ສະບາຍດີທຸກໆທ່ານ ແລະຂໍເລີ່ມດ້ວຍການຈັດເພງໃຫ້
ຕາມຄຳຂໍຂອງ ສົມຊາຍ ບຸບຜາປັນຍາ ທີ່ຂຽນ email
ເຂົ້າມາວ່າ ເປັນຜູ້ນຶ່ງທີ່ຕິດຕາມວິທະຍຸ VOA ມາ
ຕະລອດ ແລະຂໍຟັງເພງ ທີ່ມີຄວາມຫມາຍທີ່ດີແລະກ່ຽວ
ຂ້ອງກັບແມ່ແລະເພງນີ້ກໍເຫມາະທີ່ສຸດ ທີ່ໄດ້ສື່ຄວາມຫມາຍ
ເຖິງຄວາມຮູ້ສຶກທີ່ດີ ຄວາມຮັກ ຄວາມເອັນດູ ແລະຄວາມ
ຫ່ວງໃຍຂອງແມ່ທີ່ມີຕໍ່ລູກ ຊຶ່ງເພິ່ນໄດ້ລ້ຽງດູໃຫ້ພວກລູກໆ
ໄດ້ເຕີບໃຫ່ຽຈົນກາຍມາເປັນບຸກຄະລາກອນທີ່ດີຂອງສັງຄົມ
ແລະຄອບຄົວ ທັງວັນນະສອນແລະຄອບຄົວຈິດປັນຍາ
ຫາກໍເສຍແມ່ໄປວ່າງໄວໆມານີ້ເຊັ່ນກັນ ເພາະສະນັ້ນຈຶ່ງ
ຊາບຊຶ້ງເຖິງຄວາມຮູ້ສຶກນີ້ດີ "ຄິດເຖິງແມ່ເຫຼືອເກີນ" ແລະຂໍໃຫ້ບັນດາແມ່ທັງຫຼາຍ
ຈົ່ງມີແຕ່ສຸກຂະພາບທີ່ແຂງແຮງຕະລອດໄປ ຂໍເຊີນຮັບຟັງເພງ “ຄິດເຖິງແມ່”
ທີ່ຂັບຮ້ອງໂດຍ ຫະໄທລັດ ນັກຮ້ອງສາວຈາກລາວໄດ້ເລີຍ
ເພງ: ຄິດເຖິງແມ່ ໂດຍ ຫະໄທລັດ
ເພງບໍ່ລືມວຽງຈັນນີ້ ເປັນເພງອຳມະຕະທີ່ໂດງດັງໃນອະດີດ ຊຶ່ງຟັງຍາມໃດກໍພາໃຫ້
ຄິດເຖິງ ວຽງຈັນ ແບບບໍ່ເຄີຍລືມເລີຍ ແລະຍິ່ງເປັນສຽງຫວານໆຂອງນ້ອງແສງຈັນ
ຈາກຄ່າຍເພງ ລາວ Art Mediaແລ້ວ ກໍຍິ່ງເຮັດໃຫ້ຢາກໄປທ່ຽວວຽງຈັນດຽວນີ້ເລີຍ
ແລະວັນນະສອນຈັດມອບໃຫ້ນ້ອງໂພ ແທນຄຳຂອບໃຈທີ່ຂຽນemail ເຂົ້າມາ ແລະວ່າ
ຕິດຕາມຮັບຟັງ VOA ມາຕະລອດ ທີ່ບອກມາວ່າໃຫ້ທັງຄວາມບັນເທີງແລະໃຫ້ຄວາມຮູ້
ໂດຍສະເພາະລາຍການຊີວິດຊາວລາວໃນຕ່າງແດນ ເພາະເປັນອຸທາຫອນສອນໃຈ
ແລະໄດ້ຮຽນຮູ້ຊຶ່ງກັນແລະກັນ ແລະຫັວງວ່ານ້ອງໂພ ຄົງຈະຕິດຕໍ່ເຂົ້າມາອີກ ຖ້າໄດ້
ຟັງເພງທີ່ຈັດມອບໃຫ້ແລ້ວ
ເພງ: ບໍ່ລືມວຽງຈັນ
ຕ້ອງຂໍຂອບໃຈນ້ອງ ປ້ອມ ແກ້ວສະໝອນ ທີ່ກຳລັງສຶກສາຢູ່ທີ່ ມະຫາວິທະຍາໄລ
ນາໆຊາດ Asia Pacific ທີ່ປະເທດໄທ ທີ່ຂຽນ Email ເຂົ້າມາແນະນຳການຂຽນ
ສະຣະລາວໃນ font Saysetta OT ໃນວິທີທີ່ຖືກຕ້ອງ ເວລາ post ລົງໃນ website
ທາງຄະນະ VOA ຈຶ່ງຂໍມອບເພງ “ໂອ້ ຊີວິດ” ຂອງກຸ່ມສິນລະປິນ ຈິດປັນຍາ ແທນຄຳ
ຂອບໃຈ ເພື່ອເປັນກຳລັງໃຈຕໍ່ສູ້ ສຶກສາໃຫ້ຈົບໄວໆ ພ້ອມດຽວກັນນີ້ ຂໍມອບເພື່ອເປັນ
ກຳລັງໃຈໃຫ້ ຄອບຄົວ ຈິດປັນຍາ ທີ່ຫາກໍສູນເສຍແມ່ຜູ້ບັງເກີດເກົ້າໄປໃນໄວໆນີ້
ເຊັ່ນກັນ ເພື່ອໃຫ້ກ້າແກ່ນແລະຕໍ່ສູ້ ສ້າງຜົນງານເພງດີໆໃຫ້ຊາວລາວໃນຕ່າງແດນ
ໄດ້ຟັງກັນຕໍ່ໆໄປ ເພາະຊີວິດຄືການຕໍ່ສູ້ ແລະຂໍໃຫ້ທຸກໆທ່ານໂຊກດີ ພ້ອມແລ້ວທີ່
ຈະຕໍ່ສູ້ອະນາຄົດດ້ວຍຄວາມຫັວງ
