງທຶນລະຫວ່າງກັນນັບຕັ້ງແຕ່ປິ 1996 ເປັນຕົ້ນມາແລ້ວ ໂດຍໃນປະຈຸບັນທາງການທັງ
ສອງຝ່າຍກໍກໍາລັງຮ່ວມກັນພິຈາລະນາປັບປຸງສັນຍາວ່າດ້ວຍການສົ່ງເສີມ ແລະ ປົກປ້ອງ
ການລົງທຶນດັ່ງກ່າວໃຫ້ມີຄວາມທັນສະໄໝ.
ພາຍໃຕ້ສັນຍາວ່າດ້ວຍການສົ່ງເສີມ ແລະປົກປ້ອງການລົງທຶນດັ່ງກ່າວນີ້ທັງສອງຝ່າຍໄດ້ຕົກ
ລົງຮ່ວມກັນວ່າ ຈະສົ່ງເສີມໃຫ້ມີການພົວພັນທາງເສດຖະກິດຫຼາຍຮູບແບບ ທີ່ມີການອໍານວຍ ຄວາມສະດວກໃຫ້ພາກທຸລະກິດ, ການລົງທຶນ ແລະການພັດທະນາການເຊື່ອມຕໍ່ດ້ານຄົມມະ ນາຄົມ-ຂົນສົ່ງຢ່າງຄົບຊຸດເພື່ອເຊື່ອມໂຍງກັນ ຕັ້ງແຕ່ພາກເໜືອເຖິງພາກໃຕ້ໃຫ້ໄດ້ຢ່າງເປັນ
ຮູບປະທໍາ.
