ທ່ານ ບົວວັນ ສີມາລີວົງ, ຮອງຜູ້ອໍານວຍການທະນາຄານຮ່ວມທຸລະກິດລາວ-ຫວຽດ
ນາມ (LAO-VIET Bank) ຖະແຫຼງຢືນຢັນວ່າ ການດຳເນີນທຸລະກິດຂອງທະນາຄານ ຮ່ວມທຶນລາວ-ຫວຽດນາມ ໄດ້ຂະຫຍາຍຕົວເພີ່ມຂຶ້ນຢ່າງຕໍ່ເນື່ອງໃນທຸກໆດ້ານ, ໂດຍ
ສະເພາະໃນຊ່ວງ 6 ເດືອນຕົ້ນປີ 2011 ນີ້ ປະກົດວ່າ ທະນາຄານຮ່ວມທຶນລາວ-ຫວຽດ ນາມສາມາດລະດົມເງິນຝາກໄດ້ເຖິງ 163 ລ້ານໂດລາ ຫຼືຫຼາຍກວ່າ 1,300 ຕື້ກີບ.
ພ້ອມກັນນັ້ນ ກໍສາມາດຕອບສະໜອງການແລກປ່ຽນລະຫວ່າງເງິນກີບກັບເງິນດົງຂອງ
ຫວຽດນາມໄດ້ໃນມູນຄ່າລວມຫຼາຍກວ່າ 345 ຕື້ກີບ. ໃນຂະນະທີ່ນັກທຸລະກິດລາວແລະ ຫວຽດນາມກໍໄດ້ມີການໂອນເງິນເພື່ອຊຳລະລາຄາສິນຄ້າລະຫວ່າງກັນ ໂດຍຜ່ານລະບົບ ຂອງທະນາຄານດັ່ງກ່າວໃນມູນຄ່າລວມເກີນກວ່າ 59 ລ້ານໂດລາ ຫຼືຫຼາຍກວ່າ 470 ຕື້
ກີບ, ກັບທັງຍັງໄດ້ໃຫ້ສິນເຊື່ອແກ່ບັນດານັກທຸລະກິດລາວ ແລະຫວຽດນາມໃນມູນຄ່າ
ລວມເກືອບເຖິງ 2,000 ຕື້ກີບ ຫລື 238 ລ້ານໂດລາອີກດ້ວຍ.
ແຕ່ຢ່າງໃດກໍຕາມ ຮອງຜູ້ອໍານວຍການທະ
ນາຄານຮ່ວມທຸລະກິດລາວ-ຫວຽດນາມ
ກໍຍອມຮັບວ່າ ການດໍາເນີນທຸລະກິດຂອງ
ທະນາຄານດັ່ງກ່າວ ທີ່ຂະຫຍາຍຕົວເພີ່ມ
ຂຶ້ນຢ່າງຕໍ່ເນື່ອງດັ່ງກ່າວນັ້ນ ກໍຍ້ອນວ່າໄດ້
ຮັບການສະໜັບສະໜູນ ແລະຊ່ວຍເຫຼືອ
ເປັນຢ່າງດີ ທັງຈາກທາງການລາວ ແລະ
ຫວຽດນາມໂດຍຕະຫຼອດ ນັບຕັ້ງແຕ່ທີ່
ໄດ້ມີການສ້າງຕັ້ງທະນາຄານຮ່ວມທຸລະ
ກິດລາວ-ຫວຽດນາມຂຶ້ນມາຢ່າງເປັນທາງ
ການເມື່ອວັນທີ 22 ມິຖຸນາ 1999 ດັ່ງທີ່
ທ່ານ ບົວວັນ ໄດ້ຊີ້ແຈງວ່າ:
“ຖືວ່າພວກຂ້າພະເຈົ້າກໍໄດ້ຮັບຄວາມ
ສະດວກຫຼາຍຢ່າງຈາກລັດຖະບານ
ຈາກສອງປະເທດເປັນຕົ້ນແມ່ນລັດຖະ
ບານຫວຽດນາມນີ້ ໄດ້ຊີ້ນໍາບັນດາຫົວໜ່ວຍທຸລະກິດຂອງຫວຽດນາມ ທີ່ມາລົງທຶນ
ຢູ່ລາວນີ້ ຕ້ອງໄດ້ມາໃຊ້ບໍລິການຜ່ານທາງທະນາຄານລາວ-ຫວຽດນາມ, ໂດຍທີ່
ທະນາຄານແມ່ເບື້ອງນັ້ນ ເປັນຜູ້ປະສານງານ. ລັດຖະບານລາວເຮົາກໍຄືກັນ ກໍໄດ້
ອໍານວຍຄວາມສະດວກຫຼາຍຢ່າງ ເປັນຕົ້ນວ່າ ໃຫ້ເຊົ່າສະຖານທີ່ທີ່ເໝາະສົມ ແລະ
ອໍານວຍຂັ້ນຕອນຕ່າງໆ ຖືວ່າໄດ້ຮັບຄວາມເອົາໃຈໃສ່ຊີ້ນໍາພິເສດຈາກລັດຖະບານ.”
ໂດຍໃນປັດຈຸບັນ ທະນາ
ຄານຮ່ວມທຸລະກິດລາວ-
ຫວຽດນາມ ທີ່ເປັນການ
ຮ່ວມລົງທຶນລະຫວ່າງທະ
ນາຄານການຄ້າຕ່າງປະ
ເທດຂອງລາວ ກັບທະນາ
ຄານການລົງທຶນເພື່ອການ
ພັດທະນາຂອງຫວຽດນາມ
ນັ້ນມີສໍານັກງານ 4 ແຫ່ງ
ດ້ວຍກັນ ກໍຄືຢູ່ນະຄອນ
ຫຼວງຮ່າໂນ່ຍ, ນະຄອນ
ໂຮ່ຈີມິນຊີຕີ້, ນະຄອນຫຼວງ
ວຽງຈັນ ແລະທີ່ແຂວງສະຫວັນນະເຂດ, ເຊິ່ງມີການຈ້າງພະນັກງານທັງຄົນລາວ ແລະ
ຫວຽດນາມ ລວມກັນເຖິງ 300 ກວ່າຄົນ ຈຶ່ງນັບເປັນທະນາຄານທີ່ມີການຂະຫຍາຍຕົວທາງ
ດ້ານທຸລະກິດຢ່າງວ່ອງໄວທີ່ສຸດໃນລາວໃນໄລຍະ 10 ປີມານີ້.
ທັງນີ້ ໂດຍອີງຕາມລາຍງານປະຈໍາເດືອນມີຖຸນາ ປີ 2011 ນີ້ ຂອງທະນາຄານຮ່ວມທຸລະ
ກິດລາວ-ຫວຽດນາມກໍປະກົດວ່າ ທະນາຄານດັ່ງກ່າວມີມູນຄ່າສິນຊັບລວມຫຼາຍກວ່າ 330
ລ້ານໂດລາ ຫຼືເພີ່ມຂຶ້ນໃນອັດຕາສະເລ່ຍເຖິງ 25% ຕໍ່ປີ ນັບຕັ້ງແຕ່ທີ່ໄດ້ສ້າງຕັ້ງທະນາຄານ ດັ່ງກ່າວຂຶ້ນມາຢ່າງເປັນທາງການໃນປີ 1999 ເປັນຕົ້ນມາ ແລະໃນຂະນະດຽວກັນກໍມີຍອດ
ການໂອນເງິນສະສົມລະຫວ່າງລາວກັບຫວຽດນາມ ທີ່ຜ່ານລະບົບຂອງທະນາຄານຮ່ວມທຶນ
ລາວ-ຫວຽດນາມຄິດເປັນມູນຄ່າລວມຫຼາຍກວ່າ 500 ລ້ານໂດລາ, ເຊິ່ງສ່ວນໃຫຍ່ ກໍເປັນ
ການໂອນເງິນຈາກຫວຽດນາມ ເຂົ້າມາລົງທຶນໃນລາວທີ່ນັບມື້ນັບເພີ່ມຂຶ້ນນັ້ນ.
ທາງດ້ານກະຊວງແຜນການ
ແລະ ການລົງທຶນຂອງລາວນັ້ນ
ກໍລາຍງານວ່າ ນັບຈາກປີ 2000
ເປັນຕົ້ນມາຈົນເຖິງປັດຈຸບັນນີ້
ການລົງທຶນຂອງຫວຽດນາມ
ໃນລາວມີມູນຄ່າລວມເກີນກວ່າ
3,500 ລ້ານໂດລາແລ້ວ, ໂດຍ
ເປັນການລົງທຶນໃນ 421 ໂຄງ
ການ ແລະສ່ວນໃຫຍ່ກໍເປັນການ
ລົງທຶນໃນພາກກະສິກໍາ, ພາກ
ພະລັງງານໄຟຟ້າ, ການຂຸດຄົ້ນ
ບໍ່ແຮ່ ແລະພາກບໍລິການຕ່າງໆ
ເຊິ່ງຖືເປັນປະເທດອັນດັບທີ່ 2
ທີ່ມີມູນຄ່າການລົງທຶນໃນລາວຫຼາຍທີ່ສຸດ, ໂດຍເປັນຮອງພຽງແຕ່ຈີນປະເທດດຽວເທົ່ານັ້ນ.
