ຄ່ຳຄືນນີ້ວັນນະສອນຈັດເພງຕາມຄຳຂໍຂອງທ່ານຜູ້ຟັງທີ່ຂຽນຂໍ້ຄວາມໄວ້ ທາງ website
ໃນລາຍການສຽງເພງຈາກແດນໄກ ຂອງເຮົາ ຈາກ ວິຣະບັນຈາ ພິດ-ອານົງ ຈາກ
Sydney,Australia - ລາຍການສຽງລາວອອສເຕຼລຽນ ທີ່ www.laofm100.3
or www.2mer.org.au ຫຼືບໍ່ກໍຂຽນເຖິງDJ ໄດ້ທີ່ phitanong@hotmail.com.au
ທີ່ບອກມາວ່າຢາກຟັງເພງ ຄິດເຖິງບ້ານເຮົາ ແລະກໍບໍ່ໄດ້ຣະບຸວ່າເປັນເພງຂອງ
ສິນລະປິນທ່ານໃດ ເພາະສະນັ້ນວັນນະສອນຂໍຈັດເພງ ຄິດເຖິງບ້ານ
ຂອງກຸ່ມສິນລະປິນ ລາວ-ການາດາ ວົງ Exile ທີ່ໂດງດັງໃນອະດີດທັງໃນການາດາ
ສະຫະລັດແລະປະເທດໄທນຳ ແລະຄິດວ່າຜູ້ຟັງຫຼາຍໆທ່ານຄົງຈະມີຄວາມຮູ້ສຶກແບບ
ດຽວກັນ ຄິດເຖິງບ້ານ.
ສ່ວນເພງທີ່ສອງນີ້ເປັນຂອງອ້າຍພູສຸກສະຫວັດ ທານາດາບຸດ ຈັດໃຫ້ແທນຄຳຂອບໃຈ
ທີ່ຜູ້ຟັງທ່ານນຶ່ງຂຽນຝາກໄວ້ເເຕ່ບໍ່ໄດ້ບອກຊື່ໄວ້ ແຕ່ຢ່າງໃດກໍຕາມທາງເຮົາຂໍຈັດເພງ
ຄັ້ງນຶ່ງໃນຊີວິດ ຂອງອ້າຍພູສຸກສະຫວັດໃຫ້ຟັງສົມໃຈເລີຍ ແລະຖ້າທ່ານໃດສົນໃຈ
ກ່ຽວກັບເພງ ຊຸດນີ້ກໍສອບຖາມໄດ້ທີ່ thanadabouth1@sbcglobal.net
ແລະເພງສຸດທ້າຍນີ້ ເຮົາເປັນຄົນລາວ ຂອງ Sarky Mekmorakoth ສິນລະປິນລາວ
ອະເມຣິກັນທີ່ລັດCalifornia ທີ່ມີຄວາມສາມາດເຕັມປ່ຽມ ທັງຮ້ອງ ທັງຫຼິ້ນດົນຕຣີແລະ
ແຕ່ງເພງນຳ ຊຶ່ງວັນນະສອນຈັດເພງໃຫ້ ທ່ານບຸນປະເສີດ ຈາກອຸດທະຍານ Australia
ແທນຄຳຂອບໃຈທີ່ຄອຍເປັນກຳລັງໃຈແລະເປັນຜູ້ຟັງທີ່ຫນ້າຮັກ ທີ່ຄອຍຕິດຕາມລາຍການ
ວິທະຍຸ Voice of America(VOA) ຢ່າງສຳເຫມີຕົ້ນສະເຫມີປາຍ. ຢ່າລືມມີນັດກັບ
ວັນນະສອນໃນອາທິດຫນ້າ ທີ່ເກົ່າເວລາເດີມ. ຂໍໃຫ້ນອນລັບຝັນດີ ແລະກໍຢ່າລືມ ກົດສຽງ
ເພື່ອຟັງລາຍງານທີ່ຫນ້າສົນໃຈອື່ນໆ ທີ່ພວກເຮົາບັນທຶກໄວ້.
